آفـة العالم !!
[poem=font="Simplified Arabic,5,green,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
اناكان لي وجهـة نظرلاتزال الآن =على حالها.... والحال مايندرى بعدين على اللي مـورد كلمةٍ مالهابرهان= يقول السنين تعلم الرجل..لكن وين لوان السنين تعلم وماهوب غلطان= اجل ليه اصدق ضحكة الناس الى ذالحين حكايات وامثال وقصايد وهرج لسان= ماغيرنتناقلها لاجل نكسرالروتين ولاهي من السنّه ولاهي من القرآن= ولكنهامثل الدراهم لها وجهين مثل.. من يقول ان افة العالم النسيان= ومثل من يقول ان الجمايل سواة الدين وانافي رقبتي دين عبدالله وسلطان= مقادم كتايب جيشنا فالنهارالشين سلاطين نجداعيال من وحّدالشتان= مجدي الجهام معزي مطّوع العاصين حدود البلاد من الحديثه ليا نجران= حكمها بشرع الله والسيف ابو حدين عموماًً مثل ماقالوا الهرج له نيشان= من البيت هذا نقطه..وفاصل وخطين لياصار يمديني على الما واناعطشان= ابشرب واعيّن خير واجلس واسولف لين ارد الخبر والكلمه اللي وعدها حان = ابقولها واعلّم اللي ماهم دارين لياصرت حلولسان....ماني قليل احسان= موفقني الله ومتجمل من الصوبين لأني وانا صادق علي الحرام ان كان= تكلمت فظهور الاوادم وهم مجفين لكّن لاذكــــرت اني مسلّم على الرديان= تمنيت ربي لوخلقني بدون يدين ابقول للي ينطح براسه الجدران=حسب مااتضحلي فيه وحده من الثنتين او انه من الجدران متضايق وزعلان= او انه يبي يطلع لكن ما يعرف منين ابتجاهله واسكت لوان السكوت احيان= ضعف..وانهزاميه..وذله..وكسرة عين وانالاسكتّ اسكت لأني وسيع بطان= ومتأكد اني لاضعيّف ولامسكين ابقوم بحمول الرفاقه واناشقران= يشيل ظهري حمل المجانين والصاحين على شانهم والا انت ياممسح الريضان= تبي تتعب حنا على حالنا باقين [/poem] |
حجز اول فاخر يا يوسف وحي والله هالعين :)
|
طلال مرحبا 1000000
اسعدني مرورك وعلى الود باقين |
ارحب يبومحارب هذا من ذوقك بس
1000 شكر |
الله الله يا يوسف !!
دره لكّن لاذكرت اني مسلّم علـى الرديـان تمنيـت ربـي لوخلقنـي بـدون يديـن لكّن لاذكرت اني مسلّم علـى الرديـان تمنيـت ربـي لوخلقنـي بـدون يديـن لكّن لاذكرت اني مسلّم علـى الرديـان تمنيـت ربـي لوخلقنـي بـدون يديـن الله عليك وصح لساااااااااانك يامبدع !! |
هلا وغلا يابو رزاق
صباح الشعر يافخر وحجززززززززززززززززززز . |
ارحب يابن ذايب
صباحك عز يابعد راسي |
اقتباس:
ياسلام عليك يايوسف قصيده فووووق الاطراء لله درك وكفوووووووو كفووووووووووووو ومعك قلباً وقالباً ابقول للي ينطح براسه الجدران حسب مااتضحلي فيه وحده من الثنتين او انه من الجدران متضايق وزعلان او انه يبي يطلع لكن ما يعرف منين الله الله وفيت ولاهفيت . |
4 ,, يالغلا
|
.
كفو كفو كفو يابو رزاق انا اشهد انه فخر في محله وعساهم فداك الرديان صح لسانك من ألفها الى يائها حضورك دائما مثري للقارئ والمشاهد والمستمع صح لسانك ..... صح لسانك ..... صح لسانك ..... صح لسانك ..... تقبل مروري البسيط ................ ودمت بود . |
هلا يابو تركي
اشوف المرقاب منور صح لسانك ولله درك وشهادتي في مجروحه واللسان يعجز عن التعبير بس اقول اني اعيد قرات القصيده مرار وتكرار صح لسانك مره اخرى يابا تركي |
هلا وغلا
ابقـوم بحمـول الرفاقـه واناشـقـران يشيل ظهري حمل المجانين والصاحيـن كفو كفو وصح الله قلبك يايوسف ولاهنت على الطيّبه ، ويفدوونك الرديان :) |
لله درك × لله درك
صح السانك يا ولد العم ، قصيده وافيه وجت في وقتها ،،، |
ابتجاهله واسكت لوان السكـوت احيـان
ضعف..وانهزاميه..وذله..وكسرة عيـن وانالاسكتّ اسكت لأنـي وسيـع بطـان ومتأكـد انـي لاضعيّـف ولامسكـيـن ابقـوم بحمـول الرفاقـه واناشـقـران يشيل ظهري حمل المجانين والصاحيـن على شانهم والا انت ياممسح الريضـان تبي تتعـب حنـا علـى حالنـا باقيـن بيض الله وجهك وصح لساانك يا يوسف دائما مبدع ورائع وجزل سجل اعجابي ومتابعتي |
.
. الله الله الله الله الله :) أبو رزاق .. ! [poem=font="Simplified Arabic,5,firebrick,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"] ارد الخبر والكلمه اللـي وعدهـا حـان=ابقولهـا واعلّـم اللـي ماهـم داريـن لياصرت حلولسان....ماني قليل احسان=موفقنـي الله ومتجمـل مـن الصوبيـن لأني وانا صادق علي الحـرام ان كـان=تكلمت فظهـور الاوادم وهـم مجفيـن لكّن لاذكرت اني مسلّم علـى الرديـان=تمنيـت ربـي لوخلقنـي بـدون يديـن ابقـول للـي ينطـح براسـه الجـدران=حسب مااتضحلي فيه وحده من الثنتيـن [/poem] لله درّك .. ! لله درّك .. ! و صح الله السانك ملايين ملايين ملايين ملايين . |
الغالي يوسف العصيمي
صح لسانك واعتلا شانك والصمت ابلغ من الرد دائما تقبل مروري واعجابي القديم المتجدد |
ابقـول للـي ينطـح براسـه الجـدران
حسب مااتضحلي فيه وحده من الثنتيـن او انه من الجدران متضايـق وزعـلان او انه يبي يطلع لكن ما يعـرف منيـن إختصرت الكثير يابوتركي .. سلمت وصح لسانك .. تحيتي وإعجابي ، |
يوسف العصيمي
اقسم بالله العظيم انك شاعر مبدع .. وتكتب بحرفنه وتفرّد واحيّيك على التغليف المحكم ومعالجة الامور بذكاء شاعر صح .. الله لا يضرك صح السانك دبل وثري اعجابي |
ابتجاهله واسكت لوان السكـوت احيـان
ضعف..وانهزاميه..وذله..وكسرة عيـن وانالاسكتّ اسكت لأنـي وسيـع بطـان ومتأكـد انـي لاضعيّـف ولامسكـيـن ابقـوم بحمـول الرفاقـه واناشـقـران يشيل ظهري حمل المجانين والصاحيـن مليتها عدل يايوسف و صح لسانك يابطل ... |
.
ولاهي من السنّه ولاهـي مـن القـرآن ولكنهامثـل الدراهـم لـهـا وجهـيـن مثل.. من يقول ان افة العالـم النسيـان ومثل من يقول ان الجمايل سواة الديـن وانافي رقبتـي ديـن عبـدالله وسلطـان مقـادم كتايـب جيشنـا فالنهارالشـيـن يوسف العصيمي جزل جزل جزل ومبدع ... صح لســانك ملايين ... تقبل تحياتي دمت بود |
اخوي يوسف
القصيده ابلغ من الرد والموضوع الذي ترمي اليه لايستحق اكثر من التجاهل وانت اكبر بكثير من ما قيل فلما رايت الجهل في الناس فاشيا = تجاهلت حتى قيل عني جاهل تقبل اعجابي بمعالجتك للموضوع اخوك سعد الحافي |
وسيع بطان
ياسلام ياسلام يوسف .. لله درك ياشيخ ! صح لسانك |
| جميع الأوقات بتوقيت GMT +3. الساعة الآن 08:53 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية