تكريت
السلام عليكم ورحمة الله...
الله يمسيكم بالخير جميع .... أقدم لكم هذي المتواضعه عسى ان تنال إعجابكم... أذكروا الله....... إلى ضاق صدري ياهجوس الشعر غنيت = عسى الله يعينك كل مالصدر ( حن ) وضاق على طارق المنكوس ليلي سرا مامسيت = ونزف المشاعـر ماوقف سـاريً دفــاق أرص الشعر والبيت يسري وتـوه بـيت = بيوتٍ تليـق بـحـضرة السامـع الـذواق إلى صـار ماللشعـر ذكرٍ يـدوم وصيت = نـهاية مطـاف السـالفه حبر فوق أوراق مساء الخير ياللي فوق عرش الغلا حليت = وش الحـال عـقب البـعد ياسيد العشـاق من الصبر ضقت إيلين من ضيقتـي مليت = وانا خـابر إن الـصبر لاطـال مـاينطاق لو انك تعـرف اشكثر مـن غيبتك عانيت = فصخت الحياء وأقبلت لي فوق خف وساق سـميك إلى نادووه فـي غـيبتك لـبيت = أوقـف علـى طولـي وألبي مـن الاعماق أفـز لسـميك يابـعـد كل مـن حـبيت = وش تـقـول لـوأشاهدك عـقب طول فراق لعبـي غرامـك لعبة الحـرب في تكريت = بعد مـاغـزاه الغـازي الـطامع الـسـراق يحـط الـعذر صدام والهيس يبغي الزيت = مـسـتقبل بـلاده بـس..والـغير بالـطقـاق ياغصن الغرام أمسيت باحلا مساء واضحيت = يهزك مـن أنسـام الـغلا نـسـمةٍ تنساق لك من الـخفوق اللي يـودك ولو شـحيت = بـوصلك عـليه وزدت ذاك الـفـراق فراق وسلامتكم.. |
لو انك تعـرف اشكثر مـن غيبتك عانيت
فصخت الحياء وأقبلت لي فوق خف وساق صح الله لسانك ياراشد دمت مبدع |
لا اله الا الله . صح الله لسانك ولا هنت ابيات طيبة تستاهل المرور والقراءة وفق الله |
راشد
صح لسانك وسلمت على هالقصيده الطيبه بس الشطر الثاني من هذا البيت ماعرفت اقراه يحـط الـعذر صدام والهيس يبغي الزيت = مـسـتقبل بـلاده بـس..والـغير بالـطقـاق . |
أرص الشعر والبيت يسري وتـوه بـيت = بيوتٍ تليـق بـحـضرة السامـع الـذواق
إلى صـار ماللشعـر ذكرٍ يـدوم وصيت = نـهاية مطـاف السـالفه حبر فوق أوراق راشد .. عزالله انك ارضيت الذائقه وابدعت ايما ابداع على طرق المنكوس صح والله لسااااااااااانك ياامبدع |
صح لسانك
|
لعبـي غرامـك لعبة الحـرب في تكريت = بعد مـاغـزاه الغـازي الـطامع الـسـراق
يحـط الـعذر صدام والهيس يبغي الزيت = مـسـتقبل بـلاده بـس..والـغير بالـطقـاق ياسلام ياراشد صح لسانك على الإمتاع غيمار |
ابو محمد
تحضر وترضي ذائقة المتلقي كعادتك صح السانك ودام حضورك المشرق بالابداع... تقديري ومحبتي |
أرص الشعر والبيت يسري وتـوه بـيت = بيوتٍ تليـق بـحـضرة السامـع الـذواق
إلى صـار ماللشعـر ذكرٍ يـدوم وصيت = نـهاية مطـاف السـالفه حبر فوق أوراق راشد بن فلوه صح لسااانك مدد هنا شعر جزل بكل ماتعني الكلمه كل الود |
خالد السويكت
صح بدنك ياغالي والله لايهينك على المرور... |
بدر ناصر العجمي
حقٍ قولة لا إله إلا الله صح بدنك وبيض الله وجهك على المرور وعسى الله يوفق الجميع |
عدنان مرضي ....صح بدنك ولاهنت على المرور
اما بالنسبه للشطر الثاني العارف مايعرف وانا اخوك... |
فالح المصعوك
بيض الله وجهك على الشهاده الطيبه اللي افتخر فيها ومرورك شرف عساني ماقدم إلا اللي يرضي الجميع. |
ضيف الله الغنامي
صح بدنك. |
نايف المقاطي
صح بدنك بيض الله وجهك على المرور.. |
زايد بن كروز
مما يسعدني مرور الكبار أمثالك شرفتني بمرورك عسى عمرك طويل. |
ناصر الحربي
مرحبا بك شهاده تعني لي الكثير لاهنت على مرورك المشرف. |
ارررررررررحب ياراشد
حيه وحي ماجاب صح الله لسانك مدد ماهو بعدد وافي وجزل واستمتع بقراءة قصائدك تقبل تقديري |
عوض ابن طميران
مرحبا ومسهلا... أبـــــــــقه صح بدنك وبيض الله وجهك على المرور المشرف. |
صحالساانك يابنفلوهعلى هالقصيده الجزله
تقبل تحيااتي وتقديري |
صح لسااانك يا راشد
قصيده جميله من شاعر تحياتي وتقديري |
بندر الدوسري
صح بدنك بيض الله وجهك ولاهنت على مرورك المشرف. |
| جميع الأوقات بتوقيت GMT +3. الساعة الآن 07:02 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية