المشـهد السـاخن !
السلام عليكم ،
أبيات متواضعه عن الوضع المحلي السائد في الكويت بعد حلّ مجلس الأمه وإستعدادت المرشحين لخوض الانتخابات القريبه جدا ، رأي شخصي لا أكثر ، [poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"] أنبلج نور القريحه وأسرج الهاجس حصانه=والضمير الحي حضّر ما يكنـّه في كنينه كان ما لي مع سماحة هاجسي قدر ومكانه=ليه تزهمني بحوره وأرفع شراع السفينه ما دخلت الشـّعر أغنـّي غير من باب الميانه=المواثيق القديمه باقيه بيني وبينه لو ضمنت حقوق قلبي ما على قلبي ضمانه=خايف أنـه ما يوقـّف نبضه إلاّ من حنينه ! يشتحن ويثور ما بين المعزّه والإهانه=عزّ ربـّي من يعزّه .. هان ربّي من يهينه ليت راع الإسطوانه ما يعيد الإسطوانه=من مسد حبل الليالي والسّهر تبـّت يدينه وش حصيل المشهد الساخن ليا زاد إغليانه=والشرار اللي تقادح من عيون مشاهدينه الحكومه في بلدنا عقب حلّت برلمانه=لا تعلـّمنا بعلم ٍ كلّـبونا خابرينه مجلس الأمه لا ضاقت تضربه بالخيزرانه=وأن رضت عن ما يقوله قامت تقبـّل جبينه ! أنتهى وقت التحصّن وأبتدا رفع الحصانه=أقضب اللي بالحصانه يلمز ويغمز بعينه راحوا النوّاب كل ٍ خايفٍ يفقد مكانه=عقب ما ذاق الحلاوه بالهداوه طاردينه بالتـّعنصر والتـّنصر ما لصوت الحق خانه=نعرف البير وغطاه .. ونعرف اللي واردينه عسكروا فالشارع المفتوح ومن يصدر بيانه=يحتضن خوف المواطن لين تغشاه السكينه لو يشد حبال صوته ما يصح الله لسانه=يتهبّد .. ويتزبّد حلقه .. وينفض يمينه هكذا الحريه اللي تحفظ الدار وكيانه=إنتخابات وشعارات ودعايات ورطينه التـّحالف حان وقته مع فلان ومع فلانه=حوّلت حمى المصالح من مدينه في مدينه بعد تشكيل الدواير علّموا عنتر زمانه=من شحوم الثور الأسود يدهن سيور المكينه تلبسون البشت .. وإلاّ تلبسون الجبـّخانه=الثياب البيض ماهي فوق كلّ الناس زينه ! قد كشفناكم وشفنا فيكم أصناف اللعانه=كل واحد يشتم الثاني ويلعن والدينه تحرمون الصوت منيّ وأفلحوا والصوت أمانه=واعذاب المسلم اللي في رضاكم .. باع دينه ![/poem] وسلمتوا ،، .. |
دكتور الابداع والاحداث
الغالي سداح جيت اجدد الاعجاب واسجل حضور بس وصح لسانك والله يعينكم ويصلح احوال الامه الاسلاميه كلها |
الغالي
سداح وقصيده يفوح منها الغضب والابدااااااااااااع لله درك من القلب لو ضمنت حقوق قلبي ما على قلبي ضمانـه خايف أنه ما يوقّف نبضه إلاّ مـن حنينـه ! الله الله الله الله الله بيض الله وجهك بيض الله وجهك بيض الله وجهك اخوووووووووك |
سداح
صح لسانك ياذيبان مجلس الأمه لا ضاقت تضربـه بالخيزرانـه وأان رضت عن ما يقوله قامت تقبّل جبينه ! أنتهى وقت التحصّن وأبتـدا رفـع الحصانـه أقضب اللي بالحصانه يلمـز ويغمـز بعينـه راحوا النـوّاب كـل ٍ خايـفٍ يفقـد مكانـه عقب مـا ذاق الحـلاوه بالهـداوه طاردينـه رائع كعادتك اسمى التحايا |
اقتباس:
ياسلام ياسلام عليكم السلام ورحمه الله وبركاته ارحب ارحب يا استاذنا الكبير والاخ العزيز شاعرنا القدير بشعرة والكبير بقدرة الاستاذ : سداح مروري على ابداعك للاستفادة ابداعك في كل حدث ملحمه شعرية شاعر ابداعه يبتسم بالجزالة وفي غنى عن التعريف تقبل تحياتي وتقديري اخوك : حسين الدوسري |
دكتور سداح ,,,
صح لسانك وهونّها وتهون ,,, هذا مجلسنا وهذولا أعضائه والله ما يتغيرون ,,, الله يعينا عليهم وعلى شعاراتهم ,,,, أبدعت بمعنى الكلمه ,,, |
عليكم السلام ورحمة الله
الله الله ويعين الله صح السانك ولاهنت , التحيه |
تحرمون الصوت منيّ وأفلحوا والصوت أمانه
واعذاب المسلم اللي في رضاكم .. باع دينه ! مبدع بكل المقاييس سجل اعجابي دكتور بكل معنى الكلمه لي عوده لان المشهد الساخن سيبقى ساخن وقصيده مثل هذه يجب ان نتعلم منها الكثير اخوك سعد العجمي |
منبع الشعر الحقيقي**عند سداح ومثيله
شعر ولسانٍ طليقي**مايعرف المستحيله بحر واساسٍ عميقي**جعل يفدونه قبيله من ذوي ( خيقي وبيقي )**والحصيله لا حصيله |
سداح
ومشهد يحكي قصة اقرأها واجدها قد انطبقت على الكثير وليس فقط في الكويت وانتخاباتها ابيات سكنتها حكمة وقلم نزف شعرا رغما عنه سداح صح لسانك |
لله يبيض وجهك
معالجة للواقع بمنظور واعي هنا درس مطروح للإستفادة لمن يرغب صح لسانك غيمار |
سداح
الله الله هذا الكلام اللى يطير من النوم صح لسانك وطال عمرك على العز وسلامي لشخصك الكريم |
الله الله الله
الله الله الله عزالله تغرف من بحر الله لايضرك ، وردودنا ما توفيك حقك لذلك مانقوول إلا عسى خاطرٍ غنى بهاا مايضيق :) |
قد كشفناكم وشفنا فيكـم أصنـاف اللعانـه
كل واحـد يشتـم الثانـي ويلعـن والدينـه تحرمون الصوت منيّ وأفلحوا والصوت أمانه واعذاب المسلم اللي في رضاكم .. باع دينه ! الدكتور سداح صح لسنك وبيض الله وجهك دائماً إستمتع بما تكتب تقبل تقديري واحترامي فارس الدلبحي |
ســـداح
لافض فوك مامن جديد مبدع اختك .. عبير |
المشهد الساخن
والشعر الساخن لله درك ياسداح والله يحل عنكم البلا تجديد اعجاب وموده مع أجمل تحية أخوك |
بالتّعنصر والتّنصر ما لصوت الحـق خانـه
نعرف البير وغطاه .. ونعرف اللي واردينـه الله الله الله ينصر دينك صح لسانك يا دكتور تحياتي لك . |
لله درك يادكتور
لله درك يادكتور لله درك يادكتور صح لسانك ملاييييييييييييييييييييييييييييييييين تحياتي وتقديري |
تحرمون الصوت منيّ وأفلحوا والصوت أمانه
واعذاب المسلم اللي في رضاكم .. باع دينه ! سداح صح الله لسانك عدد المتقترعين في 17 مايو ! وتحرّانا على الخاص جاهيّة صوت :) |
قد كشفناكم وشفنا فيكـم أصنـاف اللعانـه
كل واحـد يشتـم الثانـي ويلعـن والدينـه تحرمون الصوت منيّ وأفلحوا والصوت أمانه واعذاب المسلم اللي في رضاكم .. باع دينه ! ياسلالالالالالالالالالام وأنا معك :) صح الساانك ولاهنت تقبل تحيااتي |
:
يا سلامي عليك يا سداح جعلك تبطي حي قل امين ولا يلجم لك لسان الاطراء والله يا سداح مفروغ منه لكن جينا نقرا شعر الله يرحم من جابك : : صح الله لسانك ولا هنت وفق الله : |
الدكتور سداح
تأكد انك دايم تقول اللي في صدورنا .. الله يعطيك طولة العمر يا علم صح لسانك وسلمت |
| جميع الأوقات بتوقيت GMT +3. الساعة الآن 08:16 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية