هـبـوب الـطــواري !
 

الاهداء الى الضمير .. و يا الله القبول .!
مع التحية للجميع ..
.
.
.
[poem=font="Simplified Arabic,5,firebrick,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
من البارحة والبال بين الخطاء واللوم=وانا فيّ من كثر العنا ما يكفيني
تهب الطواري بالشقا والهموم تحوم=و أغنّز علي اللي لا بدت ما يخليني
ياربي وانا عبدٍ اليا اذنبت طار النوم= من الخوف ..من يوم العراه المساكيني!
ليا جيت تعطي الحق للظلم والمظلوم= ياربي تجرني من عذابك و تنجيني
والا يارفيق الطيب..يالصاحب المحشوم=لا تنشد..ترى بعض السوالف ما تعنيني!
انا رجل أخاف الله..واشد الوفاء وآسووم= مقامٍ على روس النوايف يعليني
و اداري على سمعة قبيلة..وربع..و قوم=ولي رآي من بين النشاما يقديني
اليا صار ما عندك مبادئ و قوّ عزوم= و جلادة شجاعٍ يدحم الضلع و يليني
تبي تموت ما سويت مثقال ذرة يوم = ولا شلت حملك من ظهور البعاريني
ترى الحرّ يشهر ما يهمة نعيق البوم=لحاله عن الاسراب طلق الجناحيني
يالاصحاب مافيها سوالف و ردّ علوم=فـ لله حق الصبر و العمر و الديني
إلي نفس قد ضريتها للسحاب تشوم= ولي عشقةٍ عن كل شئٍ تبديني
من الخيل صفراّ لا عطت للهبوب قدوم= طلع كل شوقٍ من جهاتي يحييني
عريقة...أنيقة.. فاااخره بالنسب والقوم= لها من المطر طهرٍ عن البيض مغنيني
وقلبي بعدها عن دروب الهوى معصوم=قفلته بمفتاح الوفاء للمحبيني
عساني ليا رحت أخطبها من الزيزوم= ابوها..يوافق يااهل الطيب يعطيني
هذا الحب يرضيني لو انه يجيب هموم= ولو سطوته بالكبد و الدمع في عيني!
لكن صح ..مالك يالبنادم عن المقسوم=وعلى الله تزين و باقي العمر يمديني
أخلي بعض الامور لله وانا مزحوم =وانا أدري و مؤمن بأن ما الله مخليني ![/poem]
.
.
March-22-08
U.S.A

بدر الداموك

صح السانك ،، قصيده من مبداها إلى منتهاها وهي جزله ولا يمل قارئها ،،

كتبت فابدعت ،، الله يعطيك العافيه ،،

هذا الحب يرضيني لو انه يجيب همـوم
ولو سطوته بالكبد و الدمع فـي عينـي!
لكن صح ..مالك يالبنادم عـن المقسـوم
وعلى الله تزين و باقي العمـر يمدينـي
أخلي بعض الامـور لله وانـا مزحـوم
وانا أدري و مؤمن بأن ما الله مخليني !


انشاء لله ان الله مهوب مخليك

صح لسانك وسلمت يمينك

ابدعت وامتعت يا بدر

تحياتي لك ..

ترى الحرّ يشهر ما يهمة نعيـق البـوم
لحاله عن الاسراب طلـق الجناحينـي


صح لسانك


قصيده رائعه


لك فائق الاحترام والتقدير

تحياتي

ياربي وانا عبدٍ اليا اذنبت طـار النـوم
من الخوف ..من يوم العراه المساكيني!
ليا جيت تعطي الحق للظلـم والمظلـوم
ياربي تجرني مـن عذابـك و تنجينـي


يسلام صح لسانك


مبدع

انا رجل أخاف الله..واشد الوفاء وآسووم
مقـامٍ علـى روس النوايـف يعليـنـي

كفووووو

حضوور رااائع

صح لسانك

ولاهنت

احترااامي

و
ج
د

اليا صار ما عندك مبادئ و قوّ عـزوم
و جلادة شجاعٍ يدحم الضلـع و يلينـي
تبي تموت ما سويـت مثقـال ذرة يـوم
ولا شلت حملك من ظهـور البعارينـي


بدر

صح لسانك على هالقصيده الطيبه وعسى الله ما يخليك ولا يخلينا ان شاء الله


سلمت ودمت

الشاعر بدر الداموك

لازلنا ننهل من ابداعات كتاباتك

صح الله لسانك وسلم بنانك

ابيات رائعه ومشاعر راقية بحضور احساسك

لاتحرمنا من جديد ابداعاتك

وتقبل كل احترام وتقدير