(((((((((((((((تسع قوافي ثابته)))))))))))))))))
تسع قوافي ثابته
بين الحكمه والغزل أتمنا أن تنول إعجابكم [poem=font="Simplified Arabic,5,black,normal,normal" bkcolor="transparent" bkimage="" border="none,5,gray" type=2 line=0 align=center use=ex num="0,black"] سود الليالي بالبشر منجم دروس = بين الحنايا بالخفوق المعنا كود الهزالي بالضرر تحرم الكوس = يدين الرزايا ماتعوق بتثنا عود الرمالي منكسر هم بشموس = منين الرجايا والفروق ابعدنا عهود المحالي للفقر يحزم فلوس = رهين السطايا بالوثوق يتمنا وطود الجبالي مستقر تم محروس = وتين المنايا بالعذوق يتحنا حدود الرجالي بالصبر تلجم نفوس = بلين السجايا والحقوق بتهنا ورود الزلالي ماعسر شهم ناموس = دين وهقايا فوق لاعجعجنا وزود الامالي بالدهر يعدم الروس = وشين النوايا بالعروق أحرقنا رعود الخيالي بالنحر نغم ناقوس = حين المزايا بالبروق إلمعنا ونود الشمالي بالفكر لم هاجوس = وين الوفايا يالشروق بيمنا صدود وتعالي معتبر يثلم الموس = لين البلايا بالطروق إبركنا ذود الثقالي بالصدر هلم وتجوس = بين الخلايا وبالنفوق أروحنا ياسعود حالي بالقهر ينغم جروس = سنين الجفايا بالشدوق إكشرنا أقود تالي عمر بالغم محموس = ويبين غايا بالسبوق المهنا سهود وتسالي شهر والعزم فانوس = وسين الخفايا مايشوق لوطنا يعود بالي يفتكر رسم محسوس = يعين الهوايا يامخلوقٍ محنا جود الوصالي ينتظر تزهم رموس = وعين الشقايا ماتروق بزعلنا خدود الدلالي كالزهر وسم وإلبوس = زين وحلايا بالصدوق يتسنا وخود الجمالي كثر لو تلتم جلوس = زين السجايا يفوق لو يكثرنا[/poem] عبدالرحمن البراق |
وزود الامالي بالدهر يعدم الروس
وشين النوايا بالعـروق أحرقنـا رعود الخيالي بالنحر نغم ناقـوس حيـن المزايـا بالبـروق إلمعنـا الله ياعبدالرحمن .. شعر وفكر راقي ,, صح لسانك وسلمت ,, |
يا سلام عليك يا عبدالرحمن
صح لسااانك قصيده رغم صعوبتها الا انك ابدعت فيها صح لسانك مره اخرى لك مني المتابعه لك كل الود :) |
عبدالرحمن البراق
صح لسااانك مدد ابدعت بهالنص الراقي تقبل حضور اخوك وكل الود |
تسلم ياعبدالرحمن :)
بـس تراني مافهمت العنوان جدا.. كيف يعني تسع قوافي ؟؟ .. |
ياعبدربه
قصده تسع وقفات يعني كل كلمة أخر حرف فيها وقفه تتكرر فالابيات كلها عبدالرحمن البراق والله ودي استمتع زي اللي ردوا ويقولون انهم استمتعوا لكن عجزت اقراها على لحن واحد احيان يتفق لحن الصدر والعجز واحيان يختلف مدري عاد من قرايتي ولا منها ولا فيه اخطاء إملائية وترى كثرة الوقفات تجبر الشاعر على عسف الأبيات اذا انك هاوي الوقفات اكتب على اربع وقفات وان شاء الله تبدع غيمار |
^
^ الف شكر يابعد تسبدي ,, الآن عرفت معنى تسع قوافي !! والظاهرانها عشر ماهيب تسع :( سلام, عليكم |
ابو مجاهد
صح لسانك ولاهنت |
ملاحظه اللي يقول مااقراها زين او على لحن واحد هي على المسحوب ( صدود ومنين وسنين وغيرها مثل الكلمات هذي تشدونها بالقراءه بالحروف الاولى وراح تنطق صح ) تقبلو تحياتي ولي عوده
|
عبدالرحمن البراق
تسع وقفات ولااروع:) مبدع يابو مجاهد كالعاده صح والله لساااانك |
مرزوق الروقي انت الراقي وانت الابداع وصح بدنك
|
[align=center]وطود الجبالي مستقر تم محروس
وتيـن المنايـا بالعـذوق يتحـنـا حدود الرجالي بالصبر تلجم نفوس بليـن السجايـا والحقـوق بتهنـا الله الله عبدالبرحمن البراق صــح السانك قصيده يفتخر بحر المسحوب انك تطرقها عليه ومن قرأها اتمنا ان يغنيها بصوته لكي يعرف قيمتها الشعريه الفخمه والله ان قصيدتك هاذي أبتكار وانا اوافق أخوي مشعان البراق في رايه ان مكانها ف الابتكار والتميز لاهنت[/align] |
مشاري البرازي صح بدنك وانت الابداع كله يالغالي
|
صدود وتعالي معتبر يثلم المـوس
^ ^ اخي عبدالرحمن البراق القصيده تشتهر بسلاستها والبيت الثقيل في الوزن يقال له ضالع وهو اخو المكسور مثل الشطر المذكور اعلاه وهناك اشطر اخرى فيها عسف واضح وبحر المسحوب من اطيب بحور الشعر واكثرها تداول والوقفات لاتجي الا في المحاورة والقصيده هذي نبطية وحسب وجهة نظري ان هذا ابتداع ليس ابداع مما يودي للتجني على الموروث الشعبي تقبل تحياتي اخوك/حسين الدوسري |
حسن الدوسري انت تحارب مرقاب الابتكار والتميز الذي وضعه صاحب المنتدى واذا كان البيت المذكور اعلاه مكسور (0000000) وهل المحاوره معها صك بالوقفات والقوافي وهذي تبين على قدرة الشاعر على التنويع والابتكار مثل المهمله والحرف الواحد وغيره (تاكد من قدرتك وتنويعك الشعري) القصايد كثيره وحبينل نقدم الجديد الغريب
|
ياعبدالرحمن البراق
شعر النبط واضح والنقد البناء يرفع الشعر والشاعر والذي فهمته من ردك انك لاتقبل النقد |
انا احترم النقد البناء ولكن استغر من كلمة التجني على الموروث الشعبي وكاني لم اكتب حروف كالقصايد المتداوله وكأني وضعت معها نغمات وموسيقا وصور عاريات أين النقد البناء وانت تقول إبتداع كأنك لم تقراء لعبدالرحمن البراق الا هذه القصيده فقط اقراء لي جيداااااااا ومشكور على العموم
|
مشاري البرازي صح بدنك وانت الابداع كله
|
اقتباس:
طيب ياليت يامشعان انت ولا عبدالرحمن تسمعوناها صوتيا خلونا نستفيد غيمار |
ناصر الحربي صح بدنك وانت الابداع كله يالغالي
|
عبدالرحمن البراق
وصح لسانك قصيده قمه فى الابداع والتميز ومن قرائتى لها وجدت الحبكه الغير مستغربه منك فى المعنى الله لايضرك اسمى التحايا ياشاعرنا |
عبدربه صح بدنك يالغالي حمدالله إنك فهمت العنوان
|
| جميع الأوقات بتوقيت GMT +3. الساعة الآن 12:09 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية