الصــوره 2
السلام عليكم ..
أهـداء لـ الاخ / محمد بن سعود وإيضـا لكـم :) [poem=font="Simplified Arabic,5,indigo,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] الصوره اللي ( بجوالي ) تعذبني = ياكثر ماجيت ابمسحها ! واخليها ياللي جفيت وجفاك المر .. ذابحني = عقبك وجيه البشر .. ماني بدانيها من يوم حبك .. غزى القلب وتملكني = قطعت كل العلاقات وطواريها اقرى رسايلك ودموعي تسابقني = وارد ! واقرى الرسايل .. واحتفظ فيها انت آخر انسان هاقي منه يصدمني = والظاهر ان هقوتي بانت مواريها لو الوصايا ليا احتديت ! تنفعني = ياكثر ناس ٍ على ذودي بوصيها ليت الفرح ( بنك ) لاجيته يسلفني = واقاصده ( راحتي ) وحقوقه اوفيها من كثر ماكنت ! جارحني وظالمني = قمت اعزل جروحك بقلبي واسميها تدري وش اللي يبكيني ويضحكني = انك محامي قضيتنا وقاضيها تدري متاك ؟ تعرف قدري وتفقدني =لارخصت نفسك ,, لشخص ٍ مايراعيها بكره الا هملوك الناس تذكرني = وتقول عزاه : عيني من يداريها ؟ مدام غيري ؟ على قلبك مشاركني = وش هو له ؟ اعلق الأمال وابنيها يكفيني انك رحلت ومنت عايفني = هذا عزا النفس من كثرة بلاويها اهديتك : دموع من طعنتك تحرقني = وانت اللي تستاهل الدنيا ومافيها واهديتني جرح .. موجعني ؟ وعاجبني ؟ =لن الهدايا على مقدارمهديها صحيح ! ( حنا انتهينا ) .. بس صدقني !! = والله ان تبقى ( هوى روحي ) وغاليها مفضوح ؟ راع الهيام .. ونظرته !! تغني = ملامحه واضحه ! , في وجهه راعيها لكل داء ٍ دوا .. لـو هـو متعبني = إلا محبتك ؟ .. أعيت من يداويها ان قلت : علمني انسى ؟ لاتعلمني = دنياي لامن نسيتك ويش تاليها فارقتني وضحكتك عيت تفارقني = والله يلعن ابو الفرقا وطاريها مقدر !! أفكر بغيرك ؟ .. وانت عارفني = عشان حاجه ؟ بقلبي .. مقدر !! أخفيها اخاف لاحبني غيرك ؟ .. وعاشرني = يشوف صورتك في عيني ويوحيها نشدت عنك ؟ وسمعت اللي يفرحني = وارتاح صدري من هموم ٍ يحاتيها تبي تعرف ! وش ؟ على الفرقا مصبرني= انك بخير .. وحياتك مهتني فيها من يوم ماغبت ! والوحده تعذبني = اقرى ( رسايلك ) في حرقه والاحيها اشوف ( صورتك ) .. ودموعي تسابقني=وياكثر ماجيت أبمسحها ؟ وأخليها[/poem] . |
1
ليت الفـرح ( بنـك ) لاجيتـه يسلفنـي واقاصده ( راحتـي ) وحقوقـه اوفيهـا الله الله الاكيد ياسعود ان لي عوده :) |
لــن الهـدايـا عـلـى مقدارمهديـهـا
سعود بن مهدي دائما تتمادى بالجمال .. صح احساسك بلا عدد تقديري اخي .. |
الله الله
سلمت وصح الله لسانك |
بوعبدالله
والله اني مشتاق لك ومشتاق لنقاشاتك المثمره :) من كثر ماكنـت ! جارحنـي وظالمنـي قمت اعزل جروحـك بقلبـي واسميهـا شاعر كبير لك الاعجاب الخالص والمتابعه الدائمه |
ياخي انت اكبر هديه
اهدى الزمن للشعر راااائع ياسعود |
[align=center] [grade="000000 FF1493 000000 FF1493 000000"] القدير سعود بن مهدي هُنا الشعر يلوح بقافيته ووزنه وجزالته هُنا نهلنا فارتوينا فلله درك سيدي 00 صح لسانك وعلا شانك دمت متألقا 00[/grade] [/align] |
اقتباس:
يامرحبا يا هادي وتراني أحتريك :) |
سعود
أنت غير دااااايم غير والله انك مبدع ورااائع وجزل صح لساااانك مليار ولا هنت متابع لك دوما وابدا لك كل الود :) |
ياسلاااااااام عليك
قصيد راقيه باحساس راقي صح لسانك |
اختي بنت وايل
شكرا على الاطراء والمتابعه الجميله دمتي بألف خير |
سعود
صح لسانك مدد وسلمت على هالنص الجميل والرائع تقبل مروري |
ياسلام ياسعود
صح لسانك ولله درك غيمار |
ارحب يالمسري
صح بدنك ولاهنت على مرورك الجميل |
هلا وغلا يا سعود بن مهدي
شاعر مميز ولك نفس شعري خاص صح لسانك مدد وسلمت ،، .. |
تدري متـاك ؟ تعـرف قـدري وتفقدنـي
لارخصت نفسك ,, لشخـص ٍ مايراعيهـا يا سلام يا سعود ياسلام صح لسانك صح لسانك ولاهنت ياغالي محبتي ومتابعتي اخوك |
المسري
صح الله بدنك ولاهنت على مرورك |
ابو مرزوق
انتي اللي لك وحشه في ذمتي :) جعلني ماذوق حزنك ودمت بحفظ الله |
سلطان الاسيمر
يعلم الله اني احبك في الله وانك من اللذين احسب حساب ذائقته لك كل الشكر |
سعود
عز الله موجعه .. صح لسانك صح لسانك واسلم وسلّم :) |
اختي النجلاء
شكرا على الاطراء الجميل دمتي بحفظ الله |
ان قلـت : علمنـي انسـى ؟ لاتعلمنـي
دنيـاي لامـن نسيتـك ويــش تاليـهـا الله عليك يامبدع صح لسانك |
| جميع الأوقات بتوقيت GMT +3. الساعة الآن 09:14 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية