(( .. كم هقوة ٍ خايبة بالخايب تْخـيب & وْ كم هقوة ٍ طيّبة بالطيّب تْهون .. ))
 

السلام عليكم و رحمة الله و بركاته



أعضاء و زوار وجميع منتسبي هذا الصرح (منتديات المرقاب الأدبية)..



صبحكم / مساكم الله بالخير جميعًا..



أتشرف بمشاركتكم بهذا النص عسى أن أنال بإيراده هنا على إستحسانكم..




هذا النص أعبّر به عن تجربة و مواقف شخصية مريت بها.. وألزمني الواجب أن أثني على أهل الثنا والجميل..



و منهم الأخ العزيز/ عايض بن فجحان الميموني




إليكم النص..



وأرجو المعذرة و السموحة إذا بدا من طرفي أي قصور..




[poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يـا كثـر مـا شفـت بالدنيـا تعاجـيـب=أشوف .. وأهـل النظـر مثلـي يشوفـون
..=..
كـم مـن جذيـع ٍ تعـدّا راسـه الشـيـب=وْ كم من رزين ٍ بعقلـه .. صـار مجنـون
..=..
وْ كم مـن صـدوق ٍ تنقّـل عنْـه أكاذيـب=وْ كم مـن قنـوع ٍ غـدا بالمـال مفتـون
..=..
وْ كم من قويّ إنسدح عـن ماقـف الطيـب=وْ كم من ضعيف ٍ قوا .. يومنْـه ملسـون
..=..
وْ كم من يقيـن ٍ غـزاه الشـك و الريـب=وْ كـمّ إشتبـاه ٍ عـن التحقيـق مصيـون
..=..
وْ كم حسنةٍ تجلب الحسنـى غَـدَتْ عيـب=وْ كم مـن خبيـثٍ مـع التكريـم مقـرون
..=..
وْ كـم جاهـل ٍ لا تكلّـم .. قالـوا مْصيـب=وْ كم عـارفٍ لا تكلّـم .. مـا لقـا عـون
..=..
وْ كـم مفسـدٍ يحسبـون لْـه الحواسيـب=وْ كم مصلح ٍ مـا لقـا مـن لـه يـردّون
..=..
وْ كـم عَنْـز بقرونهـا تنطـح لهـا ذيـب=وْ كم ذيب حاله غـدا مـن دون فـي دون
..=..
وْ كـم مـن سفيـهٍ سراديبـه مراقـيـب=وْ كم مـن نزيـهٍ غـدا ممشـاه بالهـون
..=..
وْ كم غاوي ٍ لـه علـى أتباعـه مطاليـب=وْ كم مِقْـدي ٍ مـا لـه أتبـاع ٍ يطيعـون
..=..
وْ كـم هقـوة ٍ خايبـة بالخايـب تْخـيـب=وْ كـم هقـوة ٍ طيّبـة بالطـيّـب تْـهـون
..=..
دنـيًـا تـدولَـب تــدولاب الدوالـيـب=وأنـا بهـا عايـش ٍ مـع مـن يعيشـون
..=..
هـذا وأنـا لـي مـن الدنيـا تجـاريـب=وأطوف وأمشـي بهـا والنـاس يمشـون
..=..
لكنّـي أحـرص علـى دْروب المواجـيـب=لو إنّـي بْكبـدي مْـن الوقـت مطعـون
..=..
وأعـرف حقـوق الأقـارب والأجانـيـب=وأطيـب مـع كـلّ مـن مِعْيَـه يطيبـون
..=..
وأقـدّم الطيـب مـع بــذل التسابـيـب=وأستحقـر اللـي عـن الواجـب يميلـون
..=..
عـن واجباتـي ترانـي دوم مـا آغـيـب=والمقدريّـة فضـل مـن خالـق الـكـون
..=..
أستغفره و أحمـده و أرضـى بمـا يْجيـب=ما غيـره أحـدٍ حكـم بالكـاف و النـون
..=..
يـا الله طالـبْـك تذلـيـل المصاعـيـب=وْ ترفـع بـلاوي عبـادٍ لــك يصـلّـون
..=..
ما عن عطايـاك و عـن نعمتْـك تجنيـب=لـولا نعمْـك البشـرْ والـجـنْ يـدجّـون
..=..
أنـت الـذي لا دعيتـك مـنّـي قْـريـب=ولْيـا دعيـت البشـر عـنـي يـصـدّون
..=..
يــا قلّـهـم لا تجمّـعْـن العـواقـيـب=عــزالله إنْـهـم بحزّتـهـا يـقـلّـون
..=..
نـاس ٍ بوقـت الرخـا كثـر العياسـيـب=وش لي بهم..؟؟ يا عساهـم مـا يفيـدون
..=..
في كثرهـم نقـصٌ و بالترغيـب ترهيـب=إن رَغْبٌـوا الـلازمـة فيـهـا يـذلّـون
..=..
ما يِجْحَد الحقّ .. وٌلـوٌ مـا لـه مقاضيـب=حَتّيـش لـو بالثنـا لإسـمـي يِـطَـرّون
..=..
غِنـيّ عنهـم .. ولا فيـهـم مكاسـيـب=وإن كان كَثرٌوا .. بنقْصٌ .. و لا يـزودون
..=..
ناس ٍ من أجل الفِتـن صـاروا حطاطيـب=يـوم أكثـر الـنـاس للفتـنـة يشـبّـون
..=..
وأستثني أهـل الرمَـك و الفطّـر الشيـب=اللـي ليـا ثـارت الهيـجـا .. يبيـنـون
..=..
بالعَـزْم .. هٌـم مِتعبـة حِـرش العراقيـب=وْ بالحَزْم .. زادوا على الفرعون (فرعون)
..=..
وْ مْن الشجاعة عَدوْا لـ (عْديّ) و (كْليب)=وْ مْن الفراعة مشوا ممشى (إبْن زيـدون)
..=..
وْ مْن الوجاهة .. ثبوت بْيوت .. و تْهيـب=وْ مْن النزاهة .. عـن الهافـي يشومـون
..=..
وْ مْن الثقل .. بيـت ممسـوس الأطانيـب=وْ مْن العقل عـن هَـل الشـورى يسـدّون
..=..
سواة من طاب مِنْه الطيـب .. مـن طيـب=راسه .. و ساسه .. و نِعْم الساس (ميمون)
..=..
(عايض) .. و فيه العَوَض .. عزّ الأصاحيب=وإن عَـدّوا أهـل المكـارم فيـه يـبـدون
..=..
فيـه العَـوَضْ وإنْ تكـدّرْنَ المشـاريـب=في ضَـفّ (عايـض) رياجيـل ٍ يضِفّـون
..=..
اللـي ليـا هبّـت سْـمـوم و لواهـيـب=مِـقـدَم رجــالٍ لناصيـهـم يِـــذَرٌّون
..=..
وْ فـي ماكـره تحسـب ظْيوفـه معازيـب=حيث إنّـه المِسْعَـد لْمـن جـاه محـزون
..=..
يـوم إنّ كـلٍ بثوبـه خـاط لـه جـيـب=الجَـزْل يبغـى عَطـاه الجَـزْل مـدفـون
..=..
والشمس فـي حضرتـه مـا كنّهـا تْغيـب=وإن كـان غـابـت بـنـوره يستـدلّـون
..=..
هـذا .. ولا آقـول فـي غيـره عذاريـب=لكنّـه أجْبَرْنـي أمْــدح فـيـه هالـلـون
..=..
للفضـل ترتيـب ولأهـل الفضـل ترتيـب=وْ بأفضال (عايض) تراني صرت مسجـون
..=..
وأهـل الجمـايـل رفيعـيـن المناسـيـب=ما نجحد لْهـم فضـل .. والخلـق يـدرون
..=..
وأنـا لِـرَدّ الجمـيـل مْــن المنـاديـب=والسعْـي (شبـر ٍ) مَـردّه (بـاع) .. قانـون
..=..
وْ يوم إنّ بعـض الجمايـل ردّهـا صْعيـب=فالمقدريـة فضـل مـن خـالـق الـكـون
..=..
وأنـا قـويّ ٍ بـربّـي عـالـم الغـيـب=وأنهَـل مـن العلـم ومثلـي يستـزيـدون
..=..
وْ عِلْـم ٍ خفـا داخـل زْروف المكاتـيـب=مانيـب شيطـان .. والشيطـان ملـعـون
..=..
أحـاول بْعَقْلـيَ أعْمـل عَـنْـه تنقـيـب=لْيـا حشرنـي نذيـر القلـب مـن لــون
..=..
مير أرجي الله .. عسى مـا مِنْـه تخريـب=لأرض الجزيـرة .. وفيـه الخيـر مكنـون [/poem]



و سلمتوا..

حجز
1

الله

الله

الله


طرق ومعنى وجمال وروووعه والله ..

خالد مبدع وربي .


صح لسانك ..


ثاني ..

أبو عبدالله / .. خالد المريخي .,


لله درك وكفى


صح الله لسانك ولا قصرت


والممدوح يستاهل وانت كفو


تقبل مروري

صح لسانك ياخالد



قصيده رائعه


ومعاني جزله



لك مني فائق الاحترام والتقدير


تحياتي

:)



فرزنا الحجوزات يا الفرزه وحجزك رقم 1 :)




مرورك لنا شرف و نوماس طال عمرك...





تحياتي..

خالد عبدالله المريخي

الله الله يامبدع

صح لسانك ياذيبان

قصيده وافيه وجزله من شاعر جزل ومتمكن

سلمت ولاهنت

تحياتي

كم من يقيـن ٍ غـزاه الشـك و الريـب
وْ كـمّ إشتبـاه ٍ عـن التحقيـق مصيـون
..
..
وْ كم حسنةٍ تجلب الحسنـى غَـدَتْ عيـب
وْ كم مـن خبيـثٍ مـع التكريـم مقـرون
..
..
وْ كم جاهـل ٍ لا تكلّـم .. قالـوا مْصيـب
وْ كم عـارفٍ لا تكلّـم .. مـا لقـا عـون


الله الله يا خالد

صح لسانك صح لسانك والله

قصيدة شاعر حكمه وتمكن واضح

محبتي ومتابعتي ياغالي

اخوك

صح لسانك

خزانة شعر

وخزانة حكمه


شعر شعر بكل ماتحمله الكلمه من معنى


صح لساااانك وانا اخوك

قصيده محبوكه وواضح التمكن فيها

صح لسانك يا خالد وسلمت

،





صح الله لسانك ولا هنت
ابيات طيبه اللي تستاهل انا نقراها


بانتظار جديدك





.

وعليكم السلام ورحمة الله وبركاته

هلا ومسهلا يا بوعبدالله


قصيدة فاضت بالحكم والفخر


وْ كـم جاهـل ٍ لا تكلّـم .. قالـوا مْصيـب
وْ كم عـارفٍ لا تكلّـم .. مـا لقـا عـون


الله الله


ما كذبت والله يا خالد


صح لسانك مدد ،


..

الله الله

الله الله

صح لسانك وبنانك وبيانك ياخالد

خالد المريخي

صح لسانك مدد ياخالد

قصيدة جزلة امتزجت فيها الحكمة والتجربة

تحيتي وتقديري

خالد

صح لسانك


مدد

ولاهنت

طال عمرك


اخوك

حياك الله يا ثاني...



تشرفنا بمرورك الكريم...



صح بدنك ولا عليك زود...





تحياتي..

خالد عبدالله المريخي

شاعر وصح السانك
ومتابعتي لك

ليت كل قصيدة مدح تبتديء بهذا الإستهلال الجميل المليء بالحكمة وبعد النظر

من أجمل قصائد المدح ياخالد

صح لسانك ومن قدم الطيب لقى الطيب قدامه

أبو فلاح / .. فراج القرقاح ..

:)


يا مرحبا والله تراحيب الحيا..



صح الله بدنك ولا عليك زود طال عمرك..



والممدوح يستاهل وأنت وشرواك كل خير...





تحياتي..

محمد السميري



صح الله بدنك..



والله لا يهينك على تشريفك لي بالمرور الكريم والإطراء...





تقبل تحياتي..

صح بدنك

أسعدنا مرورك و شرفنا إطراءك