سعود بن مقعد الدهينة
[align=center]قصيدة ترحيبية خلال الحفل المقام بمناسبة عودة الشيخ سعود بن مقعد الدهينة من رحلته العلاجية في المانيا سالما معافا 10-5-1429[/align]
احمد الله واشكره رب الملا جـزل الفضائـل انعم بفضله على شيـخ الحرار الصيرميـة الامير ابن الاميـر وشيختـه فعـل ودلائـل ثابته ومثبتـه مـن يـوم عصـر الجاهليـة شيخةٍ ماهيب عارية مـن الشـوخ الاوائـل شيخة ٍ ماهيب ختـم ومشلـح اسـم وتابعيـة جابها فعل ٍ ينومـس مـن مقابيـس الفتايـل فوق سرج ومهرة ٍ عيطـا ورمـح وبندقيـة المهم يامـــرحبا ياشـــيخنا قاس البلايل يالاميـر ويارفـيـع المنـزلـة المقدريـة مرحبافـي مرحباياشيخنـا مـاض الفعايـل عـد ماقـادت و ماهلـت مـزون العقربيـة مرحبا في مرحبـا مـالاح بـراق المخايـل اودرج مـن دلـة الرسـلان بـن الشاذليـة مرحبا في مرحبا ياشيخنـا والـراس طايـل ماانتشر ضين البدو يرعى من العشب ضحوية وعد من كبرومن صلى الفرائـض والنفايـل عد حجاج الحرم والبيت فـي عيـد الضحيـة مرحبا فـي مرحبـا ياطيّـب ٍ مالـه مثايـل كن مايذكر علـى البيـداء وماتحـوي حليـة مرحبا في مرحبا واهلين يـاذرب الخصائـل يالاميـر وياعقيـد القـوم زيـزوم السريـة مانقـول ان الغيـاب ايـام واليـال ٍ قلائـل غيبتك يابو فهد عنا ترى ماهـي شويـة والله ان اكبودنـا عقبـك علـى حـام الملائـل والله ان قلوبنـا و عيونـنـا عقـبـك شقـية كيف حالك يالامير وطاب فالك كيـف قائـل شيخنا عقب البطـا والبعـد يفرحنـا مجيـة فرحـت بشوفـك مياديـن وبلاديـن وقبائـل يابشوش الوجه الابيض صاحب النفس الرضية ياعسى ماجاك من ضيم المصائب والهوايـل اجر يامير ودفع بلـوى مـن الدنيـا وسيـة اجر ومواجر عسى ماجاءك تخفيف وسهايـل دبرة المولـى تعالـى جـل شانـه والمشيـة ماشكت رجلك مرضها غير من شيل الثقايـل سقتها في سكة الواجب وممشاها جريـة وانتـه مضراعلى كسب الرجولـة والجمائـل وانت راسك من سطر عز وفخر يقدح حميـه ياجملنا ياشعيـل مـن البعاريـن الاصايـل في بعاريـن البـدو مايذكـرون البـدو زيـه ياجبال النير وخشـوم العلـم ياضلـع حايـل ياشماريـخ البهيتـه يـوم تزمـي والحويـة ندرق فيها من الميـلات وشمـوس القوائـل نلتجي فيها ذرا يـذري ودون الشمـس فيـه ليت واليا ان المرض يابو فهـد دوّر وسائـل كان يلقاء له ضعيـف علـوم وعزومه رديـة خبـل قوم ٍيتبـع الـغرات ودروب الفشايـل بالحكـي ياكبـره وبالفعـل ماعنـده بلـيـه ان بغيته مالقيتـه يختفـي وقـت الصمائـل والرخاء ينفخ ذروبه من حدم والشمـس حيـه وكان ماحصل من خدوش العرب غيرك بدائل ليت واليا ان المرض ياراعي الفزعـات فيـه شاعر رجله على جرف ٍ إمهايل ومتهايل حظه اعوج ومتعيوج مثـل باكـور المطيـة والحقيقة واضحة والشـك والنقصـان زايـل زال راسـي حـي وانـتـه والله ماعلـيـه والثناء والشكر والعرفـان واختـام المثائـل السـلام ورحمـة الله وبركـاتـه والتحـيـة |
ناصر النفيعي
عليكم السلام ورحمة الله وبركاته قصيدة وافية من شاعر وافي في شيخ وافي وابو فهد يستاهل المدح والطيب من القريب والبعيد ونهنيكم ونهنيء أنفسنا بعودة ابو فهد سالماً معافى والله يتم عليه ويمتعه بالصحة والعافية بيض الله وجهك وسلمت ودمت تقبل تحياااات أخوووووك محمد |
حي المدح اللي في اهله !!
الله الله الله يا ناصر ! صح لساانك وبيض الله وجهك على هـ المشاعر الطيبه تقديري واعجااااااااااابي !! |
حمداً لله على سلامة ابوفهد .. رجل قدير وصاحب مكانة كبيره عند قبيلته وجميع أبناء القبائل
وصح لسانك يابوبدر .. كفيت ووفيت .. تحيتي لك ، |
ناااااصر للأمانه
أنت مميز وقصيدك مميز صح لسانك ولا هنت وجعل صاحبكم مايشوف شر |
ياسلام ياناصر
صح لسانك ولافض فاك ويستاهل الممدوح وكفو بالمادح والممدوح والحمدلله على سلامته دائما مانجد الابداع في قصيدك ياناصر اعجابي وتقديري |
الامير ابن الاميـر وشيختـه فعـل ودلائـل
ثابته ومثبتـه مـن يـوم عصـر الجاهليـة شيخةٍ ماهيب عارية مـن الشـوخ الاوائـل شيخة ٍ ماهيب ختـم ومشلـح اسـم وتابعيـة جابها فعل ٍ ينومـس مـن مقابيـس الفتايـل فوق سرج ومهرة ٍ عيطـا ورمـح وبندقيـة والله والنعم ملايين بالمادح والممدوح نص جزل مميز صح لسانك مدد بلا عدد تحياتي |
الامير ابن الاميـر وشيختـه فعـل ودلائـل
ثابته ومثبتـه مـن يـوم عصـر الجاهليـة شيخةٍ ماهيب عارية مـن الشـوخ الاوائـل شيخة ٍ ماهيب ختـم ومشلـح اسـم وتابعيـة جابها فعل ٍ ينومـس مـن مقابيـس الفتايـل فوق سرج ومهرة ٍ عيطـا ورمـح وبندقيـة رااائع رااائع رااائع لله درك يا ناصر وبيض الله وجهك جزله من شاعر جزل وفي من يستحق صح لسااانك منه لين ترضى ويستاهل شيخنا منك اكثر سجل اعجابي ومتابعتي وتقديري |
محمد المغيرة
بحق يستاهل المدح راعيه وانت كذلك مقرونا بالشكر والتقدير على مرورك العذب |
صح لساااانك يبو بدر
ابدعت |
الامير ابن الاميـر وشيختـه فعـل ودلائـل
ثابته ومثبتـه مـن يـوم عصـر الجاهليـة صح لسانك ياناصر قصيده جزله لك مني فائق الاحترام والتقدير تحياتي |
ناصرالنفيعي ., بيض الله وجهك ., على هذه المشاعر وابوفهد من شيوخنا الذين نفخر بهم وبمواقفهم ., والشعر يفخر كذلك ., اسأل الله ان يديمه ويمدّه بالصحه والعافيه ., انه ولي ذلك والقادر عليه وحمدا ً لله على سلامته ., شيخةٍ ماهيب عارية مـن الشـوخ الاوائـل شيخة ٍ ماهيب ختـم ومشلـح اسـم وتابعيـة الله يابوبدر الله ., سلامي عليكـ ., |
ناصر النفيعي
اشهد بالله انها وافيه لله درك وصح لساااااااانك وبيض الله وجهك اخوووووووك |
الامير ابن الاميـر وشيختـه فعـل ودلائـل
ثابته ومثبتـه مـن يـوم عصـر الجاهليـة صح لسانك يابوبدر ملايين الشيخ سعود تعجز عن مدحه لغات العالم لكنك صخرت الابجديه وابدعت سلم بنانك والله لايهينك .. لك مني فائق الاحترام والتقدير تحياتي |
ناصر النفيعي
عزالله ابدعت في مدح من يستحق المدح صح الله لسانك .. وسلمت يمينك |
نحمدالله على سلامة الشيخ / سعود بن مقعد الدهينة
وصح لساانك ياسعود ويستاهل الشيخ المدح والطيب وتستاهله انت |
شيخةٍ ماهيب عارية مـن الشـوخ الاوائـل
شيخة ٍ ماهيب ختـم ومشلـح اسـم وتابعيـة ناصر عساك ذخر يا بعدي كحيلان تحياتي |
الله الله الله
قصيده عظيمه من شاعر رمز وفخر بحق والحمدلله على سلامة الشيخ سعود بن مقعد الدهينه ولا يرى باس بعون الله وصح لسانك مدد |
محمد مصوي
مشكور ومجمل يالغالي تسلم |
محمد صالح العتيبي
حضورك غير ، وسطورك غير ، وانت غير يابوصالح لاعدمتك استاذ |
الحمد لله على سلامة الشيخ سعود بن مقعد الدهينة
يستاهل يستاهل وصح لسانك يا ناصر ولاهنت اخوك |
فالح الشلوي
الاجمل حضورك البهئ مشكور يافالح |
| جميع الأوقات بتوقيت GMT +3. الساعة الآن 01:25 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية