حقيقة ( قلعة وادرين ) !!!
 

[align=center]السلام عليكم ورحمة الله وبركاته :

وبعد ,,,

كلّنا نسمع بـ ( قلعة وادرين )

وجلّنا نعرف قصيدة الأسطورة ابن جدلان التي يقول فيها :

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
بلّغ اللي كـل يـوم(ن) أيقابلنـا بثـوب=مايخدّرنـا كلامـه مـع مــن خــدّره
لا بغينا اللعب نزحف مع الجـوّ اللعـوب=ون هبطنا سوق طيب(ن) خذينـا نـدّره
والتجارب عرّفتنا الصّدوق امن الكـذوب=والجبـل لاسـآل نبتـه يجـي بمغـدّره
ولا تجيك الحصبه إلا من فراش امحصوب=وحبّة الجدري تجي من فـراش مجـدّره
المحبّ أذنيـه ماهيـب تسمـع للعيـوب=والعـدو لادرهمـت بـه تجـي متحـدّره
دامت الأخلاق يملك بها الواحـد شعـوب=يآجب إنها فـي جميـع الأمـور مبـدّره
إن قدرنا نقفل الباب مـن دون الهبـوب=وألا جا درب(ن) لنـا والقنـيّ امسـدّره
الأصايل كـل يـوم(ن) تلافـخ بالكعـوب=والـرّدي لا عيّـن اللـي يهينـه قـدّره
ولا تعرف أحسابك إلا أليا جيت امحسوب=شرهة القـادر علـى العالـم المتقـدّره
المقبّـل تنفتـح لـه دواليـب القلـوب=والمقفّـي " قلعـة الوادريـن" اتــودّره
[/poem]




فماهي ياترى حقيقة ( قلعة الوادرين) ؟!!

ومامنشأ هذه العبارة ؟!!.
.
.


قلعة وادرين في تبوك

هي بمثابة محطة لسكة الحديد

أنشأها الترك أيام مغازي الجيش العثماني

وهذه بعض الصور لها :

http://www.hafaralbaten.net/vb/uploa...1204408930.jpg

http://www.hafaralbaten.net/vb/uploa...1204408882.jpg

http://www.hafaralbaten.net/vb/uploa...1204409165.jpg

http://www.hafaralbaten.net/vb/uploa...1204409362.jpg

http://www.hafaralbaten.net/vb/uploa...1204409452.jpg

http://www.hafaralbaten.net/vb/uploa...1204409666.jpg




يعني قلعة الوادرين : قلعة محترمة :)[/align]

.
.

ياسلام عليك يابو فهد
وانا ماغير احسبها من ذا الدعاوي :)
اثرها صدز ;)
لاهنت على المعلومات والموضوع الشيق
اعجاااااااااااابي بمواضيعك يالسمي
دمت بتألق

مرحبا والله يافراج
وأنا ترى مثلك إلى قبل نص ساعة يوم لقيت ذا الصور في أحد المنتديات ومعها
المعلومة فأعدت صياغة الموضوع وإضافة قصيدة ابن جدلان يعني نصف الحقوق محفوظ لي :)
والحقيقة أن عندنا عبارات متداولة وبعض الدعاوي تحتاج البحث عن أصولها , يمكن
تطلع زينة مثل ذا القلعة :)

لاهنت يالسمي ويعلم الله أن متابعتك لمشاركات أخيك محل تقديره وامتنانه .

مواضيعك مثريه دائما يابو فهد

بس اظن ابن جدلان مايعرف قلعة وادرين ولا يدري وينهي فيه

مثلي( يامحاتسيك)<<< لغة عبدربه


الوكاد ان قولة قلعة الوادرين تدل على الكراهيه معناً ولفظاً

غيمار

اثر هذي هي قلعة الوادرين

عاد تصدق انها ( محترمه ) ونص في مكانتها آنذاك

وليس في ما يعنيه اسمها الآن

عزيزي ابوفهد لمواضيعك رونق خاصه ودائما ما نخرج منها بفوائد كثيره

ولكن لابد ان هناك مقصد خفي في هذه العباره ( قلعة الوادرين ) فهي ليست القلعه بالتحديد

والا لما سمعنا بمن يقول ( فلان وجهٍ ودر ) هل يعني ان له علاقه بالقلعه مثلا ؟

ولكن اعتقد انه من كره العرب للاتراك بعد جلاءهم من الجزيره وحيث ان تبوك اخر محطاتهم

جعلوها رمزا (( للوادرين )) وقلعه اظن انها من قولتهم ( انقلع..قلعه فهو منقلع ) :)

وليس القلعه ككيان ...

بقي ان اقول انها وجهة نظر فقط والا انت وامثالك المفروض مالي تعقيب بعدكم

وسلامتكم

لاهنت يافراج
على الموضوع الراقي كــ روحك
:)

شكرا على الفائده يا فراج

سلمت يالذيب

المسري صادق

الله العالم ان اللي قالها انه بعيد ٍ من تبوك ولا جا يبي يدعي له على احد قال انقلع لقلعة الوادرين

او الله العالم ان من جا ذا القلعه ما عاد عوّد


او الله العالم انها كانت سجن مثل غوانتنامو


او الله العالم انها شي ٍ امحق

8
8
8


ههههههههههههههههههههههههههههههههه اما مثل غوانتانامو


والله يا فراج انك ما قصرت

بس انا مع المسري اعتقد ان المقصود بقلعه ( من انقلع .. الخ ) واعتقد ارتبطت بالوادرين اما كرها للاتراك او لبعد المسافه ^_^

السلام عليكم ورحمة الله وبركاته

مرحبا بكم جميع والظاهر أنكم مافهمتوني بسبب سوء شرحي وتوضيحي :)

وإلى التفاصيل


ارحب بانايف وأنا معك في ابن جدلان استعملها بالمفهوم الشائع لدينا

وهي تعني نحواً مماذكرت

لاهنت يانايف



ارحب أخوي المسري

أنا قلت قلعة محترمة وأعقبتها بإبتسامة لأنها مجرد محاولة استخفاف دم :)


ووإلا فإني أتفق معك في ماذكرته في تعقيبك من ناحية المبدأ وهو أن هناك معنى خفي
لإستعمال قلعة وادرين في سياق الدعاء وإظهار التضايق, وقد خطر في بالي بعد
قراءتي الأولى لهذا الموضوع أن المقصود بذكر هذه القلعة هو لبعدها في نظر
من قالها , مثلها مثل قول ( جعله من ورا قندهار ) لأن قندهار كانت تمثل
أبعد منطقة عند من ابتكر تلك العبارة , وعندنا أيضاً كنا ولازلنا نعتبر ( تندحه ) مضرب
مثل في البعد رغم أنها كماهومعلوم من ديار الجنوب , فهذا هو ماخطر في بالي ,
و رأيك المتعلق بالأتراك له وجاهته وقوته , المهم أن هناك معنى خفي لجعل قلعة وادرين
تأتي في صيغة دعاء غير مستحب ,
وقد لايكون أصلاً هناك علاقة بين هذين الأمرين ( الدعاء والقلعة ) يعني
مجرد اسمٍ على اسم :)
والله يستر بعد لايجي واحد من أهل تبوك وينفي وجود ذا القلعة من الأساس :)






ولاأنت يامحمد

شكرا لطيب مرورك

العفو أخي العزيز عدنان

وكل الشكر لمرورك





احتمالات واردة جداً , أو على الأقل هذا مانشعر به.






ارحب يافيصل وأنا تراني معك ومع المسري :)
أنا فقط ماكنت أتوقع وجود قلعة بهذا الإسم , وكنت أعتقد
أنها مجرد عبارة حتى رأيت الصور فقلت في نفسي لعل هناك رابط بينهما .
لاهنت يافيصل على متابعتك






أقول ماتحسون عاد أني عطيت قلعة وادرين أكبر من حجمها ؟! :)

:
:

(( قلعة وادرين ))

جملة مرادفه لـ (( الغضب )) ..
ياكم مره تم ترحيلنا لها ..

(( ابوفهد ))
أستخدام قلعة وادرين كنايه عن (( البعد )) ..
لأنها كانت منطقة بعيده ..
لكن انسحابها كـ (( ردة فعل )) غضب ..
من أجل توظيف (( القلعه )) ..
من قلع .. أي ابعد او اخفى .. مثل يوم يقولون اقلع فلان عني .. !!


هذا والله اعلم .. !!
مشكور على فتح هذه النافذه يـ (( صديقي )) .. !!


teeth:

لا , ابشرك القلعه موجوده والى اليوم

كما تراه ظاهر في الصور

ولكن لا أعلم ان كانت بهذا المسمّى او لا

ارحب ياأبوحمد

هجل سبق أن زرت القلعة من قبل ؟!! :)

ومثل ماتفضلت هي كناية عن البعد وتعبير عن الغضب

لاهنت ياأبوحمد على تشريفك .


........

أخوي المسري :

لاهنت على الإضافة الجديدة والحمد لله أنها موجودة وسلمنا اقتلاع
الموضوع من جذوره :)

شكري وتقديري

اجل هذي هي :)

والله انها ما تخوف مثل ماهي في الكلام :)

لاهنت يافراج لاهنت

لاهنت يافراج

والقلعه للان موجوده وفي وسط تبوك


كل يوم وهو رايح للدوام يمرها


كل الشكر لموضوعك الجميل

ابك اثرها هاذي اجل (( هواين ))

من سمعها جاءه البلاء والجلاء

شكرا يافراج على هذه المعلومه والفائده

تحياتي وتقديري

لا هنت يا فراج !

عز الله انّا ما ندري عنها

شكراً للتوضيـح .


...

طيّب ، وين قلعة الاستصيون ؟؟

انشدوا ابن تراحيب عنها !!




أبوفهد ،،،
تصدّق اني استفدت من ماضوعك هذاه فائدتين :

1- رائعة الأكلبي ، التي للمره الأولى تطرق مسامعي ، ونواظري !
2- حقيقة القلعه الماخوذه هذي :(


الف شكر وتحيه ..


اخيك

ياخي والله ان كل حرف تكتبه ان له لذه غريبه

عندك اسلوب عجيب

اما موضوع القلعه فألاكيد انها ماهيب زينه وبس :)

،


أثرها عند أذني اهنا وأنا منول أحسبها بعيييييد ورا البحار حول جزر الكاريبي وهنا <- ترى ما يدري وين الجزر فيه


أقووول الله يبح قلعه الوادرين عند وزارة التربية والتعليم وأماكن تعييناتها .. !!


الأخ فراج لا هنت على هـ الإضاءة الجميلة ...


.

الله يعطيك العافيه يابو فهد

موضوع رائع ومميز وخصوصا قصيده ابن جدلان

والقلعه مازالت موجوده الى اليوم العصر بصورتها الحاليه ,,


>> ان كان جاها شي عقب العصر الله اعلم




محدثكم / ياسر العتيبي

المنطقه الشماليه الغربيه - تبوك - قلعه الوادرين :)