صواديف الزمان !!
السلام عليكمـ و رحمة الله وبركاته
جديده أتمنى أن تحوز على القليل من الإعجاب ,,, [poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] صواديف الزمان اللي تنوش القلب .. نوب و نـوب=أعاني من قساها .. لكـن إنـي فـي القسـا قاسـي أخاف افرح الشامت علي لو أكشـف المحجـوب=و يضحك بي ضعيف للهروج المحْـق عساسـي سلام الله على العارض طويق .. الثابت .. المنصـوب=يذكرنـي بشـدة باسـي .. اللـي ساسهـا ساسـي لو إن صلف الهبايب تدفعه من كل حدب .. و صوب=وثيق الساس يبقى رغـم دورات الزمـن .. راسـي لبست من الصبر .. و الحلم .. و لباس المعرفه ثـوب=و جعلت الطيب في وقت اندثار الطيب .. نبراسـي فلو كثرت هروجك فـ.. القفا .. يا شاذب العرقـوب=ليا من طحت حاول لا تطيـح إلا أنـت متواسـي أشوم من الوطا .. و أرسم لنيل الطايـلات دروب=و أحدد من ورى نجم الجدي .. و سهيـل .. مجلاسـي لو الدنيا تغني لي على المنكـوس .. و المسحـوب=يا صعب إرخاي متني للخطوب .. و طأطأة راسـي ورثت من الجدود اللي بنوا الأمجاد طوب .. و طوب=طناخة راس .. لا من جـات مفـروس و فراسـي غني بالله .. و يرضيني اللي في الصحـف مكتـوب=و لا منـة ( حتات ) معرفتهـم سـاس الإفلاسـي أخاوي طيبين السيره اللـي فـ.. اللـزوم تنـوب=رجال معرفتهـم زود عـز .. و زود نوماسـي رجال ما هـي بتلبـس ثيـاب الـود .. بالمقلـوب=طحاطيح فـ.. بحر الكايد مـن الطيـب غُطاسـي ليا من صك جال بجال .. و الطالب غدى مطلوب=بيارقهـم ترفـرف بالثنـا .. مـع كـل نسنـاسـي نحب الطيب و نطوله .. و لا نقصر عن الماجـوب=فعـول ذكرهـا بيّـن .. جديـداتٍ و دراســي نحث ركابنا لمصافحـة كـف الثنـا المحسـوب=و عزايمنـا تسكنـا .. بـروج السـاس الألماسـي يجينـا داعـي الأمجـاد .. منـدوب ورى منـدوب=و نلبي .. لو يحاصرنا الزمن من بين الأقواسـي صحيح إن الدروب أنواع .. لكن نعشق المهيـوب=و يصّلنا مـداه .. إنـا نسيـر و نطـرد اليأسـي و صحيح إن الزمن غدار .. لكن نقطعه بأسلـوب=و يذكرنـا علـى مـر الليالـي .. كـل متنـاسـي و إذا قلت عطايا اليد .. و الحظ السخي مسلـوب=عطايا القلب .. ما تنضـب و لا تحصـى بمقياسـي [/poem] :) |
الله الله الله الله
صح لسااااااااااااااااااانك ,, وداااااااااام حضورك المتجلي ,, ابدااااع قصيده وزن ثقيل من شاعر متمكن تحيااااااااااااااااتي |
..
هلا :) .. |
صح الله لسانك يالشاعر
ولاهنت طال عمرك على هالشامخه تجاوزت حدود الإبداااع لك إحترااامي’,, |
عطايا القلب .. ما تنضـب و لا تحصـى بمقياسـي
عطايا القلب .. ما تنضـب و لا تحصـى بمقياسـي عطايا القلب .. ما تنضـب و لا تحصـى بمقياسـي أبو متعب .. عليكم السلام ورحمة الله وبركاته تقول جديده .. واقول وين الوعد ؟ وتقول ودك تحوز على القليل من الاعجاب واقول جاك كله عز الله قصيدة ساميه وفيها من الحكم الشي الكثير الرأي بها قد وصلك من الرأس للرأس صح لسانك بلا عدد و فقك الله ،، .. |
...
. . . محمد آل عبدان / لاوالله حازت على الإعجاب كلّه .. [ صح لسانك .(ولاهنت). ] .! . . . ... |
فلو كثرت هروجك ف.. القفا .. يا شاذب العرقـوب
ليا من طحت حـاول لا تطيـح إلا أنـت متواسـي أشوم من الوطا .. و أرسم لنيـل الطايـلات دروب و أحدد من ورى نجم الجدي .. و سهيل .. مجلاسي ياسلام ياسلام .. محمد ال عبدان .. مبدع وقصيده تسمو الى قمة الأبداع .. شاعر يكتب بأحرف ذهبيه لها وزنها الشعري .. محمد ال عبدان شاعر ومبدع وتقبل المحبه والاعجاب والمتابعه .. |
-
أخاوي طيبيـن السيـره اللـي ف.. اللـزوم تنـوب رجـال معرفتهـم زود عـز .. و زود نومـاسـي رجال ما هـي بتلبـس ثيـاب الـود .. بالمقلـوب طحاطيح ف.. بحر الكايـد مـن الطيـب غُطاسـي ونعم ونعم ونعم جزل يا محمد وابيات جزله صح لسانك ولاهنت تحياتي |
كفو يامحمد
ولله درك عز الله انها تبهج الصدر صح لسانك مدد غيمار |
محمد آل عبدان
وحديث عن النفس صيغ بفن تستعذبه كل القلوب تحكي مبدأ .. وتصف طريق .. اعتزازا وتباهيا و فخرا .. وتزرع بين الأبيات الغام تخرس اولئك الذي يترصدون لك وتمنحنا لغة راقية لشعر راقي محمد آل عبدان صح لسانك |
لو الدنيا تغني لي على المنكـوس .. و المسحـوب
يا صعب إرخاي متني للخطوب .. و طأطأة راسـي الله الله الله :) محمد ال عبدان صح لسانك على هذه الشامخه بشموخ طويق :) ابدعت و امتعت يابو حميد لله درك تقبل متابعتي و اعجابي تحيّتي |
ومايخاوي الطيبين الا طيب
وانت في ذمتي انك فارع طيب يابن عبدان صح لساااانك مليووون وانا اخوك |
اقتباس:
|
لو الدنيا تغني لي على المنكـوس .. و المسحـوب
يا صعب إرخاي متني للخطوب .. و طأطأة راسـي كفو والله يابو متعب ونعم فيك وباللي انت منهم وانا شهادتي فيك مجروحه لكن مالي الا صح لسانك واعتلا شانك |
صح لسانك يامحمد
قصيدة جميلة لا هنت |
لو الدنيا تغني لي على المنكـوس .. و المسحـوب
يا صعب إرخاي متني للخطوب .. و طأطأة راسـي لو الدنيا تغني لي على المنكـوس .. و المسحـوب يا صعب إرخاي متني للخطوب .. و طأطأة راسـي لو الدنيا تغني لي على المنكـوس .. و المسحـوب يا صعب إرخاي متني للخطوب .. و طأطأة راسـي الله درك ياشيخ على كل هالتمكن الجلي والابداع الواااااااااااااااضح 0 |
لله درّك يا ابامتعب :)
حرفنه وحبكه وتسلسل شكراً لك :) |
لو الدنيا تغني لي على المنكـوس .. و المسحـوب
يا صعب إرخاي متني للخطوب .. و طأطأة راسـي محمد جزالة وحكمة ،، ابدعت يالقرم صح لساانك وبيض الله وجهك . تحية اخوك. |
محمد بن رشيد
صح بدنك .. و الله لا يهينك على المرور تحياتي و تشكراتي :) أخوك/محمـــد ال عبـــدان |
مرزوق الروقي
هلا و غلا :) |
شاعرة نجد
يا هلا و غلا .. و صح بدنك :) أخوك/محمـــد ال عبـــدان |
لو الدنيا تغني لي على المنكـوس .. و المسحـوب
يا صعب إرخاي متني للخطوب .. و طأطأة راسـي صح السانك يا محمد جزل الله لايضرك |
| جميع الأوقات بتوقيت GMT +3. الساعة الآن 12:37 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية