يــاريـح عـنـبـر ومـيـمـوزا
 

بسم الله الرحمن الرحيم

اخواني عمالقة مرقاب الادب والشعر والجزالة ،
اسعد الله كل اوقاتكم ،
هذه ابيات اتمنى ان تحوز على رضاكم واستحسانكم ،
لو ان وخيّكم الصغيّر مايحب الغزل واجد ، لكن القلب
باقي به شوييية خضار ماهوب واجد ،teeth:


[poem=font="Arial,4,darkred,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياعيـنـي الـلـي سهـيـرة والخـلايـق رقـــود =ياكثر للنوم حاجتها وياعوزها
والله لـو النـوم يـشـرى بالـذهـب والنـقـود=ما أغلي على العين خام الارض وكنوزها
ضيّقـت بـال الوقـوف وضـاق بـال القـعـود=والنـاس محـد ٍ درى بالنفـس وش عوْزهـا
مـؤشّـر الـهـم عـنـدي مـايـعـرف الـركــود=مـانـقـطـة ألا ّ يــمــر شــــوي بـرمــوزهــا
مـن ذاق فرقـا حبايـب عيـن شـاف النكـود=وأمست تهوزه طواري الشـوق ويهوزهـا
عليـك يـامـن غـرامـه فــي فــوادي يــزود=لـيـن الضـمـايـر تـشـكّـت مـنــه لاهـوزهــا
لاهـوز سهـم ٍ صويبـه عنـه مامـن نـشـود=ماله عن الثومة اللي : قاسم ٍ :ٍ قوزهـا :
ودي بـلامـاك مـيــر الـوقــت عـيّــا يـجــود=وبعـدك بــرى الـحـال مـنـه وزاد لاكـوزهـا
طويـت عـمـر المعـنّـا بـيـن شـقـر الجـعـود=واقفيـت تسحـب خطـام الــروح وتمـوزهـا
تليـتـنـي تـــل دلـــو ٍ فـــي يـديــن الــــورود=ربـــع ٍ حـبــال أمـرهــا بـيـديـن مـربـوزهـا
عجل ٍ نهزها بسـرع وقـصّ صيـخ العمـود=وتـجـذبـت عـقـبـهـا الـقـامــه وراكــوزهــا
صبـر ٍ علـى الحـال هاذيـه تـعـدّى الـحـدود=بـيـديـك طـــب الـفــواد ومـعــك نـاحـوزهـا
ابا اجحد الجرح عقبـك ميـر مامـن جحـود=عرضـتـنـي قـمــزة الـهـرجـه وقـامـوزهــا
لـعــل هـــاك الـلـيـال أم الحـسـانـي تـعــود=ندرك بعض من منـاوي النفـس ونحوزهـا
يـاريـح عـنـبـر ومـيـمـوزا وكـــل الـــورود=وجــدي عـلـى ذوق عنـبـرهـا وميـمـوزهـا
امـوت بيـن النـهـود وبـيـن حـمـر الـخـدود=ولـيـل ٍ غـطـا لــه ردوف ٍ كـــنّ منـبـوزهـا
منبوز طعس ٍ ورى درعـا وغـرب العـرود=فيـه الجـوازي يـكـضّ العـشـب بحجـوزهـا[/poem]


وسلامتك ياعمالقة ..

تحياتي لكم .

يـاريـح عـنـبـر ومـيـمـوزا وكـــل الـــورود
وجــدي عـلـى ذوق عنـبـرهـا وميـمـوزهـا

امـوت بيـن النـهـود وبـيـن حـمـر الـخـدود
ولـيـل ٍ غـطـا لــه ردوف ٍ كـــنّ منـبـوزهـا

منبوز طعس ٍ ورى درعـا وغـرب العـرود
فيـه الجـوازي يـكـضّ العـشـب بحجـوزهـا


اشوى ان القصيده انتهت هنا ..


عبدالله
ابدعت وامتعت ..
صح لسانك ولاهنت .. تشرفت بحضوري الاول


اخوك
جابر

صح لسانك يا عبد الله
أبدعت و أمتعت .. لله درك



:)



أخوك/محمـــد ال عبـــدان

[align=center]
عبدالله الهديريس

هلابك ومرحبا

صح لساااانك وجااااد بياااانك

ابداع × ابداع ولا هو غريب منك

دمت بخير ودام ابداعك

تحياتي لك [/align]

والله لو النوم يشرى بالذهـب والنقـود
ما أغلي على العين خام الارض وكنوزها



ياسلام ,
ياسلام ,
ياسلام ,


عبدالله الهديريس :-
مصافحه ثانيه تجبرنا على المتابعه الفعليه .. صح لسانك مدد ماهوب عدد ,

سجل الاعجاب والمتابعه ,

والله لو النوم يشرى بالذهـب والنقـود
ما أغلي على العين خام الارض وكنوزها


الله عليك


صح السانك ياعبدالله

جابر الثبيتي

مرورك شرف يالقرم ،

واطرائك ومتابعتك تسعدني

صح بدنك ولاهنت يالجزل ..

سلمت ودمت .

ابو محارب


متابعتك واطلاعك فقط هي قمة سعادتي

وهي مازاد الابيات جمال ،،


لاعدمتك ياعملااااق ..

سلام اخوك .

كل هذا وشويييه خضار

!!!
:)

عبدالله صح لسانك مدد على هالجزاله والتمكن

ابداع من .. الى

سلمت ودمت

تحياتي لك

[align=center][align=center]الله الله

نص جميل

طويـت عمـر المعنّـا بيـن شـقـر الجـعـود
واقفيـت تسحـب خطـام الـروح وتموزهـا

صح لسانك

لك فائق الاحترام والتقدير

تحياتي[/align][/align]

صح لسانك ولاهنت

دمت بخير ودام ابداعك

تحياتي لك

محمد آل عبدان


صح بدنك ولاهنت يالذيب


تقديري لك ..

كديميس السيحاني


مرورك وتعليقك شرف لي يالجزل


لاهنت وصح بدنك ..


دمت وسلمت

عبدالرحمن السمين


الله لايهينك على متابعتك يالقرم


صح بدنك وسلمت ودمت

تحياتي

عبدالله الهديريس


صح لسانك هذه ماهو بلية خضار


الا كله خضر:)

مار (مـيـمــوزا) وشنهوا


غيمار

صح لسانك




ياعبدالله



تحياتي

عبدالله
ابدعت وامتعت ..
صح لسانك ولاهنت ..

اخوك

مسفر الجعيد

مرحبا بمرورك الطيب

صح بدنك يالقرم

تحياتي لك

ياسر العتيبي


لاهنت على مرورك العذب وتعليقك الجميل


صح بدنك يالقرم لاعدمتك

تحياتي

محمد مرزوق السميري


صح بدنك لاهنت يالقرم

لاعدمت مرورك الجميل

تحياتي