رحـــلة .... النســــيان !!
 

اولا اتشرف بالدعوه

وهذه اول مصافحه لكم واتمنى ان تنال اعجاب القارئ الكريم


,,

,,

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
يارحلة النسيان ,, زودتي الكيل = اسمع بك ومات الصبر في مهادهـ

وصدري شمالي ينقل الحمل ويشيل = ما لا يطاق ... من الهموم وزياده

وما جبت حرفي من خيال وتهاويل = النار .. شاهدها بقايا الرمادهـ

والذكريات اللي مثل جارح السيل = يبقى لها بث ٍ ,, مباشر واعاده

والا العلوم اللي مثل كذبة ابريل = تصير .. شرب الدهر .. وتصير زادهـ

يا هاجسي .. مشاعري لك معاميل = احطب من ضلوعي .. وشب بركادهـ

قلبي مزلك .. والحنايا فناجيل = وفاي .. بنــهـ .. والصراحه .. اقنادهــ

ضيفك مسمينه هله .. فتنة الجيل = ما عاد بقوا للاوادم ... اشادهـ

( اعن له عنة .. هل الكيف للهيل ) = واشتاق له شوق الغريب .. لبلادهـ

واشتاق له شوق ٍ مثل طاري سهيل = عند البدو لاهب غربي .. برادهــ

شوق ٍ يعادل .. شوق اهل مصــر للنيل = شوق الجباه الطايعهـ ... للعبادهـ

وادرى .. عليه من الحكي والاقاويل = ولا استمع في حكي نقال .. افاده

عليه اغار .. من الذهب والخلاخيل = وعليه اغار من الحلق والقلادهـ

وعليه اغار من .. العطر .. واسود الميل = واغار حتى من .. قماش الوســـادهـ

عشقه كريم ... وفي مواصيله ابخيل = ويدري بحبي له .. وانا اجهل مـــرادهـ

وطيفه معي ما غاب عني .. ولا ليل = احزن لحزنه .... واحتفل في عيــادهـ[/poem]


,,

يا .. مرحبا


حضور أول ,, يبشر بقدوم مبدع جديد في سماءء المرقاب

حضور راقي

صح السانك يالغالي وسلمت
ولاهنت وسلم فكرك وقلبك.!


احترامي لك

,

,

يا مرحبا ومسهلا يا صالح
ومشاركه متميّزه جدا ً
ومن شاعر متمكن ..

صح لسانك
ولاهنت ..

بإنتظار جديدك ..

اخيك / عبدالله بن صالح البناء

تقبل فائق الاحترام والتقدير

,

عشقه كريم ... وفي مواصيلـه ابخيـل
ويدري بحبي له .. وانا اجهـل مـراده
وطيفه معي ما غاب عنـي .. ولا ليـل
احزن لحزنه .... واحتفل فـي عيـادهـ



الله الله يا صالح


رائع وجميل


صح لسانك مدد بلا عدد


تقبل تحياتي

صالح ال كحله



بيض الله وجهك وصح لسسسسسسسسسسسسسسسسانك




على هذا النص



اخوووووووك

-



واشتاق له شوق ٍ مثـل طـاري سهيـل
عنـد البـدو لاهـب غربـي .. بـراده


يا هلابك يا صالح




نص مليئ بالشعر


صح لسانك ولاهنت





اصدق التحايا

صالح آل كُحله

يامرحبا في محلك والساعه المباركه

وصح لسانك

بإنتظار جديدك

يا مرحبا يا صالح في محلك

وبيض الله وجه خالد الخييلي اللي خلانا نقرا هالرائعه هنا

صح لسانك وسلمت

[align=center][align=center]يامرحبا بك

نص رائع

ومعاني عذبه

لك فائق الاحترام والتقدير

تحياتي[/align][/align]

صالح ال كحله

صح لسانك

قصيده رائعه تستحق الاعجاب

ومصافحة اولى متميزه

ننتظر ابداعاتك

تحياتي

يا مرحبا ومسهلا يا صالح ال كحله

والله يحييك في مرقابك وبين أخوانك


مصافحة مبدع وقصيده مميزه بحق


والذكريات اللـي مثـل جـارح السيـل
يبقـى لهـا بـث ٍ ,, مباشـر واعـاده


الله الله عليك


نتشرف بك معنا

وصح لسانك بلا عدد ،،


..