سيــــــف الهيلا
 

هذه القصيده تشرفت بالقائها في حفل قبيلة الثبته ترحيباً بالاستاذ الشيخ عبدالله بن عمر بن ربيعان امل ان تحوز على رضاكم بعد انقطاع طويل




ا[poem=font="Simplified Arabic,6,black,bold,italic" bkcolor="transparent" bkimage="backgrounds/2.gif" border="none,4,gray" type=2 line=0 align=center use=ex num="0,black"]
لاوله بالله يامعبود مرتفع الجلال= ياعالم اسرار الخلايق دقها وأجلالها

ياحي ياقيوم يارب الملاء جل وتعال = ماني بلا آخر ولا أول من دعاك وقالها

تقسم لنا من خشيتك درب الهدى والاعتدال = والنفس ترضيها وترزقها بحسب أعمالها


واحفظ لنا هذا الوطن في كل وقت وكل حال = واجعل تباشير السعدفوقة يهل اهلالها


واحمه من هل الحسد واهل الحقد واصحاب الظلال = اعقول ما تمن وطنها شين الله فالها

واحفظ لنا صقر العروبة واجعل سننينه أطوال= مليكنا الي كل قاله للوطن يسعالها

نقدر نعيش بلا طعام ولا شراب و لاظلال = الا محبة خادم البيتين ويش ابدالها

واللي بعدها مرحبا عداد همال الخيال=من مزنةٍِ صادق رعدها والمطر فخيالها


ذوي قليل رحبوبك عادة اكرام السبال=محبتك فقلوبهم تعرف طوال حبالها

تشريفك الهم ما يقدر بالثمن مهما يقال=اغلى من بنوك الذهب وجنيهها وريالها

وثبيت ربعك لو تطاوعهم وتعطيهم مجال=في كل حلة فاح ريح الهيل وسط ادلالها

كلاً يقول ابيك تكرمني ولك واجب لحال=واخوي ما يخشر معي في مثلها واسؤالها

محبتك ياشيخ نغرفها من صدور الرجال =والدار رحب فيك واديها وروس اجبالها

وانا تشرفت اجمع ابيوت الشعر من كل جال=وانظم قوافيها واغنيها على موالها

اكبر شرف لشاعر الي يحسب لكل احتمال=بصمة يسلمها السنين المقبلة واجيالها

لا قال في مثلك قصيدة واكسبت مدح وقبال=واصغر عياله يعرف ازحول الرجال اخلالها

وليا حفظها قال ابويه قال في بعيد المنال=هذا القصيدة واسمعوها واسمعوا منهالاها

لو ان شعري والقريحه يالعتيبي لاتزال=تعجز قوافيها ويعجز بحرها وامثالها


ياميرنا يا شيخنا يالقرم ياذيب الخصال=ياسيف ربعه داعي الهيلا ومن يعنالها


الي سواتك كاسب الطالات من عم وخال=وانته وابوك وجدك علوم النشاما نالها


ما سجل التاريخ منصب بالمجامل والريال=الا مواقيف الرجال وقولها وافعالها


انته مواقيفك تشرفنا على طول الليال=في غربها في شرقها وجنوبها واشمالها


ان كان في الدولة كسبت من الثقة حسن المثال=فيك الولاء والك الغلاء فخفافها وثقالها


اتجدد البيعة وحنا لا دنا من السوال=انقول كلمتنا وقيدوم القبيلة قالها


وان كان مع ربعك جبل وارسى من ثقال الجبال=لا ثقلة اهموم القبيلة عارفين جمالها


انته واخوك ابن حميد اخوان اهل قول وفعال=قال المثل ما تصفق اليمنى بدون اشمالها

من شافكم في ملتقى الهيلا كبر راسه وطال=بين القبايل وافتخر في عزوته ورجالها


ماينسي يوم اجتمعنا فيه كن السيل سال=حتى الهواتف بطلت عيت تبث ارسالها

كبرت ياراسي وميلة العمامة والعقال=واقول هذي عزوتي وشيوخها وابطاهلها


بعض الاوادم ياخذ المنصب يدور راس مال=وانتم مناصبكم بنوك المجد روس اموالها

ولاهو غريب ولا صعيب ولا جديد ولامحال=على الشجيع اللي مواقيف النشاما طالها

من جدنا وشيوخنا تمشي على عز وكمال=ياهيبة الله هذي الهيلا وهذا حالها

هذا وصلى الله وسلم عد همال الخيال=على شفيع الخلق هاديها لاحسن اعمالها[/poem]

ما سجل التاريـخ منصـب بالمجامـل والريـال
الا مواقـيـف الـرجـال وقولـهـا وافعالـهـا




صح لسانك يالشهيب وكفو وونعم بالمادح والممدوح


تقبل تحياتي

الله الله الله الله



بعض الاوادم ياخذ المنصـب يـدور راس مـال
وانتم مناصبكـم بنـوك المجـد روس اموالهـا



ياسلااااااااااااااااااااااااااااام



الشاعر سعيد الشهيب



صح لسااااااااااااااااااااانك وبيض الله وجهك

-


بعض الاوادم ياخذ المنصـب يـدور راس مـال
وانتم مناصبكـم بنـوك المجـد روس اموالهـا

عز الله صدقت

سعيد


صح لسانك ولاهنت






اصدق التحايا

يستاهل الشيخ .. عبدالله بن ربيعان

والله لا يضرّك يا الشهيب وعزالله انها تشرّف قايلها

صح لسانك وسلمت

بعض الاوادم ياخذ المنصـب يـدور راس مـال
وانتم مناصبكـم بنـوك المجـد روس اموالهـا


الله الله بيت عن قصيده

سعيد

صح السانك وعلا شانك

حضور راااائع لاهنت

تحياتي

ولاهو غريب ولا صعيـب ولا جديـد ولامحـال
على الشجيـع اللـي مواقيـف النشامـا طالهـا
من جدنا وشيوخنا تمشـي علـى عـز وكمـال
ياهيبـة الله هـذي الهـيـلا وهــذا حالـهـا


الله ياللشهيب

بيض الله وجهك قصيده وافيه وكامله من جميع النواحي

كعادتك مبدع وجزل صح لسانك

والممدوح يستاهل (ابو ماجد) شيخ ولد شيوخ ماحد يجهل ذخاير محصّن

تقبل تحياتي

وافيه من وافي وجزل

بيض الله وجهك وسلمت ولاهنت
وصح السانك مليون في مليون

تحياتي لك واحترامي

محمد صالح العتيبي


اسعدني مرورك
وصح بدنك

تحياتي

ابو محمد بيض الله وجهك





قصيده تشرفت بسماعها قبل قرأتها




لله درك