فناجيل وقدوع
 

فناجيل وقدوع



[poem=font="Simplified Arabic,4,darkblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
علمو خالد اخويه ضحى يوم الربوع=يحسب احسابه وياخذ جوازه للسفر

ودنا نجفى اهل الدار وكب الربوع=لابو الديره لابو ضعيفاً ماقدر

لو مفارق روق برقا على قلبي يلوع=كثر مابعد عن ديرهم اللي قدر وفخر

افتخر باني عتيبي وللي سيفاً بتوع=لو اعيش مع النصارى وعباد البقر

مسلماً لله اصلي والطول بركوع= ولا سجد لوجه غيره ولي وجهة نظر

لان مالي في محبتك يالطرف الفروع=غير اموت من الندامه واموت من القهر

اعشقك واقدرك وانت غيرت الطبوع=صار عصرك يم غيري وانا مالي عصر

صرت تطفيلي شموعي وتولع لك اشموع=ولا تقدر لحية اللي على شانك شهر

ابلج(ن) مايقع الا حدب الضلوع=يوم سيفك بالظليمه ورمحك بالظهر

ويوم صكات المعارك ولمات الجموع=النصر عكس الهزيمه وانا راعي نصر

فازعلك فزعت اللي على الصيده يفوع=عقب مافقت اسبوقه على شوفك ظهر

ومخلصلك بالموده ولكنك قطوع= برت في ودي وطيبي وخليته حدر

طبع يجبرني على البعد واسكاب الدموع=ابتعد واطلق سراحك على طول العمر

لان ماخليت فيها فناجيل وقدوع=ماشربنا من دلالك ولااكلنا تمر

ولن مافيها تفاهم ولافيها رجوع=من وطاله جمر يصبر على حر الجمر

ومن اخذها بالقناعه وهو ماهو قنوع=يمكن ان يصير ناتج احساباته صفر

حلة الفرقا وفرقاك يطرف الفروع=تحكم العاشق بعدك ويجبره جبر

لان ماهي سفرة اسبوع ومافارق اسبوع= الله العالم مفارقك مع طول العمر[/poem]

الشاعر

محمد هضيب الجذع

يا مرحبا ومسهلا يا محمد هضيب

حياك الله بين اخوانك في مرقاب الجميع

وصح لسانك على هذه المصافحه

ودمت على الطيب ،،


..

محمد هضيب .,


يامرحبا ومسهلا

الله يحيك بين ربعك واخوانك

وشرفتنا





طبع يجبرني على البعد واسكاب الدموع
ابتعد واطلق سراحك على طول العمـر

لان ماخليـت فيهـا فناجيـل وقـدوع
ماشربنـا مـن دلالـك ولااكلنـا تمـر




هنا قرأت شعر
صح الله لسانك عددها بيت بيت
مصافحه اولى رااااااااائعة
متابعتي
دمت بخير

صح لسانك يامحمد قصيده لها روح


لكن انتبه للاخطاء الاملائيه :)

صح لسانك يامحمد

وانتبه للاخطاء الاملائيه

اشكركم على مروركم

والعذر والسموحه من الاخطاء الاملائيه

لاني لاجيد الاملاء بصوره المطلوبه

واتمنى من لديه ملاحظه ان يبديها لنا

لاني في صرح يجمع شعار الخليج

ولكم فائق احترامي وتقديري

اخوكم

محمد هضيب

محمد

صح السانك

و

عساك على القوه

تحيااااااااااااتي

عزالله يا الجذع كايفه..

ابيـــات في قمة الابداع والجزاله والامتاع

حياك ومرحبا بك

صح منطوقك وفكرك

هلا اخوي محمد
مرحبا ومسهلا الله يحييك
صح لسانك لاهنت
قصيده رائعه

محمد

هلابك بين اخوانك

صح لسانك

تقديري

محمد هضيب



ياحي الاسم وراعيه




نص ما يحتاج جزالته تفرقه وقد سمعته منك
ولكن الاخطاء الاملائيه ياكثرها عندك كثراه
ويجب أن تنتبه لها فديت خشمك

بورد لك مثال منها شطر واحد بس
ودنا نجفى اهل الـدار وكـب الربـوع
بينما انا سامعها منك كذا
ودنا نجفى هل الدار ونكب الربوع




قلت وطلت



ولك عاطر الود

حياك الله يا محمد


قصيده رائعه



صح لسانك


ولاهنت