تجاهلت غيرك !!!
 

السلام عليكم ورحمة الله وبركاته


مبارك عليكم الشهر


وكل عام وانتم بخير


قصيده أتمنى لها العبور



صلو على النبي


*

*

*

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
تجاهلت غيرك ... يوم غيرك غثا وعناد=وهويتك ... لأنك صاحب المبسم الصافي

ربحت القناعه ... والقناعه كنوز أعباد=وقد قالها قبلي من الناس عرافي

وتسامرت من صغري مع الضيف والأجواد=ومن طيب راسي مرتبي راس مشرافي

أقدم لضيف البيت تمره وكيف قناد=وكبشٍ سمين ... وجعله يزين مضيافي

وأهلّي وأرحّب به ... لو أن العيون رقاد=وندمح خطا الطيّب مع الناس الأشرافي

ولكن خطاكم يابعد نور عيني زاد=ترى ماحصل لي بالهوى منكم كافي

تجاهلت ماجوبي وخليتني في واد=وقفيت عني ( ماتخيلت ميقافي )

علىّ الملازيم الثقيله بدون قياد=أسامر سواد الليل واللي ميلافي

ويصبح علىّ الصبح ... والنجمتين شهاد=وأرخي على فراش الكرى راحت أكفافي

أذا جيت أبرقد وأتريّح على الأوساد=( طرتلي علومٍ عقبها النوم ينعافي )

همومٍ وراي وعاقبني هموم جداد=ليا من طرى طاريك قمت أظهر الخافي

أسولف مع نفسي ... وأسولف على النشّاد=وأقول ... العيون الحور في زين الأوصافي

وليفٍ ليا شفته يزيد الغلا العداد=أذا كان بالميه يزيده للألافي

له أسبوع مقفي ... مستمع هرجة الحساد=هل المنهج المشبوه هافين وضعافي

ترى ياغلايه مالنا للقنا ميراد=ولاعاد للأهل الخيل والسيف سيافي

مدام الخدم قامت تعلا على الأسياد=وقلب الشجاع القرم سموه خوافي

أنا كلمتي قد قلتها وللرحول شداد=وللملتوي ضربه ولو صاب الأهدافي

وترى عاذلي في كذبته دايمٍ معتاد=وترى بليس أبو قرنين ماهوب ينشافي

أنا مادبل كبدي وعكّر علىّ الزاد= ( سوى عاذلي وبليس ملعون الأجدافي )[/poem]

طلال بندر


بإختصار .. (( نص .. من أجمل النصوص التي قرأتها .. مؤخراً ))


لله درّك .. يا مبدع

طلال


صح الله لسانك


شاعر مبدع وقصيده جزلة



لاهنت


اخوك
محمدابوشهاب

الله
الله
الله




لله درك يابو بندر .. إبداع .. صح لسانك مليار ولاهنت



تقديري


/
.
.

طلال بندر

كنت ولازلت من المتابعين والمعجبين بما تكتب

فلايخلو من جزاله وقوه

ولايخلو من سلاسه

الف صح لساانك

ودام وجودك

وكل عام وانت بخير

.

طلال


صح الله لسانك

ياعذب ,,

نص ولاهوب اي نص

سلمت والشهر عليك مبارك

ولله درّك يابو بندر

طلال

صح لسانك وعلا شانك

مبدع لاهنت

نص فاخر يا صديقي ..

لله درّك يا طلال ..


صح لسانك ..

يا سلام يا طلال

جمعت الجزاله والعذوبه في نص غير

صح لسانك وسلمت

صلى الله عليه وسلم

ويصبح علىّ الصبح ... والنجمتين شهـاد
وأرخي على فراش الكرى راحت أكفافـي
أذا جيت أبرقـد وأتريّـح علـى الأوسـاد
( طرتلي علومٍ عقبهـا النـوم ينعافـي )

صح لسانك اخوي طلال

تقديري

طلال بندر

صح لسانك واعتلا شانك

قصيده وافيه وكافيه

ناصر تراحيب



ياهلا ومسهلا



صح الله بدنك


شكرا جزيلا على الاشاده اللي اعتبرها وسام شرف



مرورك يسعدني ...

محمد ابو شهاب


ياهلا ومسهلا


صح الله بدنك



مرورك يسعدني ...

وأهلّي وأرحّب به ... لو أن العيون رقـاد
وندمح خطا الطيّب مع النـاس الأشرافـي

كفو والله

رائعه

صح لسانك مدد بلا عدد

تحياتي

صح لسانك وسلمت

-


مدام الخـدم قامـت تعـلا علـى الأسيـاد
وقلـب الشجـاع القـرم سمـوه خوافـي


يابو بندر لافض فوك




وصح لسانك ولاهنت



مبدع حقيقي وحضور باهي




تحياتي

حسين عزام



ياهلا ومرحبا


صح الله بدنك


مرورك يسعدني ...

صح لسانك ياطلال

رائعه تستحق الاشاده

لاهنت

مرحبا ومسهلا يالصواغ
صح لسانك وسلمت على القصيده

محمد الحمياني


ياهلا ومسهلا


صح الله بدنك


متابعتك شرف يابو حميد



مرورك يسعدني ...