مـع الـنــــاس
 

كل عام والجميع بخير


مواهبية أتمنى أن تحوز على رضاكم
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]

من البـارحــة و أنا مـكــركــب و مـنـحـــاس=مـضـيـّع مـعـك حـاجــة مـهــيـب أي حـاجــة
مـغـيـرأنـتـظــرك بكــل ماوتـيـت مـن بـاس=مـن الـلـيــل لـيـن الـصـبــح يضـحـك حـجــاجــه
أدورك وأحـصـّـلك عـايـش مــع النــاس= وأمـالك مـعلـّقـهــا بـراس الـزجـاجــه
يـبـكّيـك هـوجـــاس و يـضحّـكّ هـوجـــاس =عسـى كـل ضيـق و تاليــتـه انـفـراجــه
انا اللي على دربــه للأيــام عســاس=رمى الحــظ الاقـشـرفي عـيــونـــه عجــاجـــه
أعـرفـك مثـل معـرفـْة سـالـم لجسـاس = لـو اتـقـوم تـرطــن مـثـل رطـــن الخــواجـــه
و أعلـّمـك حجـم انْـفـيـستـك يا بو نـواس = عسـى الله يجمـلنــا نهــار المواجـه
أبحطّـها لـك كلمـةٍ بين الأقــواس = تســوّيك حـاجـة و أنـت مـنـتـه بحـاجـــة
يبـوراس مـالك بـيـن روس العــرب راس = لـو اتْـبـيـّض الـديـك وتـحـوم الدجـاجـة
معـك صـوت ناعـم مامعـك قـلـب حسّـاس=على شــارع أنـواع الدلـع والغناجـه
تحسـب الأمـور بحـجـم الأشيــاء تنقــاس = وترجـع عليـك أكثـر علومـك سمـاجـه
لـواتغطـرف لعبسـي وتهتـف لعبــاس=على الخبـل بـس الخـبل ضـبّـط مـزاجـه
أسّمـيـك وألا أذوّقــك نـفـسه الكـاس = تخـيـّر مـن الثـنـتـيـن قبـل انْـتـواجــه
نهايتـك حتمـا لا محـالـة للإفــلاس = تبـى تـروح مـرواح الـورق في عجـاجــه
يقولـون عنك اتـــهــذري النـاس بالنـاس=وأنا أقــول مـا للنـاس في النـاس حاجـة
ترى النـاس تفـهـم بعضهـا بعــض بقياس = ولاهــي مـغـفـّلــةٍ لحـدّ السذاجــه
لـوإن القضيـة مسـألـة نبـض وإحســاس=عـرف كـل عازف حرف قيمــة نتـاجــه
سلامي على اللي وقـفـتـه ترفـع الــراس=كـذا وقـفـة الرجـال قـدّ المـواجــه
[/poem]

فهد فالح


صح لسااااااانك ,, بحجم ابداااعك


ولاهنت

صح السانك يافهد


والله لايضرك



وتقديري وتحياتي

سعد

الله الله يالسمي


لاعدمناك على عليها


صح السانك ولاهنت يالغالي




التحيه والتقدير لك



,

يبكّيك هوجاس و يضحّكّ هوجـاس
عسى كل ضيق و تاليتـه انفراجـه

الله

صح لسانك × صح لسانك

راائعه رغم غضبهااا

لاهنت

احترااامي

يبكّيك هوجاس و يضحّكّ هوجـاس
عسى كل ضيق و تاليتـه انفراجـه




ياسلام ..
ياسلام ..
ياسلام ..






فهد فالح .,


شاعر جزل وابيات غاضبة وروعة
صح الله لسانك
وكل عام وانت بخير

ياسلام يا فهد

أبدعت وامتعت

صح لسانك ولاهنت

ودّي وتقديري

شهر مبارك ياصاحبي وتبقى من رموز الابداع اللي يزعجنا غيابهم ...

لوإن القضية مسألة نبض وإحسـاس
عرف كل عازف حرف قيمة نتاجـه

لوإن القضية مسألة نبض وإحسـاس
عرف كل عازف حرف قيمة نتاجـه

فهد فالح

صح لسانك × صح لسانك

عز الله ابدعت وامتعت , سلمت وسلم فكرك على هالكااااايفه

وياليتك ماتبطي علينا بالابداع

سلامي وتحياتي

..

انا اللي على دربـه للأيـام عسـاس
رمى الحظ الاقشر في عيونه عجاجـه

ابدعت يابو فالح ..
صح لسانك ولله درك ..

تحيّتي

يقولون عنك اتهذري الناس بالنـاس
وأنا أقول ما للناس في الناس حاجـة


الله الله

فهد فالح
القنبله هذي غير عن القنابل العنقوديه اللي تفجرت
قبل فتره :)


اسلوبك فيها عجيب ومميز .. وعلى افضل مستوى
صح السانك
صح السانك
صح السانك



اخووك :)

والله اني من عرفتك وانت مبدع


ابو فالح

كل عام وانت بخير

وصح لسانك بلا عدد ،،


..

يقولون عنك اتهذري الناس بالنـاس
وأنا أقول ما للناس في الناس حاجـة

ترى الناس تفهم بعضها بعض بقياس
ولاهـي مغفّلـةٍ لـحـدّ السـذاجـه

لوإن القضية مسألة نبض وإحسـاس
عرف كل عازف حرف قيمة نتاجـه



مرحبا بعد الغيّاب

وصح كلك يافهد

وكل عام وأنت بخير

أخوك

فهد فالح

صح لسانك مدد يامبدع

على ها الكايفة والجزلة

تحيتي وتقديري

فهد فالح

لله درك يابو فالح

قصيده رائعه و شاعر يحل معك الابداع اينما ومتى حللت

صح لسانك و الله يعطيك العافيه

تحيتي و اعجابي المزمن

اخوك

فهد فالح

صح لسانك ولاهنت

لله درك بعدد حروفها

يبكّيك هوجاس و يضحّكّ هوجـاس
عسى كل ضيق و تاليتـه انفراجـه


الله الله



صح لسانكـ ولاهنت

ابو فالح


ما شاء الله على هذه الهيروشيميه


صح الساانك

استمتع جدااااا بقرائتها

يبوراس مالك بين روس العرب راس
لو اتْبيّض الديـك وتحـوم الدجاجـة
معك صوت ناعم مامعك قلب حسّاس
على شارع أنواع الدلـع والغناجـه




يا سلام يابو فالح




مبدع خفيفة ظل لاكن فيها وفيها من الابداع اللي يخليني اقول انها من عيون الشعر



لاهنت لاهنت لاهنت



ولاعاد تبطي




اخوك

خالد

عزالله انك مبدع يابو فالح وبس

طرق وقاف ومعنى وكل شي ما شاءالله تبارك الرحمن عليك

صح الله لسانك وسلمت يمينك