بــرقع هـلاله !
 

مجرّد نقاش خفيف ولطيف مع أبو عمرو .... مبطي ولكن للتوثيق !

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
على الله أتـكـّـل في كل حاله = وأدرّجهـا وأدوّر للجمـاله
تجي وآجيبها منـّا ومنـّا = يعيش المسك وتموت الغزاله
عدوً للتكلـّف والتزلـّف = صديقً للبساطه والجزاله
عنيف وفي عفوية بداوه = ذبحت بــ ممكني كل إستحاله
أقـدّر صاحبي وأقضي لزومه = وأسوق الرجل صوبه وآعنى له
لذا ياعامر العمّار شفني = ورى المعرض ومن دون الوكاله
أجي وآروح وآكوسر لحوني = وذودي لا شعير ولا نخاله
وأتابع شاعر المليون فسقه = ولا أدري ليش مافازت هلاله
أقول الاّ على طاري هلاله = إذا تسمح معي لك كم مساله
هلالتك القديمه صدق صارت = ورى ورعانها في كل صاله
ولدها البكر هادي ومْـتعلّم = مؤدب صحّ ما ضيّع عقاله
وقعدتها من عيون الملقف = معاكس طبع بوه وطبع خاله
يناقز طارحً هذا وهذا = ضرب هذا وأخذ من ذا رياله
على مافيه من خبث ولعانه = قدر يكسب عمامه مع خواله
لذلك قبل مافي السجن يسجن = تصيح امه ويطلع بالكفاله
أقول الاّ على طاري الكفاله = وموضوع الوظايف والبطاله
ترى تأخير مشروع الحويه = ماهو ذنب المقاول والعماله
ولا ذنب المهندس والمشغـّل = حسب رأيي بعد تشخيص حاله
سبب تأخيرته من الإنسبكشن = طرف ثالث وسوّى كل هاله
خبير الإنسبكشن حسبه الله = يعاين بيب وتطيح الصقاله
ولو يزعل بأقدم له هديّه = وكلً مكسبه من راس ماله
هديه غير حيّا الله هديه = ولا توجد بحيّا الله بقاله
من أنواع المعرفه نص كيلو = وفوق النص له كيلو جهاله
ياعامر (رانكو) شابت وعابت = وقد كانت تطاول كل طاله
يبو عمر اسمع العلم المدوي = وكعب الشيك في رجل الحواله
مادام أرامكو صارت كذيـّا = حسمت أمري وقدمت إستقاله
وأقدم لي على دراسات عليا = على كيسي ولو ماني بداله
وعسى ربي يوفقني واجيكم = معي من متشقن كرت الزماله
على خشمي ليا جبت الشهاده = لأقدم لك تفاصيل الرساله
رسالة بحثي العلمي تراها = تمجــّل كل واحد في مجاله
رساله لو يناقش من يناقش = ذياب الأجوبه تاكل سواله
ترى عنوانها الجبّار يكفي = وتكشف محتواها من خلاله
معنونها كذا : (عين البراحه = يحتّ رموشها برقع هلاله ) !! [/poem]

(sha872-

الله الله الله



حجز ملكي فاااااااخر يابو يحي

ولي عودة

:)

يناقـز طـارحً هــذا وهــذا
ضرب هذا وأخذ من ذا ريالـه

على مافيه مـن خبـث ولعانـه
قدر يكسب عمامه مـع خوالـه


الله الله الله الله يا ناصر
شاعر متمكن صحيح

صح لسانك ولافض فوك :)

الشاعر المبدع ناصر الأحمري

والله إنك تغرف من بحر ما شاء الله عليك

صح لسانك مدد بلا عدد

كرّر إعجابي وتحيّاتي لك

ماشاء الله تبارك الرحمن ..




ابو يحي انت شاعر لايختلف عليك اثنين..




مبدع مبدع وانا من اشد المتابعين لناصر الاحمري جدا جدا ..

ماشاءالله لاإله إلا الله

مبارك عليك ماتبقى من الشهر :)

الله عليك ياناصر ..

في ذمتي أبدعت ..

فـ . الصميم ..

صح لساااانك ،

وعساك عالقوه يا راعي متشقن : )

رسالة بحثـي العلمـي تراهـا
تمجّل كل واحـد فـي مجالـه
رساله لو يناقـش مـن يناقـش
ذياب الأجوبـه تاكـل سوالـه
تـرى عنوانهـا الجبّـار يكفـي
وتكشف محتواهـا مـن خلالـه
معنونها كذا : (عيـن البراحـه
يحتّ رموشها برقع هلالـه ) !!








ياسلام ..
ياسلام ..
ياسلام ..
ياسلام ..





أبو يحي
مبدع مبدع مبدع
صح الله لسانك الى حد الثمالة
ولافض فاك
اعجاااااااابي اللامنقطع

ناصر الأحمري

صح السانك وسلمت

مبدع لاهنت

لااله الا الله

ابويحيى

صح لسانك وكفىىىىى

ولله درك

..

ماشاء الله تبارك الله


ناصر الاحمري


ابدعت وامتعت عزالله


لله درك وكفى


اخوك

متمكن يابو يحيى ومبدع ..
صح لسانك ولا هنت ..

تحيّتي

تجـي وآجيبهـا مـنّـا ومـنّـا
يعيش المسك وتمـوت الغزالـه
عــدوً للتكـلّـف والتـزلّـف
صديـقً للبساطـه والجـزالـه
عنيـف وفـي عفويـة بــداوه
ذبحت بـممكني كـل إستحالـه



المطلع لحاله .. يابو يحيى !
لله درك ودر نقاشاتك واطروحاتك اللي تخلي الفكر يوقف :)

سلامي
واعجابي
ومحبتي
اللي ما لها حد


:)

و انتم تروحون و ترجعون على هلاله و رقصها في الصاله؟


ابو يحيى


نص لا يمثل الا الشاعريه المتميزه التي نعرفها عن ناصر الاحمري


لله درك و انا اخوك و كل سنه و انت طيب و من العايدين مقدماً

لله درك







:)

مبدع مبدع يابو يحيى والله لايضرك

صح لسانك ياناصر واعتلا شانك

والله من اشد معجبينك ومتابعينك

ناصر الأحمري :_

حي الله الشعر .. وراعيه ..!!
أبو يحيى :_
نص يمثل الإبداع في .. الفكر .. والثقافة .. والشاعرية .. !! وانتقال من بحر الى آخر بكل يسر وتمكن ..!!
لله درك
لله درك

تدهش العقل بكل جديدك ..!!

سلامي .. ومحبتي .. وكل عام وأنت بألف خير يابو يحيى :) .

وأتابع شاعـر المليـون فسقـه
ولا أدري ليش مافازت هلالـه


هههههههههههه


صح لسانك مليوووون

مبدع

لاهنت


والله يوفق كل هلاله ان شاء الله

احترااامي

و
ج
د

ناصر الاحمري



سلمت على ابداعك الثجاج :)




اسلم وسلم لي على الشيخ عمار.

ناصر الأحمري

صح السانكـ وسلمت

مبدع لاهنت

عـدوً للتكـلّـف والتـزلّـف
صديـقً للبساطـه والجـزالـه
وللابداع يا استاذ
صح لسانك مدد