العامريه هي هي هي
مساء الخير
وكل عام وانتم بخير ولكم هذه الخاطرة وامل ان تجد القبول ولكم تقديري على نار المسافه يحترق صبري شوي شوي وبين الجمر والشعله تموت وتدفن احلامي يغيب النوم ويحل الظلام وينجلي بالضي وانا احرث بالورق واسقيه دمع العين واقلامي عسى ينبت على صحراه من ذكرى عذابي شي عزا جيلٍ وراي ولي عزا في جيل قدامي قريت بقصة المجنون قلت العامريه هي وانا المجنون واول خطوه الليله من اعدامي عساي افدى العيون اللي هدبها للمحاجر في انا وظلال صبرٍ في ركونه ذابت اعوامي اعيش بلا حياة بهجرها واموت وانا حي بنفحة عطرها وبهمسها وبلطفها الزامي وتعيش بخافقي حوريةٍ بين الثمر والمي تبختر به وتعبث كثر ماتعبث بي اوهامي انا الغلطان انا اللي ماتنظف من خطاي ايدي سبب غلطة حياتي ليه اعلقها على أيامي وابرر موقفي وادين عثرات النصيب السي لروحي وانتظر للمغفره من جرحي الدامي بروح اطوي مسافات الزمان اللي طواني طي واصارع غربتي واواصل الرحله وانا ضامي مدام عدود .. لو .. ويالعل.. وليت.. ماتروي رضيت بماكتب ربي وهذي بصمة ابهامي شعر/ضاوي العصيمي |
الشاعر المبدع ضاوي العصيمي
كل عام وانت بخير وصح لسانك مليون اخوك تركي الزلامي |
الله الله الله
ضاوي العصيمي صح لساااااانك .. ودااااام حضوووورك الرائع هلاااابك وبقصيدك اللي يطرب لاعدمناك . تحيااااااتي |
3
ولي عوده |
الله الله الله ياضاوي
صح لسانك إلى مالانهايه متصفحك يحمل الأبداع بكل ماتعنيه الكلمة من معنى لاهنت على هذا الأبداع وكل الشكر لك وتقبل تحياتي |
صح لسانك ياضاوي
قصيده عذبه بعذوبة قائلها |
يا حلوك وحلو بصمة ابهامك يا بو زياد
مرحبا مليون وكل عام وانت بخير وصح لسانك مدد بلا عدد ،، .. |
نعم نعم
عدود ليت ولعل ماتروي الف صح لسانك يابو زياد والف تحيه |
عساي افدى العيون اللي هدبها للمحاجر في
انا وظلال صبرٍ في ركونه ذابت اعوامي ياسلاااااااااااااااااااااااااااااااااااااااااااام ياضاوي العصيمي اقسم بالله اني وقفت هنا ,,, وجيت اكتب شعوري تجاه هالبيت تحديدا وبارجع اكمل اباقي ,,,, الف صح لساااااااانك ودام وجودك . |
مساء النور .,
وكل عام وانت بخير صح الله لساااانك ولاهنت ابيات وقاف غير وشاعرها غير دمت بخير |
عسى ينبت على صحراه من ذكرى عذابي شي
عزا جيلٍ وراي ولي عزا في جيل قدامي الله الله ياضاوي دائماً اكون عطشان لإبداعك وعند قراءة قصايدك ارتوي شعراً وارتوي إعجاباً تحياتي |
اعيش بلا حياة بهجرها واموت وانا حي
بنفحة عطرها وبهمسها وبلطفها الزامي . . انا الغلطان انا اللي ماتنظف من خطاي ايدي سبب غلطة حياتي ليه اعلقها على أيامي وابرر موقفي وادين عثرات النصيب السي لروحي وانتظر للمغفره من جرحي الدامي بروح اطوي مسافات الزمان اللي طواني طي واصارع غربتي واواصل الرحله وانا ضامي مدام عدود .. لو .. ويالعل.. وليت.. ماتروي رضيت بماكتب ربي وهذي بصمة ابهامي الله الله الله مبدع مبدع يابوزياد والقصيده ذيّ عرّفتني على نمطك العاطفي :) صح لسانك جدّا ولاهنت |
ضاوي العصيمي
صح لساااانك مدد بلا عدد ... مبدع ومميز ,,, تقبل مروري المتواضع ,,, خالص مودتي ,,,, |
هلا ومرحبابك يالزلامي
وحضورك اسعدني وصح بدنك يالغالي |
ضاوي العصيمي
لله درك ،، مبدع ،، مبدع ،، مبدع على نار المسافه يحترق صبري شوي شوي وبين الجمر والشعله تموت وتدفن احلامي صح السانك ولاهنت |
ابو زياد
الله على هالعذوبه صح لسانك وسلم فكرك سلامي واعجابي .. |
-
انا الغلطان انا اللي ماتنظف من خطاي ايدي سبب غلطة حياتي ليه اعلقها على أيامي يا سلام شاعر مبدع مبدع مبدع وهرم شعري صح لسانك ولاهنت تحياتي |
ياسلام على الابداع ياضاوي
صح لسانك وعيدك مبارك مقدمأ تقبل مروري .... |
الشاعر المبدع ضاوي العصيمي
كل عام وانت بخير وصح لسانك مليون |
صح لسانك ياابو زياد
قصيدك لايختلف على جزالته وروعته اثنان |
ضاوي العصيمي
صح لسانك ولاهنت يالجزل تحياتي لك |
صح فكرك ..وشعرك يابو زياد ..
وكل عام وانت بخير :) |
| جميع الأوقات بتوقيت GMT +3. الساعة الآن 04:06 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية