صفحـــة الذكــريـــات!!!
 

[align=center]هنا ركني الهادي

هنا للعمر صفحة من ذكرى لايطويها الزمن لكي تكون متنفس للماضي



حياكم الــلــه[/align]



[poem=font="Simplified Arabic,4,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
تمرني ذكــراكــ وآقول مسموح=مسموح ياحبٍ طوته الليالي
لو في نهاياته على العاشق جروح=الغالي اللي مارخص حب غالي
ذكراه لامرت تقول ان بها روح=واعيش معها كل ماضي مضالي
وتكسر جدار الصمت والوجد والبوح=للذكريات الراسخه في خيالي[/poem]

آخر لقــا...
 

آخر الكلام
//
//
//



[poem=font="Arial,4,indigo,bold,normal" bkcolor="transparent" bkimage="" border="none,8,gray" type=1 line=0 align=center use=ex num="0,black"]
كنّك المذنب اللي عن خطاه إتقّا=وكنّي اللي ملبسك الخطا لبس ثوب
يوم قلت المحبه تاليتها شقا=وش خذينا بعدها من دمــارالقلووب
النفوس إتّعلق والظروف امحقا=كل حبٍ ..وله فرقا..وقلبٍ يذوب
وش بقا..رد..للي قلت لي..وش بقا=غير ..مر السكوت اللي عليه مغصوب
قصدك ان اللقا هذا مابعده لقا=يعني تروح لك في صوب وآروح صوب
يأول انسان حبيته بوضح ونقا=لوّن الحب فيني مثل لون الغروب
قال عزت خفوقك ..غيرها ماهقا=واحدٍ للكرامه فالحياة محسوب
قلت:يبقا من الذكرى لنا اول لقــا=يوم انا وانت فينا الحب ماهوكذووب[/poem]

قصايد البدايات
اتمنى ان تتقبلوها

واحد
1

2


[poem= font="Tahoma,5,black,bold,normal" bkcolor="transparent" bkimage="" border="double,4,gray" type=2 line=0 align=center use=ex num="0,black"]
صاحبي والعذر ماسر الخطايا=لاتقول العفو عند المقدريه
مابقى فينا بياضٍ للنوايا = ماعليك من الملام ولاعليه
لاتعددلي من عيوبك مزايا=استوت كل الاصابع في يديه
إحفظ الذكرى معى باقي الهدايا=دامها الذمه من الذمه بريّه
شوفني بفراق من كل الزوايا=واتعرف مامن ورى فرقاي جيه
لو عليك الشوق سوّابي سوايا=واصبحت ذكراك فالخفاق حيه
الجروح اللي من اسبابك عرايا=لابغيت اسامحك تشره عليه
آه ياصوتٍ تكسّر في الحنايا=لاتذكرت الوفا ذنب وخطيه
يازمان العشق بقلوب الصبايا=راحت ايام الغلا والشاعريه
صاحبي ليت العذر قد الخطايا=كان قلت العفو عند المقدريه[/poem]

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أسألك بالله ماوحشتك ولا اشتقت=ولاجابني فالبال طاري طرالك
خابرك تشكيلي همومك ليا ضقت=من كل وسواسٍ يزاحم خيالك
من سكرت العشاق ياصاحبي فقت=ولًا سلى عني خفوقك وبالك
كانك تناسيت الغرام وتوفقت=الله يسمح لك طريقك وفالك
تعبت لا لقالك عذر كل مارقت=واحتار بظروفك وكثر انشغالك
تدري وش اصعب شي في دنيتي ذقت=غيبتك والاصعب غياب اتصالك
كذبت في فرقا الولايف وصدقت=يوم ادبرت عني ليالي وصالك
لاكن بعد وشهو بعد ماتعلقت=وبعد افلتت كف الرجاوي حبالك
فرقت طيفك عن عيوني وشققت=اوراق للذكرى معي شلتهالك
حتى قصيدٍ به كتبتك وحققت=اعجاب غيرك يشهد ان الغلا لك
فرقا ولاني بأول انسان فارقت=يحبني غيرك واحبه بدالك[/poem]

3
من البديات



[poem=font="Simplified Arabic,4,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black""]
ياعين مابينك وبين السهر حلف=مبطي وجفنك في دفا النزم غارق
اللي خلق هذي خلق غيرها الف=من واقع الدنيا لزوم انتفارق
يالخافق اللي هزك الشوق للولف=العمر قدامك ولك غصن وارق
مد النظر قدّام لاتلفت خلف=الشمس ماغابت شف النور شارق
خابرك لوقدامك سيوف ع شلف=ماهزة اركانك جموع وبيارق
وان كان فرقاها تلف مهجتك تلف=بابك يجي له بالغرام الف طارق
منته على المقفين متحسف وكلف=منهو يبي فرقاك خله يفارق[/poem]

4


دفا ذكرياتك


[poem=font="Simplified Arabic,4,white,bold,normal" bkcolor="transparent" bkimage="backgrounds/21.gif" border="groove,6,crimson" type=2 line=0 align=center use=sp num="0,black""]
والله قلبي طاب منك وغلاتك=عندي ترى ماعادلك اي قيمه
حر بحياتي وانت حر بحياتك=كلٍ بقفي والنوايا سليمه
انا تعبت ادمح واطوّف سواتك=كله على شان الليالي القديمه
لعيون حبٍ في دفا ذكرياتك=سالت عليه من الوفا كل غيمه
شوف الغلا ركبه تعدى وفاتك=يعني نرد احباب انسى حريمه
عندي تساوت سيتك واحسناتك=دربك حضر وابعد عساها غنيمه
لاتنشد السبه تلازم سكاتك=نفسي وخابرها ولاهي سقيمه
ماني بقاسي قلب لكن جزاتك=والعلم خله من غريم لغريمه
وشلون جاتك تدري شلون جاتك=مافيه لاقيمه لمثلك وشيمه
آخبر كلمه شيلها في وصاتك=كلش يهون الا الحياه الكريمه[/poem]