!! الجــمــوح !!
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الجموح اليا دعتني جيتها = قلبها بيتي وقلبي بيتها أحبها ومن لامني في حبها = يسمعني بصوتي اذا ناديتها أجمع الأشواق فيني كلها = وأتنفس الأحرف إذا هليتها ماباقي إلا بس أجي وأضمها = وألمها وأضيع لا لميتهااا ماكنها إلا وردة ٍ وألوانها = تغريك هذا وأنت ماشميتها لأنها بناخيت الجمال وعمها= حب ٍ له أقدامي غصب سجيتها ناس ٍ تعاندها وترفع ضغطها = الله يعاقبها .. ويخرب بيتها إن كان حظي مافزع في وصلها = ماقلت له لعلها وياليتها هي هذي الدنيا وهذا حالها = أشياء أتمناها ولا سويتها عذري ليامن ما قدرت أجيبها = بغيتها .. ولكنني .. أخطيتها يعني غلاها في الحشاء .. ماحطها= ناس ٍ تمللني وأنا مليتها لا سولفت ماودي يخلص حكيها = وإذا سكتت تسكت .. من اتيكيتها سوالف تمر بثنايا فمها = يذوب سكرها على شربيتها ماكنها إلا كاسة ٍ وأسكر بها = من حيث ماوجهتها .. سريتها إبلا شعور يميل راسي يمها = وكل ما أنتهي من كاسة ٍ مديتها تجلي هموم ٍ في حشاي أكنها = وألد عين ٍ مابعد .. لديتها كل ما أنتهت فيها .. بدت لي منها = يومي على كثر الغلا سميتها أسعد لحظات بحياتي ... عشتها = ساعة .. زعلت فيها وأنا راضيتها أدري القدر بيحول بيني وبينها = بيحدها لو كان .. ماحديتهااا الله يخليها لأبوها .. وأمها = ولا تشوف من الزمن تشتيتها هذي مشاعر في خفوقي قلتها = وإن كان ماكحلتها ... أعميتها[/poem] فالح الشلوي |
1 ولي عوده
|
صح لسانك واعتلا شانك
ابيات اكثر من رائعه وسلسه |
حجــــــ33333333333ــــــــــــــز
صح السانك ملايين ولله درررررررك |
الله الله الله
فالح الشلوّي صح السانك مدد ،، ابدعت ابدعت وسلام الله عليك |
صح لسانك
مدد يافالح ولاهنت اخووك |
الشلوي فالح :-
مبدع مبدع مبدع مبدع أبيات في غاية الجمال .. ولها اتيكيت غير شكل :) .. وروعة صياغتها .! صح الله لسانك عددها بيت بيت اعجابي ومحبتي دمت بخير |
فالح الشلوي
الله الله صح لسانك قصيده جزله من شاعر جزل سلمت ولاهنت تحياتي |
كل ما أنتهت فيها .. بدت لي منها
يومي على كثـر الغـلا سميتهـا أسعد لحظات بحياتي ... عشتهـا ساعة .. زعلت فيها وأنا راضيتها أدري القدر بيحول بينـي وبينهـا بيحدها لـو كـان .. ماحديتهـااا عسفت جموح القصيد يافالح نص رائع صح لسانك مدد بلا عدد تحياتي |
الله الله يافالح
صح لساااانك ولاهنت يالجزل ابيات جزلة ومن شاعر متمكن لله درك تحيات اخوك |
[align=center]فآلح آلشلوى
إبدآع إبدآع إبدآع قصيده روعه وشآعر أروع .. صح آلله لسآنك و لا هنت .. تقبل ودي[/align] |
الله الله
ياسلالالالام يافاااالح كلحتهاااا وسويتهااااا صح لساااااانك .. صح لسااااااانك تقديري لكــ |
-
سوالـف تمـر بثنـايـا فمـهـا يـذوب سكرهـا علـى شربيتهـا ماكنها إلا كاسـة ٍ وأسكـر بهـا من حيث ماوجهتهـا .. سريتهـا نص عذب ودقيق صح لسانك يا فالح وبنانك اصدق التحايا |
,,
هي هـذي الدنيـا وهـذا حالهـا أشيـاء أتمنـاهـا ولا سويتـهـا صح x صح يا صديقي سمعتها واسمتعت بها منك شخصيا وتعرف رائيي فيما تكتب اتيتت لا رتوي من نهر ابداعك / سلام يا صديقي |
هذا والله التمكن صحيح يا فالح
صح لسانك تقديري |
مرحبا بك وبحضظورك الأول ياسطان
الي يشرفني ويسعدني |
بن ناهض
لا هنت وماعليك زود كل الشكر والتقدير |
فالح الشلوي
صح لساااانك حتى ترضى مبدع وممتع تقبل مروري المتواضع خالص مودتي |
حيه وحي ما جاب
ابو مشعل مبدع في جميع حالاتك الله لا يضرك صح لسانك وصح فكرك تحياتي لك .. |
الله الله
أبدعت وأمتعت يا فالح صح لسانك مدد وسلمت تحيّاتي لك |
مناحي
صح بدنك وحياك الله أنت وحضورك اللي أسعدني كثيرررر |
الله
صح لسانك يافالح مبدع ورائع لاهنت وتقبل تحياتي |
| جميع الأوقات بتوقيت GMT +3. الساعة الآن 05:59 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية