( أسمر عبر ) .!
صباح الخير
قديمه جديده متواضعه ., [poem=font="Traditional Arabic,6,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"] اللّيل طوّل .. والصّبر طوّل .. وملّيت الصبر=وفالعين نومٍ لو يوزّع للعرب يستدّها وان اعبرت لي مترف الافكار ماهيب اتعبر=باخذ معي هوجاسي وطرقي وأبخطب ودّها مدام الاقلام الرّماح ., ودمّ الافكار الحبر=ابزرق ارماحي على الافكار , وادمي حدّها لـعيون غيداً جرحها فالقلب لاطوّل .. كبر= آحايل امالي عليها . . ودها ما ودها مابه محلٍ ماانجرح ., ولابقى غزّة إبر=في كل ليل وهي تعذّبني وتتعب يدّها .! أثر ( ابونوره ) يوم غنّا بأغنية ( اسمـر عبـر )=غنّابها عنّي وعدّ اوصافها لاعدّها تشبر معاليقي ولاتجهل بها شبر شبر=تحسب معي .. معلوق معلوق , وماتخطي عدّها خلّتني آخذ عقبها وقفات , ودروس , وعبر=من بعد مدّيت الوصال , ولانعمت بمدّها لوكنت اعاندها واقابل في تكبّرها .. كِبر=لكنّ مابيني وبيني .. خايفٍ من ردّها لو كانت الفرقا بجملة مبتدى يسبق خبر=أمداني الحق مابقى لي والرّحال اشدّها ولو كان للذكرى عقب ماماتت القصّه قبر .؟=دفنتها في تربة النسيان .. لين آردّها .! لكنّها صدّت بلاهمسه ولاحسّ وخبر=والتهبت جروحٍ قديمه نبّشت في صدّها صفّت بصفّ , الحظّ .. والحرمان .. والوقت الغَبَر=وأباحت سدودٍ بعيده , واحتفظت بسدّها وكِسرَت عظام الحبّ كسرٍ لويجبّر ماجبر=وامست عيوني والدّموع اتحدّها واتردّها يكفيني انّي لاعشقت .؟ اعشق مقامٍ معتبر=اهنا ينومس جدّها , واهنا ينومس جدّها وانا من اللي لاتحامو دون حسكات الوبر .؟=لويكتب التاريخ بعض افعولهم .. ماسدّها .![/poem] |
.
/ . \ حــجز يا ابو محمـد جايكـ اخب ارب محد سبقـني :) لي عوده بعد القراءه . . |
الثاني مافيها كلام
عند السمي |
ابو سريّع
خب خبيب الذيب ., بإنتظارك :) |
يامرحبا يالسمي
حجزك فالقلب وعلى الراس والعين :) |
ابن عصيدان,فــهد
هكذا يـــكون الحضور..ولا غرابه في حضورك.الذي يفوق كل الحضور ابداع وتميز كالعاده بوح ونبض وحرف,, مفرده لها تميز عن الباقي صح منطوقك وفكرك لاهنت ودمت |
[align=center]ولو كان للذكرى عقب ماماتت القصّـه قبـر .؟
دفنتها فـي تربـة النسيـان .. ليـن آردّهـا .! لكنّهـا صـدّت بلاهمسـه ولاحـسّ وخبـر والتهبت جـروحٍ قديمـه نبّشـت فـي صدّهـا صفّت بصفّ , الحظّ .. والحرمان .. والوقت الغَبَر وأباحت سدودٍ بعيـده , واحتفظـت بسدّهـا وكِسرَت عظام الحـبّ كسـرٍ لويجبّـر ماجبـر وامست عيونـي والدّمـوع اتحدّهـا واتردّهـا يكفيني انّي لاعشقت .؟ اعشـق مقـامٍ معتبـر اهنا ينومس جدّهـا , واهنـا ينومـس جدّهـا وانا من اللي لاتحامو دون حسكـات الوبـر .؟ لويكتب التاريخ بعض افعولهـم .. ماسدّهـا .! لله درك فهيد بن عصيدان صح السانك قصيده ابداع شاعر مبدع سلمت يمناك ولاهنت[/align] |
اقتباس:
ياسلام ياسلام ياسلام ياسلام عزالله العزيز انك ابدعت يابو محمد ولاتبخل علينا بالقديم :) صح الله لسانك الى حد الثمالة ولافض فاك اعجابي + محبتي + متابعتي = الداااائمة :) تقبل مروري |
ابن عصيدان
والله انك جزل وقصيدك جزل يافهيد اقول صح لسانك ولاهنت يالقرم تحيات اخوك |
وانا من اللي لاتحامو دون حسكـات الوبـر .؟
لويكتب التاريخ بعض افعولهـم .. ماسدّهـا .! اي والله ما سدها ،، كفو كفو يا فهيد حي ذا الصباح اللي خلانا نقرا ذا الابيات اللي تروي الكبد صفّت بصفّ , الحظّ .. والحرمان .. والوقت الغَبَر وأباحت سدودٍ بعيـده , واحتفظـت بسدّهـا صح الله لسانك ولا هنت وهات من القديم والجديد والحاظر والغايب :) نحتري الجاي وفقك الله |
صفّت بصفّ , الحظّ .. والحرمان .. والوقت الغَبَر
وأباحت سدودٍ بعيـده , واحتفظـت بسدّهـا ياسلام يامبدع // قصيده رائعه // صح لسانك يابو محمد أخوك / محمد |
فهيد بن عصيدان
يطربني قصيدك دائما متابع تحياتي |
فهد
صح لسانك مدد ولاهنت اخووك |
..
الله الله الله على هذا الابداع يا فهيد _ صح لسانك الى مالا نهايه / تــ ح يــتي |
يا سلام على الابداع اللي على اصوله يابو محمد
وعزالله ان كلمة مبدع شوي بحقك ولا اله الا الله على القريحه :) صح لسانك مدد واعجابي ومتابعتي |
يكفيني انّي لاعشقت .؟ اعشـق مقـامٍ معتبـر
اهنا ينومس جدّهـا , واهنـا ينومـس جدّهـا ابو محمد عز الله ان شعرك ينومس هنا وهناك ( شعبي ومواهب ) مبدع واعجابي ماهوب في يوم وليله الا من اول حرف قريته لك صح لسانك صح لسانك وصح لسانك وعز الله انك تكتب مايروي الذائقه سلامي ومحبتي الشخصيه .. |
الله الله
الله الله الله الله الله الله يا حلو هالقصيده يافهيد وياكثر حساسيتها كثراااااه لو كانت الفرقا بجملـة مبتـدى يسبـق خبـر أمداني الحـق مابقـى لـي والرّحـال اشدّهـا ولو كان للذكرى عقب ماماتت القصّـه قبـر .؟ دفنتها فـي تربـة النسيـان .. ليـن آردّهـا .! بيتين يصلحان توقيع لكل من يعيش هذا الشعور صح لسانك عدد حروفها مع تجديد الاعجاب ، .. |
ماشالله يابن عصيدان
شاعر جزل والدليل ذا القصيده الجميله جداً اتمني لك التوفيق :) |
مدام الاقلام الرّمـاح ., ودمّ الافكـار الحبـر
ابزرق ارماحي على الافكار , وادمـي حدّهـا لعيون غيداً جرحها فالقلـب لاطـوّل .. كبـر آحايـل امالـي عليهـا . . ودهـا مـا ودهـا مابـه محـلٍ ماانجـرح ., ولابقـى غـزّة إبـر في كل ليل وهـي تعذّبنـي وتتعـب يدّهـا مابـه محـلٍ ماانجـرح ., ولابقـى غـزّة إبـر في كل ليل وهـي تعذّبنـي وتتعـب يدّهـا الله الله الله الله قليله في حق ذا القصيده كلمه ابداع الله لا يضرك .. ارويتنا شعر صح الله لسانك وصح بوح قلبك تحياتي لك .. |
فهيد بن عصيدان
صح السانك قصيده ابداع شاعر مبدع سلمت يمناك ولاهنت يطربني قصيدك لك تحياااتي |
السلام عليكم ورحمة الله وبركاته
بن عصيدان صح السانك على الجزل جملك الله ..تقديري.. |
يكفيني انّي لاعشقت .؟ اعشـق مقـامٍ معتبـر
اهنا ينومس جدّهـا , واهنـا ينومـس جدّهـا وانا من اللي لاتحامو دون حسكـات الوبـر .؟ لويكتب التاريخ بعض افعولهـم .. ماسدّهـا .! الله .. ومليون نعم فيك وفيهم لك لون ابداعي خاص فيك صح لسانك ملايين والمتابعة قديمة ومتجددة :) |
| جميع الأوقات بتوقيت GMT +3. الساعة الآن 09:21 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية