... هـــرجة قفـــــــى ...
 

[align=center]السلام عليكم ورحمة الله وبركاته

اسعد الله جميع اوقاتكم بالخير والمسرات
اطرح هذه المتواضعه بين ايديكم عسى ان
تشفع لي طول الغياب [/align]


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الهرجه اللي جابها ياذعار رجالٍ كذوب=ماحركت عند الرياجيل الصناديد شعره
هرجت قفى جانا صداها نسمعه من كل صوب=مثل الهبوب اللي يهب عصير والجو قتره
يقولها الجاهل يحسب انه يبى يوقد حروب=مايدري ان الشعب واعي والدول مستعمره
يخايل بروقٍ تبارق فالشمال وفالجنوب=ولايعاين مزنةٍ من فوق راسه ممطره
اللي تمادى بالخطى واخطى المبادي والدروب=نعلمه كيف العفو ياذعار عند المقدره
ونعلمه كيف الرفاقه ماتفتش فالعيوب=لاجل الرفاقه ندمح الزله وعيبه نستره
نشتال ماشال الجمل ونقوم بالحمل ونتوب=عن خوة اللي خوته ياذعار مافيها ثمره
ياوجد حالي كل ماذعذع من الغربي هبوب=وجد اليتيم اللي سقاه الوقت مره وقشره
ماحوله اخوانٍ يشيلونه لياطاح مغلوب=وامه وابوه العام حطوهم بوسط المقبره
ماحوله الا عمه اللي ماكسب غير الذنوب=واصبح صبيٍ عند عمه غصب والوقت قهره
وجده مثل وجدي على لاماك يالريم اللعوب=ياللي غلاك بوسط قلبي والضمير مقدره
ياكم لعبتي فالحشى والقلب غنالك طروب=وياكم فرش لك من بساتينه وروده وزهره
اليوم صرتي مبعده وانا على البعد مغصوب=ماللي جدى غير الحق الونه بونه مثره
رحتي واخذتي معك قلبٍ غير عن كل القلوب=قلبٍ على وضح النقى يعشق ولافيه غبره
قلبٍ لغيرك مايحن ولايميل ولايذوب=لن كن ربي معميٍ عن كل هالناس بصره
ياويل حالي لاتذكرتك ليا حان الغروب=اخاف من لليل العناء ماطيق همه وسهره
وياشينها لاطاح فالايام رجال محسوب=الحظ خانه والزمان الشين هانه وكسره[/poem]
[align=center]
وسلامتـــــــــــــــــــــــــــكم[/align]

وياشينها لاطـاح فالايـام رجـال محسـوب
الحظ خانه والزمان الشيـن هانـه وكسـره

ايوالله يافهد :)

صح لساانك مدد بلا عدد

اخوك

صح لسانك وبيانك يافهد ومرحبا بك

الله الله

قصيده وافيه وكافيه يا فهد

صح لسانك عليها ولاهنت

تحيّاتي لك

-


نشتال ماشال الجمل ونقوم بالحمـل ونتـوب
عن خوة اللي خوته ياذعـار مافيهـا ثمـره


كفو كفو يابو مرزوق



شاعر جزل ومبدع لله درك صح سانك ولاهنت .. تحياتي واعجابي ما يحتاج

الله

قصيده وافيه وكافيه يا فهد

صح لسانك عليها ولاهنت

تحيّاتي لك

مرحبا يا فهد

وجعل الردي فداك .. جزاله وابداع صحّ

صح لسانك وسلمت