’’ وصــاه ‘‘
 

السلام عليكم ورحمة الله وبركاته



ارجو ان تحوز على اعجابكم هذه القصيده


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الرجل لاسافر وحِفْظَت وصاياه=لوقيل غايب قلت موجود ماغاب
والقاف يازينه ليا زان معناه=بمناسبه وألا على راس مرقاب
بعد صلاة الفجر وِصِّيت بوصاه=على شبوب النار مع هجّة الباب
وليا ركعت الفرض في طاعة الله=بدلت لي عن نوم ندهان هنداب
ياقوم نوم الصبح مانيب ويّاه=وقتٍ به الطلبات والكسب ينجاب
وقتٍ يفوق الوصف باهي وما أحلاه= ظلٍ مديد ومَكرمَة كل طلاب
فيه الغنايم للرجال المحيّاه=طلابة اللي من ترجاه ماخاب
نوم الضحى ياناس لو زان ما أبغاه=لا ترقدونه يا عريبين الأنساب
مايرقده رجّال يقلط بيمناه=نومة خبولٍ خالفوا سلم الأنجاب
يازين فيها شبّة النار زيناه=والكيف لن جوا له مع الصبح شيّاب
ويازين فيها رقصة النجر وغناه=لا سمعه الشايب بزعمه يجي شاب
رقصه ولعبه يشرح الصدر ونداه=يجون له ربعٍ سوالفهم عجاب
أهل حديث ونصح وعلوم ورواه=لو هم بدايد كنهم ربعٍ أقراب
ونجرٍ ودله فوق نارٍ مسواه=وليا تلافوا صوبها خاطري طاب
جابوا علوم الغيث من كل مجهاه=ليا تراكم في السماء كنه هضاب
وليا سرى برق الحيا وانهمر ماه=وعدّوه من جده ليا راس مشعاب
وحدّ المعلّم قال نجران وأقصاه=وإسبوع والربع الخلي ماه صبّاب
ومن الشمال طريف سيله تغشاه=والقاع لبست ثوبها الزين وخضاب
لبست لها مثل الزوالي محنّاه=وزانت غطاريف أم سالم بالألعاب
فيها يطول العمر ويطيب ممشاه=لافاح طيب العشب بأنواع الأطياب[/poem]

..

بن شنيف



ايوالله حازت على رضانا


وصح وصح لساااااانك


لله درك


تحيتي

وعليكم السلام ورحمة الله وبركاته

يامرحبا ومسهلا يا هادي

ويازين قصيدك العذب زيناه وماشاء الله تبارك الوهاب


قصائدك الاصيله هنا مكسب للباحثين عن الشعر الحقيقي


صح لسانك مدد وسلمت ،،


..

[align=center]هادي بن شنيف

الله يسعد جميع اوقات بكل خير

يازين فيهـا شبّـة النـار زينـاهوالكيف لن جوا له مع الصبح شيّاب
ويازين فيها رقصة النجـر وغنـاهلا سمعه الشايب بزعمه يجي شاب
رقصه ولعبه يشرح الصدر ونـداهيجون له ربـعٍ سوالفهـم عجـاب
أهل حديث ونصـح وعلـوم ورواهلو هم بدايـد كنهـم ربـعٍ أقـراب
ونجرٍ ودلـه فـوق نـارٍ مسـواهوليا تلافوا صوبها خاطـري طـاب

قصيده جزله
ولاهي غريبه معودنا دايم على الجزل

دمت مبدع
وتقبل تحياتي[/align]

قصيده جزله
ولاهي غريبه معودنا دايم على الجزل

دمت مبدع
وتقبل تحياتي

بعد صلاة الفجـر وِصِّيـت بوصـاه=على شبوب النار مع هجّـة البـاب
وليا ركعت الفرض في طاعـة الله=بدلت لي عن نوم ندهـان هنـداب


حيك وحي قصيدك

وحي احساسك ومشاعرك


وعساي اكون من منطقتكم قريب في احدى الايام المقبله وشاركك في قهوة الفجر


عسى يطول عمر ك يطول على طاعته

يابو سلمان

هادي بن شنيف

لله درك
لله درك

وصح الله لسانك مليون x مليون

نص رائع


:)

لله درّك يا هادي بن شنيف

قصيده جزله ومعاني ساميه




صح لسانك الف ولاهنت على هالقصيده يا هادي .









..

ــــــــــــــــــــــــــــــــــــــــــــــــــ ـــــــــ
يازين فيهـا شبّـة النـار زينـاهوالكيف لن جوا له مع الصبح شيّاب
ويازين فيها رقصة النجـر وغنـاهلا سمعه الشايب بزعمه يجي شاب
رقصه ولعبه يشرح الصدر ونـداهيجون له ربـعٍ سوالفهـم عجـاب
أهل حديث ونصـح وعلـوم ورواهلو هم بدايـد كنهـم ربـعٍ أقـراب
ونجرٍ ودلـه فـوق نـارٍ مسـواهوليا تلافوا صوبها خاطـري طـاب
ــــــــــــــــــــــــــــــــــــــــــــــــــ ـــــــ
يا سلااااااااااااااااااااااااااااام وبيض الله وجهك يا بن شنيف..
مــبــدع ولله درك يالسنافي..
وصح السانك مدد مدد
ودمت بود