يمال الغناة وجعل عمرك يدوم سنين
 

[poem=font="Simplified Arabic,4,black,bold,normal" bkcolor="transparent" bkimage="backgrounds/27.gif" border="ridge,6,orange" type=1 line=0 align=center use=sp num="0,black"]
اسعد الله اوقاتكم بكل خير

قصيدة اتمنى ان ترتقي لذائقتكم

وتشفع لطول غيابي

يمال الغناة وجعل عمرك يدوم سنين=على طاعة الله ياحفيد المسميني
عرفناك مانجهلك يامعرب الجدين=تسد اللزوم وفي المواقف حمر عيني
ربطنا مواثيق الصداقة قبل عامين=على الطيب والناموس والعز والديني
رفيقي عداه اللوم وافي ومن وافين=حريص علي عند القسا مايخليني
لكني طويل ذراع ماني قصير يدين=علي من حزامي لادبل الصاع صاعيني
عدوي اعرفه زين وهو يعرفني زين=الا دق ناقوس الخطر بينه وبيني
انا شاعر من قوم راكان بن حثلين=صميدع قبايل يام عوق المعاديني
اجامل بعض لاحيان واعطف على المسكين=لكن دون حقي شرس ماني مسيكيني
لحيث الفتى لامن تحاشى وغض العين=تجرى عليه الاش مرة وثنتيني
لكن الردي وشلون يلعب على الحبلين=وعينه تحت مايرتفع شبحها فيني
الاعداء مدحورة والاصحاب مشكورين=على ماحصل والسير حسب القوانيني
بعد ماحجبنا نظرة الشك والتخمين=يكفي عن التفصيل روس العناويني[/poem]

انا شاعر من قوم راكان بن حثلين
صميدع قبايل يام عوق المعاديني


والله وسبعة أنعام بالأول والتالي


صح لسانك يابن فهيد وعلا شانك

اجامل بعض لاحيان واعطف على المسكين
لكن دون حقي شرس ماني مسيكيني


ابن فهيد


صح لسانك ولا هنت .................وونعم فيك وفي لابتك مبدع وحضور مميز


تحيتي لك

صح لسانك



مبدع




تقبل مروي

كفو كفو كفويا ناصر


ابيات جزله الله لا يضرك وتستاهل القراءة
صح الله لسانك ولا هنت


وفقك الله

عليّ بالحرام انك شاعر مبدع

ولك نهج يطربني جدا جدا



عدوي اعرفه زين وهو يعرفني زين
الا دق ناقوس الخطر بينه وبيني

انا شاعر من قوم راكان بن حثلين
صميدع قبايل يام عوق المعاديني


والله ومليون نعم يا ناصر بن فهيد العجمي


سجل اعجابي الكبير لاعدمناك

وصح لسانك مدد ،،


..