قصيدة سحمان السبيعي ومجاراة مطلق الحويقل في محمد بن حرباش المرشدي
 

السلام عليكم ورحمة الله وبركاته ،،
الطيّب لو مات ما مات ذكره ، ومحمد بن حرباش المرشدي العتيبي رحمه الله نحسبه والله حسيبه ولا نزكي على الله أحد أنه رجل طيب وكرم ومذكور بالخير عند كل من يعرفه ، وهو والد زميلنا المرقابي / عفّاس بن حرباش
بعد وفاته رثاه الشاعر / سحمان بن ملحم السبيعي بقصيدة وجاراه الشاعر / مطلق خالد الحويقل



قصيدة سحمان السبيعي


[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 [color=#0000FF]line=1 align=center use=ex num="0,black"]
بدأ الصبح ياعفاس ماقمـت لفراشـي=على الكوع ليلي واتوجد علـى لامـاه
رفيقٍ فراقه ولع النـار فـي جاشـي=سقا الله زمان اليا نصيت النسيم ألقاه
كبير الصحن سوٍ على جزل الادباشـي=وسيع المعرفه لامن عمس البصيره تاه
طليق اليدين اليا غشا حلتـه غاشـي=نظيف اليمين الله على عفتـه يجـزاه
اعزيبه اصحابه من الطاش للطاشـي=واعزيبه العين الحزينه علـى فرقـاه
واعزي عتيبه كلها في ابن حرباشـي=قضا الله قضاه وماقضاء ربنا نرضـاه
وابا ابقى على وده مقيـم وطراشـي=وأقيف احتراماً كل ماعرضـت طريـاه
واسال الكريم اليا نشأ بأمره الناشـي=يسوقه على قبر العتيبي وينثـر مـاه
واساله اليا حاش المخاليق حواشـي=يعده من السبعه ويضفي عليـه ارداه
لزم خوتن ماهيب هرج علـى ماشـي=معزه وتقديـر وقضيـا لـزوم وجـاه [/poem]



مجاراة مطلق الحويقل ،،



[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
انـا البارحـه ويّـا التفاكيـر بهواشـي=سبايب كلامٍ هز قلبـي وجـاب أقصـاه
وخلاني اسهـر ليـن يبـدن الاغباشـي=وبانت نجوم الصبح والفجر حـان نـداه
وأنا كن ينهش ثومـة القلـب نهاشـي=اساهـر نجـوم الليـل يالايمـي عسـاه
ينوشه مـن اسبـاب المقاديـر نواشـي=ويبقى سقيم والمرض في جميع اعضـاه
أقوله ولا أسمع هرجة الخبـل والواشـي=وأفز لكلام الطيب اللـي سهـرت أقـراه
كلام السبيعي حـط بالـراس وشواشـي=وحرك مشاعر ضامـري قافـه ومعنـاه
بعد مانحشه مـن الصواديـف نحاشـي=وفارق صديق ليت كـل الرجـال حـلاه
صداقة وفا من قلب ابيض من الشاشي=بعد فارقه من زود حبـه عجـز ينسـاه
مشاعر محبـه مابهـا غـش غشاشـي=لعله يـدوم اللـي هـذا دايـمٍ مسعـاه
كلام ابن ملحم ريف مـن جـاه هتاشـي=كلام يتـرخ لاجـل مـن عقبنـا يلقـاه
كـلام يشابـه للذهـب عنـد نقـاشـي=بعد ماستوى يصعب على المشترين اشراه
بيوتن نوادر مابهـا هـزل واخشاشـي=نظمهـا نـوادر والعـزاء يمنـا نصـاه
يعزي عتيبه كلها فـي ابـن حرباشـي=وتـوج كلامـه بالنهايـه بزيـن دعـاه
وانا أقول هذا الفرق عن صحبة اللاشـي=يابين التفاخت بين بعض البشـر بينـاه
بعضهم معرفتهم كمـا طـاش ماطاشـي=تجي تنتهي مانال منهـا الرفيـق منـاه
وبعضهم معرفتهم كما المبلـغ الكاشـي=ليامن زهمته فـي لـزوم رفـع يمنـاه
عسى سبيع ماتبكي على الحر عماشـي=رفيق الرفيق ان ضامتـه بالقسـى دنيـاه
وعسى اللي رحل يلقى له ظلال وفراشـي=بجنـة عـدن لامـن كـلٍ لقـى ملفـاه [/poem]

بيض الله وجهك يا محمد
على هذا النقل الجميل .. وصح السان سحمان والسان مطلق
على هذه المرثيه وصداها



ورحم الله والد زميلنا الغالي / عفاس بن حرباش
واسكنه الفردوس الاعلى مع الشهداء والنبيين وحسن اولائك رفيقا !




اخووك !

[align=center]*


*


وعسى اللي رحل يلقى له ظلال وفراشي
بجنـة عـدن لامـن كـلٍ لقـى ملفـاه


آميـــــن


صح لسان الشاعر / سحمان بن ملحم السبيعي
وصح لسان الشاعر / مطلق خالد الحويقل


ورحم الله محمد بن حرباش المرشدي العتيبي واسكنه فسيح جناته


محمد السبيعي .,’ كل الشكر والتقدير لك على النقل الرائع[/align]

الله يرحمه ويسكنه الجنّه


وفاء لا يستغرب من اهل الطيب



لاهنت يامحمد على النقل




ودي وتقديري





...

الله أكبـر :)


مايبقى الا العمل الصالح والذكر الطيب :)


مشكور يابوفليان على هذا الموضوع ، والله يرحم محمد بن حرباش
ويسلم الحيين :)

سلام’ عليكم

اللهم آمين


مرثيه مؤثره يعلم الله


لا هنت يامحمد على حسن الاختيار

الله انه يتغمد ابن حرباش في واسع رحمته

ويبقي الذكر الطيب والعمل الثالح والابن البار


وهذي هي رفقه الخير على قول مطلق

[align=center]http://www.falntyna.com/img/data/med...1147585703.gif

يا محمد على نقل القصائد

والله يرحم محمد بن حرباش ويرحم جميع المسلمين

تحياتي لك[/align]

سلمت يابو فليان

وعسى الله يرحم ابو متعب ويسكنه الجنه ,,
مازال ذكره حيّ بالطيب والكرم والفعول الغانمه ,,

صح لسان :

سحمان بن ملحم و مطلق الحـويقل

ولايستغرب الوفاء من اهله ..

لاهنت على هالنقل

مع أجمل تحية يامحمد

صح لسان الشاعر سحمان بن ملحم السبيعي
وصح لسان الشاعر مطلق خالد الحويقل

والله يرحم محمد بن حرباش رحمه واسعه ويغفر ذنوبه


شكراً لك يا محمد السبيعي

وعليكم السلام ورحمة الله وبركاته
هلا اخوي محمد
الف شكر على هالنقل الرائع وصح لسان الشعراء
والله يرحم محمد بن حرباش ويغفر له ويرحم اموات المسلمين اللهم آمين

وعليكم السلام ورحمة الله وبركاته
هلا اخوي محمد

جزاك الله خير الجزاى على إيراد هاتين القصيدتين

سحمان ابو خالد رجل وفي من اوفيا وكان بينه وبين محمد بن حرباش

رفقه اخويه تجلت في قصيدته بعد وفات صديقه محمد

وماهو مطلوب سحمان السبيعي بعد وفاة ابن حرباش

ليس إلا الوفا وصدق المحبه لذالك الشخص

رحم الله بن حرباش

واطال عمر ابو خالد على طاعته

وصح لسانه ولسان الحويقل

الله يرحمه

محمد السبيعي

لاهنت

الله أكبر

كلام ورب البيت

صح لسان الشاعرين
والله يرحم محمد بن حرباش
ويطول بعمر عفاس واخوانه وعمرك وعمر الجميع
ولا هنت على النقل
شكرا يا محمد

رحم الله والد زميلنا عفاس بن حرباش واسكنه فسيح جناته

لولا وفاءه وطيبه المشهود ما مد له هذا الوفاء عبر هاتين الرثائيتين

صح لسان الشاعر سحمان بن ملحم السبيعي
وصح لسان الشاعر مطلق خالد الحويقل

ولاهنت يا محمد ،

اعزيبه اصحابه من الطاش للطاشـي
واعزيبه العين الحزينه علـى فرقـاه
واعزي عتيبه كلها في ابن حرباشـي
قضا الله قضاه وماقضاء ربنا نرضاه



يعزي عتيبه كلها فـي ابـن حرباشـي
وتـوج كلامـه بالنهايـه بزيـن دعـاه
وانا أقول هذا الفرق عن صحبة اللاشـي
يابين التفاخت بين بعض البشـر بينـاه


الطيب ينفقد وابو عقاب فقيده لاكن العوض في عياله اللي على الطيب متمربين /


قصيده ومجاراه ، والله انها من اجمل قصائد هذا القسم و مؤثره وصادقه من قلوب اخوّه فقدو اخيهم

الله يرحمه رحمه واسعه ويسكنه والمسلمين فسيح جناته


شكرآ يابو فليان

رحم الله والد عفاس


وصح السنت الشعراء



لاهنتم