منتديات المرقاب الأدبية - دمع كما حمر الخلاص اشتعاله لـ(محمد العرفج التميمي)

اسعد الله واقاتكم بكل خير

قصيدة للشاعر محمد العرفج التميمي اتمنى أن تجد مساحات الرضا من قبلكم .

[poem=font="Simplified Arabic,5,darkblue,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black"]
ياعين من فرقا المحبين هلي=دمع كما حمر الخلاص اشتعاله
نوحي وهلي وارعدي واستهلي=من ناظر ٍ ولم ٍ حقوق ٍ خياله
ومن الولع ومصارم الوجد تلي=من حاير المكنون فضي مجاله
هاتي وهلي ماذخرتي عن اللي=بدر الدجى ماله يشابه جماله
ذباح ينعش وان تبسم رضاً لي=وان صد واقفى حارق الجفن جاله
نفاح رز لوى الهوى لي هواً لي=والقلب يلبس من وصاله سماله
للروح شوفة سيد جيله تسلي=بالشف لو حالي حوت لام حاله
ابرد غليل الروح وانهل واعلي=من مبسم ٍ ماقد برد غل واله
زود هواي وذبله حيرن لي=يامن بطرد الغي ماقال قاله
حبه سجني بين رق ٍ وجلي=ياحي حيه من حليه لحاله
وان قلت هلا مثل مانيب اهلي=وان رمت حاله قال ياذا محاله
الله لحد رزنٍ لاحد مافطن لي=حي رحومِ يستحي من ظلاله
عذبت لاميت بالإجداث خلي= ولاحي يرجي حي لاما وصاله
مجمول مكمول الترف والتغلي=مدلول معسولٍ يفطر خياله
وضاح فضاح الستير المحلي=مزاح طياح التهادي سلاله
عجاب لعاب ٍ بالاوصاف حلي=لطف الحشا مثل الرشا في دلاله
نور ٍ على نور ٍ ونور بظلي=يسحب ثقيل الغي حاله وحاله
سل الضماير موض الاتراب سلي=وبراحة المشتاق باله عداله
غرو ٍ عن المطعوم هرجه يسلي=ويبهج حشا الظامي معسل زلاله
وخلاف ذا ماجاش بالجاش خلي=كثر الوله تكنى خفافه ثقاله
من هجر هجال التناصيح ذلي=شكواي لله عز من هو شكاله
وله الشكاية ياملا ثم للي=مثل الشهد عذب ٍ سعد من لجاله
وسمٍ ولو شان الدهر واشفحلي=زاد الندا بحر الندا بالندا له
غبط الرسا للضيف ريف المحلي=من جاه من ملقاه قدم هلا له
الليث أخو طرفه عن الشمس ظلي= يلقى الحيا من جاه محفٍ جماله
عمال بتال الهواجيس باللي=حاز القباله والرضا والسهاله
واجرتاه ان جر قلبي رجاً لي=ولاادركت ياقلبي منال ٍ تناله
سمح المحيا لو يراه المصلي=يامسندي ويش الديانة بلاله
ارياً مع اريا لو تجلد يزلي=يامنتهى الشكوى شكيت النيا له
يامسندي هو روح الاجساد كلي=اعزم وزم امر الشقا مايباله
من حاله اللي غلها زاد غلي=قم سر يافرز الوغى بالدوا له
وان قيل ياعيد المراميل ذلي=الوصل وصل يالقطامي حباله
يامن بطيحات الدهر مسنداً لي=تم الجواب وعندك المنتهى له[/poem]

لكم فائق احترامي وتقديري..!!