قلوب الاوادم
 

[align=center] قلوب الاوادم [/align]



[poem=font=",6,darkblue,bold,normal" bkcolor="silver" bkimage="" border="inset,4,skyblue" type=2 line=0 align=center use=ex num="0,black""]
لوتصدق قلوب الاوادم على الخير ‍ =ماحدٍ..شكى برد الزمان وهجيره
ولو الزّمن يرجع بنا يعكس السير = شفت القلوب الصافيات السريره
احلام .. كنت احلم وانا عمري صغير = وياكثر ما احلم بالليال المطيره
لين انصدم حلم الطفوله على غير = وتبدلت شكل الليال السفيره
ودخلت وقت المعمعه والمخاسير = وقت تموج به الخطوب الكبيره
وقتٍ به الطيّب يذوق التعازير = ويصيح بومه ويتنا هق حميره
صحيح منهم صادقين التعابير =للخير ... شرواكم .. تقود المسيره
بس اسمحولي ياوجيه المناعير =ماعاد دون المرهفات الشطيره
ولاعاد فيها اي عذر ٍ وتبرير = الاعلى فتح الكشوف الخطيره
المجتمع يبغى له اليوم تطهير =من ناس في حب المشاكل سكيره
اللي يبشر بالمشاكل تباشير = كنّه عقيم بشّروه بغريره
يحوم بالفتنه سواة المعاصير = يقدح فتايلها ويوقدسعيره
تاخذ من اوصاف السنتهم صواطير = فـ ابوه والا اخوه والاقصيره
عنده على زلاّت نفسه معاذير = وعينه على زلاّت غيره بصيره
وناس ليا جيته يفز بك ويطير = وتقول ماودي تعرّفت غيره
ولا اقفيت شغّل في ظهرك المناشير =وكمّل على اللي باقيٍِ بالذخيره
وسط المجاس مثل صوت المواطير = كنّك تفرّج في قناة الجزيره
يامال فرقى هالوجيه المغابير = بئس العشير وبئس من هوعشيره
وناسٍ ترزّ خشومها خير ياطير =كنّه ملك حاكم على كل ديره
من جا يسلم بس حشمه وتقد ير=يعده بضمن النفوس الصغيره
وش انت ياللي شفت نفسك على الغير =عبدٍ ضعيف بوسط دنياًحقيره
والثّور يرضى لالقى حفنة شعير =والاّ مرده للبقر والحضيره
والحرّ مايرضى طعام الخنازير = ولاينثني دون النجوم المنيره
قلته وقولي مايبي اي تفسير = كلٍ له بدايه وغايه وسيره
يعض العرب يمناه تستخسر الخير = وبعض العرب يحرجك من زود خيره
وبعض العرب لرضاه تدفع دنانير = وبعض العرب لامن زعل منك خيره

وسلامتكم[/poem]


[align=center]وسلامتكم[/align]

الله يحييك يا منصور الحبيل


قصيدة اجتماعيه ( مليانه )

كشفت الحالات المريضه في مجتمعاتنا بإتقان شاعر متمكن


تاخذ من اوصاف السنتهم صواطيـر
فـابـوه والا اخــوه والاقصـيـره

عنـده علـى زلاّت نفسـه معاذيـر
وعينـه علـى زلاّت غيـره بصيـره

الله يبعدنا وياك عن هالنوع السقيم


صح لسانك مدد وسلمت ،


..

ياهلا ومرحبا يامنصور


ماقلت الا الصحيح

صح لسانك

ابدعت والله يصلط على الرديان


تقبل مروري

صح لسانك يامنصوووور وجزااااك الله خير على القصيده والموعضة النقية


وحياااااك ومرحبااااا بك


تحيتي لك

منصور الحبيل

انت مبدع والمبدع لايستغرب الابداع منه

الله لايهينك

واللي اقدر اقوله اجاه هالشامخة

الله يبيض وجه مهندسها وشاعرها المبدع

منصور الحبيل

تقبل تحيات اخوك واجدد متابعتي لك

صح لسانك ,, هنا تصوير حي ,,لله درك

تحيتي,,,

صح لسانك واعتلا شانك


رائعه بروعة حضورك
لا عدم

.
.

المجتمع يبغـى لـه اليـوم تطهيـر
من ناس في حب المشاكـل سكيـره
اللـي يبشـر بالمشاكـل تباشـيـر
كنّـه عقـيـم بـشّـروه بغـريـره
يحـوم بالفتنـه سـواة المعاصيـر
يـقـدح فتايلـهـا ويوقدسعـيـره


الله يريحّ الناس منهم يامنصور
وصح لسانك ملايييين يامبدع


تحيتي لك
.
.

الله الله

صح الله لسانك ولا هنت على ذا الابيات الطيبة

وفقك الله