حَمَدناك يا رَبٍّ خَلَقنا سعودييِن
 

بعون الله تعالى
نحن عبدالله بن عبدالعزيز آل سعود
ملك المملكة العربية السعودية
وبناءً على ماتقتضيه المصلحه العامّه:
أمرنا بما هو آت:
أولاً : يُعين صاحب السمو الملكي الأمير نايف بن عبدالعزيز وزير الداخلية نائباً ثانياً لرئيس مجلس الوزراء.
ثانياً : يبلغ أمرنا هذا للجهات المختصة لإعتماده وتنفيذه.
عبدالله بن عبدالعزيز

^
^

يُعيَّن وزير الداخليه بما يزهاه
,,,,,,,,,,,,,,,,,,, من تاريخ (واحد, أربعه) ينفذ التعيين

أمَر خادم البيتين تنفيذ ما أعلاه
,,,,,,,,,,,,,,,,,,, ثقه جات في موثوق من خادم البيتين

الرجل المناسب, والمكان المناسب جاه
,,,,,,,,,,,,,,,,,,, وِنايف كَفو , قول وفعل فيْ القسا واللين

ثقه والثقاة إلْهم مكانه ووجه وجاه
,,,,,,,,,,,,,,,,,,, صِنّاع القرار اِمثبّتين الحكم بالدين

إلى النائب الثاني يمدّ الوطن يمناه
,,,,,,,,,,,,,,,,,,, وتمد اليمين الثالثه عهد للثنتين

مع يمنى الملك, يمنى ولي العَهَد تبراه
,,,,,,,,,,,,,,,,,,, ويمنى نايف البيضا معه والدروب يمين

تكاتف, وجهد, وبذل ماتملكه واغلاه
,,,,,,,,,,,,,,,,,,, مغلين المواطن حب واِلـ شعبهم غالين

يانايف وتستاهل رفيع الشرف واَسماه
,,,,,,,,,,,,,,,,,,, سجاياك تشمخ بالفخر لين علّيين

وتمدّ السما لمصافَحَك غيث من منشاه
,,,,,,,,,,,,,,,,,,, والاَرض اعشبت واربع جهاتك تشوفك زين

تشوف اِنّك اَمن اِحدودها والبلد تحماه
,,,,,,,,,,,,,,,,,,, شمال وجنوب وغرب والشرق عين وعين

عيونك يانايف ساهره في سبيل الله
,,,,,,,,,,,,,,,,,,, جزاك الأجر..ويطول عمرك بخير سنين

معَك سيّدي واصل, وهاذا الوطن نفداه
,,,,,,,,,,,,,,,,,,, عَهَد والعَهَد بـ ارقابنا ماحييِنا ديَن

وحنا سعوديين والفضل ما ننساه
,,,,,,,,,,,,,,,,,,, حمدناك ياربٍّ خلقنا سعوديين

نعيش الفخر, والمجد طول الزمن نحياه
,,,,,,,,,,,,,,,,,,, ليا صارو آل سعود حيّين متعافين

وبحْر الخطر من دونهم واعمقه واقصاه!
,,,,,,,,,,,,,,,,,,, نخوضه من اقصى الغرب حتى حدود الصين

ورَثنا الولا طبع السلف ثمّ وَرّثناه
,,,,,,,,,,,,,,,,,,, بَعَدنا بدمّ اعيالنا لين يوم الديِن

ورَثنا الولا طبع السلف ثمّ وَرّثناه
,,,,,,,,,,,,,,,,,,, بَعَدنا بدمّ اعيالنا لين يوم الديِن


الله يعطيك العافيه ياعبدالرزاق

الف صح لسانك


والف تحيه

بعون الله تعالى
نحن خالد بن حميد الذيابي الروقي العتيبي
شاعر هاوي للشعر واحد اعضاء هذا الصرح
وبناءً على ماتقتضيه المصلحه العامّه :
أمرنا بما هو آت:
1- صاحب السمو الملكي / نايف بن عبدالعزيز
كفو للمنصب الذي يتولاه فهو ذرا وحامى حما الامن والشعب السعودي
2- دعواتنا للنائب الثانى بالصحه والعافيه وان يمد الله بعمره على طاعته وان يصلح له البطانه
3- الشكر الجزيل لشاعر الوطن الشاعر عبدالرزاق الذيابي صاحب الوجه الابلج
والقلب الغيور والصوت الشجي الذي يدغدغ الاذاني


ص/ لكل من يهمه الامر
ص / للشعر لرفع قبعه الاحترام لهكذا شعور

تحياتي

حجز يا مبدع يليق بالامر السامي والابداع الشعري :)

شعر نايف وفي نايف وانت نايف !!!!!

بارك الله فيك
قصيدة جميلة ووافية

مروري

ابو هاني

تشرفت بقراءتها يوم في جريدة عكاظ يوم امس

قصيدة من الروائع قيلت في من يستحق الثناء والاحتفاء

تحيتي وتقديري واعجابي المتجدد يامبدع

الله يطوّل اعمارهم


ابداع ووفاء غير مستغرب الله يزيدك من فضله يا عبدالرزاق


صح الله لسانك مدد وسلمت

((خير من اختار))

صح لساانك يا الذيابي


تحيتي,,,,,,,,,,,,

مشاء الله


عبدالرزاق الذيابي


بيض الله وجهك على الابداع


وصح لساك واعتلا شانك ولاهنت



:)

استاذي عبد الرزاق الذيابي



شاعر مبدع وقصيده ولاء وفخر وثناء من اجمل مايكون



تشرفت بقرأتها وها أنا اقرائها هنا وهي لا تقل توهج عن القرأة الأولى



صح لسانك ولا هنت يالمبدع


تحيتي لك

صح الله لسانك ياعبد الرزاق

وعسى الله يتم علينا نعمة الامن والامان

بضل قادتنا وحكامنا

ولاهنت

ياسلام الله عليك يا سابك الذهب

نعم الشعب .. ونعم الشاعر

صح لسانك مدد يا عبدالرزاق ولاعدمناك ،

..

الله لا يضرك يا عبدالرزاق وهذي عوايدك وكل طيب والممدوح يستاهل المنصب والقصيدة

صح الله لسانك ولا هنت

بالتوفيق

صح لسانك .. وسلم بنانك

ولا هنت على هذا الإبداع

ويستاهل النائب النائف كل الخير



تحيااااااتي


..

مرحبا ياعبدالله العتيبي

وشكراً لمرورك


تحياتىىىىىى لك

.
.
نعيش الفخر, والمجد طول الزمن نحياه
,,,,,,,,,,,,,,,,,,, ليا صارو آل سعود حيّين متعافين

وكانت كالنور في جريدة عكاظ
صح لسانك ياعبدالرزاق وإبداع غير مستغرب
نايف ونايفه من نايف


تحيتي لك

.
.

الله لا يضرك يا عبدالرزاق وهذي عوايدك وكل طيب والممدوح يستاهل المنصب والقصيدة

صح الله لسانك ولا هنت

بالتوفيق

مرحبا ياخالد الذيابي

وشكراً لمرورك العذب

تحياتىىىىىى لك