حبل المطيه ملتوٍ برقبتها
 

اخر الجديد عسى ان ينال رضاكم
موجهه للاخ الغالي والشاعر القدير زميلنا ناصر الحربي عساها تنال رضاه
[poem=font="Simplified Arabic,5,black,bold,normal" bkcolor="transparent" bkimage="backgrounds/17.gif" border="none,4,gray" type=2 line=0 align=center use=ex num="0,black""]
ياناصر بن دليم وش تاليتها=عقب التجمع فرقتنا التكاسي
حبل المطيه ملتوٍ برقبتها=بخطامها للحين لو مانت ناسي
احمولها من ثقلها فازرتها=ومن طاح منها مايطيح متواسي
الها ثلاث سنين عقب بركتها= ماتلبس الا من صغير المقاسي
ذيك المرابع بالفياض تركتها=وشدادها حطت مكانه كراسي
عجل ترى صيداتها بشبكتها=والوضع كنه صار فيه انتكاسي
ذلولنا كم ليلةٍ لا سرتها=ماتصبح الا فالمقر الاساسي
كم خطوةٍ يمك ويمي مشتها=ونلنا بها فالعد رقمٍ قياسي
رفقة نقى مبروكةٍ بثمرتها=اجلها واحطها فوق راسي
دنياك لو تصفي تثور غبرتها=مضرابها لاركت على الكبد قاسي
خلقٍ تعمرها وخلقٍ محتها=والها على كل المواني مراسي
تزول ماكن الخلايق حيتها=تسكن وتهدا عقب ذيك الحساسي
الله يكافينا خفي حركتها =لاجالها بين الخطوط التماسي
يارب طالبك الرضا باخرتها=ياجاعلن كيد الشياطين خاسي
[/poem]

يا مرحبا ومسهلا يا عبدالله

ويا حلو هالاسناد اي والله

قاف محكم وشاعر يعرف كيف يكتب الشعر بابهى صوره

بانتظار رد الاخ العزيز ناصر الحربي

وصح لسانك عدد حروفها ،

..

الشاعر الكبير سداح

صح بدنك

وعلى شانك

لاهنت

مرورك توثيق للقصيده

تحيتي لك

يا سلالالالام يابو عابد
وقصيده مليانه
وصح اللسانك مدد ، وننتظر الحربي
:
)

أبدعت وأمتعت .. لله درك

صح لسانك .. ولا هنت

ابو بدر

لاجديد الا الجزاله والحكمة والاختيار المميز

صح لسانك ياابوبدر ولله درك

قصيدة جميلة ومميزة ويزيدها تميز اسنادها لشاعر

بحجم الشاعر ناصر الحربي احسنت الاختيار

واللي اقوله ياابو بدر اقول يخليك ربي

وتقبل تحيات اخوك

ذلولنـا كـم ليلـةٍ لا سرتـهـا
ماتصبح الا فالمقـر الاساسـي


يا سلام عليك ابدعت الله لا يضرك وقصيدة تستحق القراءة

صح الله لسانك ولا هنت .. بالتوفيق

الله الله ياعبدالله

صح لسانك على هذه الرائعه

أبدعت فيما نظمت

المرشدي عبدالله



ألف صح قلبك وفكرك ...



مبدع .. وحضورك جدا جميل ..




إعجابي .. غلااااااااي



م ن

عبدالله المرشدي



صح لسانك مدد .. ولا هنت



تحياتي

صح لسانك

تحيتي

محمد بن مشوط


صح بدنك

وعلى شانك

لاهنت
تحيتي لك

يا سلام على البدع يا عبدالله

وبإنتظار السمي

صح لسانك مدد

صح لسانك

يابو بدر

وبيض الله وجهك

ووجه ناصر الحربي

وننتظر رده

ضيف الله الغنامي


صح بدنك


لاهنت

تحيتي لك

ذلولنـا كـم ليلـةٍ لا سرتـهـا
ماتصبح الا فالمقـر الاساسـي
كم خطوةٍ يمك ويمـي مشتهـا
ونلنا بها فالعـد رقـمٍ قياسـي



المرشدي عبدالله / شاعر جزل بلاشك وتستحق كل المتابعه لاهنت لاهنت لاهنت