مساكم الله بالخير
اقدم لكم هذه المتواضعه التي تشرح نفسها متمنيا ان تحوز على رضاكم

[poem=font="Simplified Arabic,4,seagreen,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياهجوسي بديت القاف بسم الله=عالم الغيب رب الكون سبحانه
ساعديني على الطاروق والشله=فكري ان هاض كل الشعر ميدانه
يمشي الوقت والعله هي العله=والمداوي يقول الكبد مرضانه
يعني آقول عقده مالها حله=مات أبوزيد من سيفه على حصانه
هذا دق الخبر واسمع معي جله=الرساله تصل كل ٍ بـ عنوانه
عام الاول رخيت الحبل للشله=ماحسبت القشر يطلق لي عنانه
راعي الزير دق الزير فالحله=والحنش قام يلعب لي بلسانه
ان سكتنا يطق العرق بمحله=وان هرجنا صدور الغيض مليانه
ماضرينا مع الايام بالذله=نجد يشهد لنا وتقول ضلعانه
مار انا ادرى عن المنقود ياهل الله=استر الخاينه مااقول خوانه
ليتها ياجماعه غلطه وزله=البلا الذيب ينهش كيف ذرعانه
مات عرق الصداقه ماحد ٍ بله=والمطر سيّل الوادي وشعبانه
ماعرفنا لهم مذهب ولامله=يتبعون المغني دان يادانه
شجرة العز عاشت عاشت مظله=لو جحدها قليل العرف واخوانه
(لو صحيبك عسل لاتلحسه كله)=مافهمها عشير ابليس واعوانه
كم نصحت السليم وقلت له خله=قبل نفسك بدور الحول جربانه
مار ماطاعني وازداد بالغله=لين عاف البحر دره ومرجانه
العمى يتبع الاعور ولادله=فوق ريش الغراب وسود جنحانه
المصقّل على الاثنين ماسله=ياكل الغبن فـ الايام خلانه
ياضميري حماك الله من الخله=كل رجل ٍ عطيته قدر ميزانه
[/poem]