مخرج 3
السلام عليكم ،
بويتات بسيطه طرت وجرت .. [poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""] يا مخرج 3 عقب دار الزمان ومال=على الدايري يا ليت ما شفت لك لوحه لمحتك وأنا سالي وفي طرقتي رحّال=ودقّ الجرس في صدري ونقّض جروحه يا ليتك مجرد لوحه وكبري ومدخال=ولا لك من الذكرى مسارات مفتوحه بديت أستعيد اللي مضى وأفتح الاقفال=عسى نعمة النسيان ماهيب مذبوحه علاقه وزالت مير تأثيرها لازال=أكابد نتايجها والأشواق مسموحه تخاطف عيوني كيف أحيل الغلا وأحتال=ولي عين مستوره .. ولي عين مفضوحه ! علشان من حطّت في قلبي لها منزال=تعلّت عروشه وأبتدت تهدم صروحه لها بالوصوف الفارقه مضرب الأمثال=ذكيّه ولمّاحه وحلوه و مملوحه تمازحني وترمي عليّ المزوح أشكال=وأسيرّ لها قلبي بجدّه وبمزوحه تقول أنت شاعر والمشاعر على ما قال=ما باقي تغنيّ غير في حيّ منفوحه ! سقى الله قصيد ٍ كان في حبّها يختال=أغطيّه بوشاح المحبيّن وأشوحه قضينا وبأحكام القضاء تقنع العقـّال =وكل ٍ عن الثاني سحب روحه بروحه لوّ أن الجفاء قاسي يهون الجفاء لا طال=عسى الله يوفّق كل مسلم لمصلوحه أبدفن محبّتها تحت هيبة الرجال=وأبدعي لها وتروح بالستر مبيوحه عساها تدوم بخير وتعيش بأحسن حال=وتبادلني الدعوى والأعمار منقوحه عليها السلام ورحمة الله من الأهوال=ومن شرّ وقت ٍ يعترضها بساموحه[/poem] وسلمتوا ،، |
1
1 1 1 1 |
2
لا هنـــــــــت ولي عــــودة تليــــق .. <><><><><><><><><><><><><><> |
حجز يادكتوور
|
لاهنت لاهنت لاهنت
وصح لسانك يالغالي...دكتور شعر ما تحتاج شهادة... مدري وش أقول أمام هذا الشعر الراقي لكن....بيض الله وجهك وبس... تحياتي... |
لها بالوصوف الفارقـه مضـرب الأمثـال
ذكيّـه ولمّاحـه وحـلـوه و مملـوحـه تمازحني وترمي علـيّ المـزوح أشكـال وأسيـرّ لهـا قلبـي بجـدّه وبمـزوحـه تقول أنت شاعر والمشاعر على مـا قـال ما باقي تغنيّ غير فـي حـيّ منفوحـه ! الشعـر بخيــر بوجـودك يالدكتـور . دمت لنا . صح لســانك . |
حجز ولي عوده
لهذا الإبداع وبيّض الله وجه من حط هاللوحه ولاشالها اللي حرّكت قريحتك يادكتور |
إنها الأطلال يا سداح
يا ما مالها ويا معلينا دائما ما تتسلل إلى الأرواح دون أستئذان لا ألومك |
الدكتور / سداح ما ادري وش اقول :) مار اسمح لي بهالبويتات كتعليق [poem=font="Simplified Arabic,6,blue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""] عسى كل ما مريت يا صاح بالاطلال = يسيّر عليك الهجس لو طالت شبوحه تهيّض ومعك تهيّض ويصمت العذال =على المخرج الثالث بجيّتك والروحة يدور الزمان ويشهر الحق في الاقذال =لو البين منه قلوب الاحباب مجروحه على السلم الأول حفظ الاسرار عال العال = و اشوف القصص في تالي الوقت مشروحه[/poem] لسانك ما ينلجم ويمينك ماتنشل يا دكتور والشهادة مفروغ منها دمت بخير |
الله اكبر الله اكبر
ماشاء الله عليك والله لايضرك يالدكتور صح لسانك ولن نمل هذا الاسم |
من مخرج 3 ( مدخل الفكرة ) إلى ( الفكرة نفسها ) وصولاً ( بالقفلة )
التي أزاحت الوجس وأراحت النفس .. قصيدة متوغلة .. وأقسم أنها ( لامست ) الإحساس .. لله درك لله درك لله درك اعجابي ، |
وعليكم السلام ورحمة الله وبركاته . . انت يا دكتور
والله انها اثرت على اخوك . الله لا يضرك اكبر من كلمة مبدع يا سداااح تقديري |
يا سداح الله يرج بليسك
اعدتنا للمخارج (1 - 2 - 3 ) بهذا النص الرائع تحيتي لك |
يا ليتك مجـرد لوحـه وكبـري ومدخـال
ولا لك من الذكـرى مسـارات مفتوحـه ( الله يسعد الذكرى ) اللي استفزتك يا سداح ، قضينا وبأحكـام القضـاء تقنـع العقّـال وكل ٍ عن الثاني سحـب روحـه بروحـه هنا اقول للشعر / هنيآ لك بـ سداح :) صح لسانك كبر جبله |
بديت أستعيد اللي مضـى وأفتـح الاقفـال
عسى نعمة النسيـان ماهيـب مذبوحـه علاقـه وزالـت مـيـر تأثيـرهـا لازال أكابـد نتايجهـا والأشـواق مسمـوحـه تخاطف عيوني كيف أحيل الغـلا وأحتـال ولي عين مستوره .. ولي عين مفضوحه يا سلاااااااااااااااااااااااااااام عليك دمت بكل ود يا دكتور الذاثقة سدااااااااااااااااااااااااح تحياتي |
لله الله ياسداح
قصيده عن الف قصيده لله درك من مبدع صح لسانك وعلا شانك يالغالي |
لله درّك ياسداح
لله درّك كبير وااافي دوم .. ماتجيب الا الوافيه بيض الله وجهك عشت تفاصيلها من مخرج 3 الى ماوراها ودونها :) سلمت ودام راسك أخوك |
لله درّك ياسداح
لله درّك كبير وااافي دوم .. ماتجيب الا الوافيه بيض الله وجهك عشت تفاصيلها من مخرج 3 الى ماوراها ودونها :) سلمت ودام راسك أخوك |
الله الله يادكتوووووووور دكتووور شعر صح يركبها كما يريد
الف صح لساانك يااعلم حلووه ياااخوي لو انه فيها شي من الفرقااااااااااا مير الله يقطع بعض المفاارق والدوراات ومالى ذلك كانها نووب تنكبك الف صح لسااانك الف والف |
اقتباس:
تسلفني هالقصيده يا سداح ... :) ما شاء الله تبارك الرحمن والله انها دره دره دره وتدخل القلب على طوووووول صح لسااااانك مليون مليون مليون ولا هنت اعجابي بها كثر تأزيم الحكومه الجديده :) |
صح لسانك يا سداح
استمتعت بها يعجبني شعرك حتى الثماله مودتي |
EXIT 3 لا .. جديد في كسب الإعجاب ، لإنّه .. سدّاح . ! ! بوقفة على الأطلال .. التي تذكرها عندما مرّ بها .. كانت البداية . يا مخرج 3 عقب دار الزمان ومال=على الدايري يا ليت ما شفت لك لوحه وهنا ومضة فلاش ، رائعه .. بحيث كان دقّ الجرس .. في الصدر ولم يكن السياره .! لمحتك وأنا سالي وفي طرقتي رحّال=ودقّ الجرس في صدري ونقّض جروحه ولإنّه نقّض الجروح .. كانت هذه الأمنيه : يا ليتك مجرد لوحه وكبري ومدخال=ولا لك من الذكرى مسارات مفتوحه لإنّه أعاد الذكرى .. بديت أستعيد اللي مضى وأفتح الاقفال=عسى نعمة النسيان ماهيب مذبوحه علاقه وزالت مير تأثيرها لازال=أكابد نتايجها والأشواق مسموحه تخاطف عيوني كيف أحيل الغلا وأحتال=ولي عين مستوره .. ولي عين مفضوحه ! كانت هذه القصّه بإختصار .. وذكراها سبب معاناة الشاعر .. التي حركها عليه المخرج .!! علشان من حطّت في قلبي لها منزال=تعلّت عروشه وأبتدت تهدم صروحه لها بالوصوف الفارقه مضرب الأمثال=ذكيّه ولمّاحه وحلوه و مملوحه تمازحني وترمي عليّ المزوح أشكال=وأسيرّ لها قلبي بجدّه وبمزوحه تقول أنت شاعر والمشاعر على ما قال=ما باقي تغنيّ غير في حيّ منفوحه ! تصريح عشق ، أزلي .. لمعشوقة أبدع الشاعر في وصفها ، الجميل . سقى الله قصيد ٍ كان في حبّها يختال=أغطيّه بوشاح المحبيّن وأشوحه كانت ملهمة الشاعر ، وكان القصيد لها .. ولكن ... قضينا وبأحكام القضاء تقنع العقـّال =وكل ٍ عن الثاني سحب روحه بروحه قضينا ، احكام القضاء .. جميل هذا الإيراد ، قضينا .. لإنّه القضاء .. والإيمان بالقضاء .. لابدّ منه . وكل عن الثاني .. سحب روحه بروحه ، الله الله الله .. لإنّه الفراق . لوّ أن الجفاء قاسي يهون الجفاء لا طال=عسى الله يوفّق كل مسلم لمصلوحه أبدفن محبّتها تحت هيبة الرجال=وأبدعي لها وتروح بالستر مبيوحه عساها تدوم بخير وتعيش بأحسن حال=وتبادلني الدعوى والأعمار منقوحه عليها السلام ورحمة الله من الأهوال=ومن شرّ وقت ٍ يعترضها بساموحه رغم الحب الكبير .. وماتبعه من جفا وفراق وبعــد .. لكن المعدن الأصيل تجلى هنا . ابدعي لها وتروح بالستر مبيوحه . سدّاح ، أهنئ أنفسنا لإننا نقرأك قبل الكل ، ولإننا نستمتع بإبداعك ونتعلم دائماً لله درّك ، وصحّ لسانك مليون . |
| جميع الأوقات بتوقيت GMT +3. الساعة الآن 04:51 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية