حارة الأغزام،،،،،،،
 

السلام عليكم ورحمة الله

مساكم الله بالخير

متواضعه تتمنى منكم القبول




[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
وش الحال ياللي تمدح الوقت عام وعام=بعد مارماك الحظ في موجه الطامي
ياسلطان ماحدٍ سلم من صكة الايام=لويعيش عمر شعيب في المركز السامي
وترا واحدٍ مايعتبر من بعد صدام=علي رفقة إنه من بهيمات الأنعامي
تدور السنين ونكبر وتكبر الاحلام=نعيش بأمل في ظل تحقيق الاحلامي
ولكن قد قال المثل للضروف أحكام=وانا اخاف تاتي رمية مالها رامي
دخلت الشعر مع بابه العوود من قدام=وسوت لها تاريخ في الساحة أقلامي
معي هاجسٍ ماهو يفكر بالأستسلام=تنام الهجوس وهو مواصل ولانامي
ياكم لوحةٍ من زينها تبهر الرسام=رسمها وعلقها على صدره وسامي
وتجولت في الساحه وعندي ثقه وإلمام=وتعديت لي ناسٍ على الدرب قدامي
وكشفت آخر الصيحاات في لعبة الإعلام=تضبط علاقه تضمن النفخ الإعلامي
أجل..لي ثلاث سنين هجني تدوج حيام=على جال(عدٍ) ماهو بيروي الضامي
وساع المناحر ماتوانا من الدرهام=يراهن عليها كل من مرجعه يامي
مفاريدها ياقوم يا(شوده)(ولطام)=وش يكون فعل جذاعها لأحتمى الحامي
طلع صيتها في كل مضمار شرق وشام=تقود الأصايل راس في كل درهامي
نهار التحدي قسمها خيرة الأقسام=الأول لها محكور من بين الارقامي
مطيعات تمشي كل وحده بدون خطام=عليها النظر منا ومناك مترامي
عن(العد)ربي عاضها كافل الأيتام=روت من عدودٍ دونها البعد متحامي
مادامه غدى محكورلمحمد وبسام=فلاني بنادم لو بقت هجني حيامي
عيونه ماتسقي خمس روسٍ من الأغنام=ولا جاء لذود البدو فوقه تزيحامي
تعديت ماوقفت في ( حارة الأغزام )=وسقت الرجل واصيد صيدي من حزامي
طوال الدروب أدلها وأتعب الأقدام=وإلى ثقل حملي مايشيله سوى عظامي
وبعد ماصعد طير السعد في سماه وحام=بقى البوم له وسط الخرابه تهمهامي
قديم البنادق غير صالح للإستخدام=مايقدر يثور وثورته تصرع الرامي
لو أن فيه نقش وفيه لمعه ومعه حزام=يخيب هقاوي ناقله لازمى الزامي
هذي هي بداية نشرتي والسلام ختام=والأخبار بالتفصيل بيجي لها زامي
[/poem]

وسلامتكم

راشد
ثق وانا اخوك ان الشعر الجزل يصل
وليس بحاجه لتلميع الاعلام
نص يصور حاله الساحه الشعبيه
التى اصبح الكل بها شاعر
الان وقت افتح فمك يرزقك الله
هنا نص جزل من شاعر جزل
كفو ياصبي يام
ولك الود

صح لسااااانك عزالله انك تقدحها من فكر صافي لله درك


تحيتي لك

معي هاجسٍ ماهـو يفكـر بالأستسـلام
تنام الهجوس وهو مواصـل ولانامـي



صح لسانك يا راشد ولاهنت

جزله ورائعه ..



دمت بخير ،

أجل..لي ثلاث سنين هجني تدوج حيـام على جال(عدٍ) ماهو بيـروي الضامـي
وساع المناحر ماتوانـا مـن الدرهـام يراهن عليها كل مـن مرجعـه يامـي


كفو يابن فلوه

أشهد لله انك ابدعت يامبدع

صح لسانك ملايين

أخوووووك

تدور السنين ونكبـر وتكبـر الاحـلام /// نعيش بأمل في ظل تحقيـق الاحلامـي


الله يسعد صباح الشعر

ابدعت وامتعت ياراشد

سلامي عليكـ

راشد


صح لسانك مدد .. ولا هنت



تحياتي


..

معي هاجسٍ ماهـو يفكـر بالأستسـلام
تنام الهجوس وهو مواصـل ولانامـي



صح لسانك يا راشد ولاهنت

جزله ورائعه ..



دمت بخير

خالد الذيابي

صح بدنك

وانت صادق إن الجيد يفرض نفسه

ولكن لاتنسى إن العلاقات لها دور كبير في كل شي

لاهنت على المرور وبيض الله وجهك

محمد الايداء

صح بدنك

بس تكفى ياخوي أذكر الله هههههههه

شرفني مرورك.

مناحي

صح بدنك

لاهنت على المرور .

راشد


صح الله السانك وعز الله انك شاعر وفارض نفسك

اعجابي

محمد بلال

صح بدنك

بيض الله وجهك على مرورك ولاهنت.

عبد الرحمن

مرحبا بك

صح بدنك ولاهنت ع المرور

مشعان البراق

أرررررحب

يالله حيه...زام بيجي في وقته المناسب انشالله

يسعدني مرور أمثالك بيض الله وجهك ولاهنت على مرورك

تحياتي وتقديري.

الله الله

راشد

صح لسانك مدد
لا هنت

علي بندر

الله يسعد جميع أوقاتك

لاهنت عزيزي ع المرور المميز.

عبدالله بن علي

صح بدنك

ولاهنت على المرور

بيض الله وجهك.

مطر العضياني

صح بدنك

أسعدني مرورك لاهنت.

ياسلطان ماحدٍ سلم مـن صكـة الايـام

لويعيش عمر شعيب في المركز السامي




يا سلااااااااااام يابن فلوه




شعر جزل
جزل
جزل

وابداع غير مستغرب



صح لسانك ولاهنت