ألاد عاااضي....
 

بسم الله الرحمن الرحيم


والحمد لله والصلاة والسلام على اشرف الأنبياء والمرسلين أما بعد :

السلام عليكم ورحمة الله وبركاته

هذه قصيدة قلتها في ليلة صيفية زانها اجتماااع الأحبة من مختلف الأقطار في

منطقة نمران الواقعة بالقرب من أم الدوم في حفل زواج الشابين ...

شجاع ذعار سمران المتيهي ... وعالي ذعار سمران المتيهي ... وأتمنى ان تحوز

على رضاكم:


[poem=font="Simplified Arabic,5,black,normal,normal" bkcolor="transparent" bkimage="" border="double,4,gray" type=1 line=0 align=center use=ex num="0,black""]
ياهاجسي طالبك جملني على درب الجميل=أنا ذوي سمران أقدرهم لهم عز وقدر

ياليل ياللي فيك بادي نور للجدي وسهيل=أنا أشهد إنك ليل ما تنعاد فيحت الصدر

حشمة لأبو فيصل ومن عنده من الوزن الثقيل=سلام عد بروق الأمزان وعدد وبلٍ حدر

جينا على الدعوى خطانا تطوي الدرب الطويل=نمشي على وصفٍ يقدينا تحت ضو البدر

نبي البيوت اللي تفوح بريح بن وريح هيل=اللي على أرض الجود والطالة لها ساس وجدر

فيها ذرى العاني ليا شا الله ومزبان الدخيل=واللي تكدر خاطرة عن خاطره تجلا الكدر

ألاد عاضي يوم شب النار في خشم الفتيل=يا سعد منهم فزعته بالنصو ما هو بالغدر

والله يتتم للعريسين بعطا العيش الجزيل=والله يجنبهم بتقديره من صدوف القدر
[/poem]


وسلامتكم

الله الله

صح لسانك لين ترضى

وافي والاد عاضي يستاهلون

لا هنت

تعجبني ياعبدالاله بالتزام القافيه الأخيره " ادر "
وهذا دليل على إلمامك بارك الله فيك :)



ثم آلاد عاضي كفو ، ومحدك في متسانه ..

بس أعجبتني النصو !



تحيتي :)

صح لساااانك

تحيتي

عبدالاله المقاطي
يستاهلون وانت ماقصرت وابيض وجه
صح لسانك

تقديري الجمّ

يستاهلون الاد عاضي

وانت كفيت وماعليك زود ياالجزل

تقبل تحياتي

ألاد عاضي يوم شب النار فـي خشـم الفتيـل
يا سعد منهم فزعته بالنصو مـا هـو بالغـدر


ونعم مليون ولا يكفون





صح لسانك يا عبداللاه ولاهنت عز الله آلاد عاضي يستاهلون



وانت ما قصرت يابن الكرام





اصدق التحايا

صح بدنك

شورفني مرورك.

صح لسانك



دمت بخير

مبروك للعريسين

ووالله والف نعم بالمادح والممدوحين

صح لسانك ياعبد الاله ولاهنت ياغالي

محبتي واحترامي

اخوك