>>>جروح بلآ ضمآد<<<
 

بسم الله الرحمن الرحيم

يشرفني أن أكون عضو بسيط من ضمن هذه الكوكبه الفكريه الراقيه شعراً وأدباً
وكما يشرفني أيضآ بإن أقدم لكم هذه المتواضعه كــ عربون صداقه وتعارف ..




إليــــكم ,,,






/





\



[poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
البارحه هبت على الأفكار نود=انسامها نفحه من الجوري وكاد

ساقت عليّه ديمةٍ تنثر ورود=ورفت عيوني بعد ماطال السهاد

في ليلةٍ ترقا بي اشعاري سنود=منها تجاوب هاجس حروفي وعاد

من عقب ماضنيت بإنه مايعود=صدمه وعدت والجروح بلا ضماد

مرت عليّ ايام شفت البيض سود=واسرارهــا علامــها رب العــباد

تسابقن حروفي الشرّد وفود=لامن كتبت الــبيـت جنّي بإزديـــاد

خيم عليّ الشعر في لحظة ركود=مدري ركود إعجاب وإلا الشعر ساد

اسج واسرح في خيال بلا حدود=كل مابغيت اوصل نهــايه فيه..زاد

اطرد سراب افكار واوصلها وازود=واحط لي فــيها عــلم وابني بـــلاد

نسيت بإني فرد في هذا الوجود=تشيب بي فكره والأخرى في المهاد

احيان احس بداخل إحساسي جمود=واحيان حسي ينقدح مــنّه زنـــاد

اروي كبودٍ ضاميه واجرح كبود=واكتب على كف العتب ياويش عاد

افضل مشاعر لااعترض قدمي حسود=انثر حروفي وسط عينه كالرماد

ولاّ ليا من شفت من غالي صدود=ابيع تاريخه واســوي له مـــزاد

إن كنت انا الغلطان نقاض العهود=يبشر بما يرضيه لو طال البعاد

وإن كان مقفي ماله بصدري قعود=إبعاده اكبر من حدود الإبتــعاد

قلبي جبل من هيبته يصنع جمود=ماقــد خبرته لـــين إلا بالعــناد

الصد والهجران من طبع الجحود=والزرع تعّرف قيمته عند الحصاد

الله يقطع صاحبي كانه شرود=لاغاب عني فالمواقــيف الشداد

الجود جود اللي بوقفاته يجود=وقت الرخا جايد وبالشده جواد

اشجع رجل لاصار للعليا يقود=واضعف رجل لاصار من غيره يقاد

بعض البشر فوق البسيطه كالأسود=وصقور في كبد السمى عند الهداد

وبعض البشر لامنه لا نفعه وفود=مايعشق إلا الظل وانسام البراد

وبيت الشعَر مايرفعه غير العمود=والطيب مثله مايقوم إلا بعماد

هذا الكلام اللي من الراس معدود=عشته بليلٍ سرمدي على إنفراد

من عقب ما هبت على الأفكار نود=ورفت عيوني بعد ماطال السهاد[/poem]



/




\




.

مرحبابك بين زملائك


ولاهنت على هذه الدره الغاليه


متابعتي وجزيل شكري

قلبي جبل من هيبته يصنـع جمـود
ماقـد خبرتـه لـيـن إلا بالعـنـاد
.
.
حضور مختلف وبداية تستوجب المتابعة بعد الترحيب

أهلا بك يافيحان

شاعر جزل ورائد

الف صح لسانك

ودام وجودك

.

ارحب يافيحان

وصح الله لساانك

قصيده وافيه وحضور مميز

تسلم ولاهنت

فيحان


هلا بالشعر وهله في مرقاب الابداع والشموخ

لاشك سعدنا بتواجدك ومصافحة اولى الدرر ..


صح لسانك ..

نسيت بإني فرد في هـذا الوجـود
تشيب بي فكره والأخرى في المهاد

مرحبا ومسهلا يا فيحان

مصافحه غاليه وشعر جذاب

صح لسانك صح لسانك

ويامرحبا يا غالي

اخوك

يا مرحبا ومسهلا يا فيحان ،



احيان احس بداخل إحساسي جمـود
واحيان حسـي ينقـدح منّـه زنـاد
اروي كبودٍ ضاميه واجـرح كبـود
واكتب على كف العتب ياويش عـاد



شعر راقي وابداع من الوهله الاولى ، فيحان صح لسانك ، تستحق كل المتابعه



اصدق التحايا

الصد والهجران من طبـع الجحـود
والزرع تعّرف قيمته عنـد الحصـاد


فيحان


مرحبا بك ومسهلا .. تشرفنا بوجودك بيننا

صح لسانك مدد .. ولا هنت وننتظر جديدك يا مبدع


تحيااااااااااتي

الله يبقيك أخوي / محيا

وأشكرك على حضورك ومتابعتك

لك ..التقدير أيها الأنيق

هلا أخوي / عبد العزيز

صح الله بدنك

شهادتك وسام دائم



تقديري وتحاياي لك ..

هلا أخوي / محمد الحمياني

صح الله بدنك والله يبقيك

متعابعتك شرف وإعجابك لا شك بإنه هدف



/



لك خالص الود

فيحان القرمودي


حياك الله فالمرقاب وصح لسانك


غيمار

مرت عليّ ايام شفت البيض سـود
واسرارهـا علامهـا رب العـبـاد



فيحان القرمودي

صح لسانك قصيدة رائعة من الى

ومرحبا بك شرفت المكان


تقبل تحياتي

الصد والهجران من طبـع الجحـود
والزرع تعّرف قيمته عنـد الحصـاد



الله الله

الغالي
والقدير
المبدع


فيحان القرمودي
يامرحبا تراحيب
المطر
والحفاوة والتكريم



يثلج الصدر
تواجد امثالكـ
الله يحييك
مدد بلا عدد



وصح لساااانكـ
حتى ترضى ..







&&&&&&&&&&&&

البقى يابن شفلوت

صح الله بدنك

وشاكر لك

مرحبا فيك ابو عيضه

وصح الله بدنك والأجمل هو حضورك

وشاكر لك على التسجيل


ولك خالص تحياتي

الغالي محمد بلال


صح لسانك ولك شكري على حضورك الراقي


تحياتي ..لك

غلاب عايض


صح الله بدنك ولك تحياتي وتقديري


وشاكر لك حضورك النير