في الوادي المقدس طوى!
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
في رحلة العمر من بصرى الى نينوى= عرافة الفكر لعبت با الصدف والودع قالت : أحدثك والعهدة على من روى=عن سالفة حزن فيها نفحة من الوجع ثلاثه اخوان فا الوادي المقدس طوى= تحدثوا بينهم وانا وقفت استمع الاول اسمه شرف والثاني اسمه هوى= والثالث االما وابوهم حضرة المجتمع قال الكبير اسمعوا حنا خلقنا سوى= واخاف لا نفترق مره ولا نجتمع وليا انقطع بيننا حبل الوصل والتوى= وشلون نرجع بعد حبل الوصال انقطع انا شرحت لكم العله لكن الدوى= ماهوبعندي وكل يبحث ويخترع قال الهوى لو فقدتوني وطال النوى= اللي يبيني على قمة جبل يطلّع امرّ به عاصفة من صوب سقط اللوى= او نسمة باردة فيها دلال ودلع تنحنح الما بنبرة عالي المستوى= واوجز كلامه وقال بصوته المرتفع ان تاه اخوكم عن السكه وضل وغوى= ليا حفرتوا فا الارض شوي فز وطلع صد الشرف عنهم وفكره سرح ما ضوى= لين سالوه ونظرفيهم وطرفه دمع قالوا عسى خير جاوبهم بحرّ وجوى= اخوكم ان ضاع مره وحده ما رجع! [/poem] |
حجز يالامير
ولي عوده باذن الله |
2
:) للرد على المسلسل الشعري انتظرني |
الله الله الله
مربط الفرس عند الاخير ابداع ابداع ابداع وصح لساااااانك ايها الداهيه اصدق التحايا |
تسجيل حضور قبل الزحام
ومعها .. صح لسانك كثر ما تبي لي رجعه إن قاله الله |
حجــز ياعلّـــم !
|
تستحق هذه القصيده الشاامخه
ان تكمل عقد الالفين مشااركه لي واهديلها نجمتي الثاانيه دكتور انا من جمهوورك وانت مبدع اضحكتنا وابكيتنا في هذا النص السينمااائي مبدع مبدع وصح لساانك لاتفي بالغرض ولكن لا املك غيرها للتعبير عن مدى اعجاابي بما تجود به قريحتك الشعريه دمت بصحه وعافيه |
لله درّك ..
مبدع ودكتور ومدهش وهنا دره ثمينه ولا غرابه يا بوتركي . صح لسانك صح لسانك صح لسانك محبه وتحيه وأعجاب متجدد :) |
:
د حمد العصيمي مبدع كـ العاده اعجابي ومتابعتي ,, .. |
تصوير رائع .. وتسلسل منطقي جميل
دكتورنا صح لسانك مدد .. ولا هنت تحياتي .. |
مبدع يا العصيمي ولا هنت
صح لسااااانك |
د . حمد العصيمي
شاعر مختلف ومبهر ومبدع اتيت لأجدد الولاء والعهد لأبداعك وامتاعك وأيداعك في الذوائق .... صح لسااانك مددددددددددددد مودتي ومحبتي لك . |
وش الغريب بس ؟!
مبدع يادكتور في كل حضووووور فكر وشعر عالي المستوى لله درك ثم لله درك صح لسانك ودام حظورك وابداعكـ تحياتي واعجابي |
مبدع مبدع يا دكتور
وصح لسانك مدد تقديري |
صد الشرف عنهم وفكره سرح ما ضوى
لين سالـوه ونظرفيهـم وطرفـه دمـع قالوا عسى خير جاوبهم بحـرّ وجـوى اخوكم ان ضاع مره وحده مـا رجـع! / لله درّك يا د حمد مختلف بإبداعك ونهجك الشعري / قصيده من اجمل ما قرأت صح لسانك يا مبدع |
اتوقّع اني اول من قرأها هنا ..
والله يابو تركي ان قصائدك مُلجمة .. لكن تأكد اني من المعجبين بما تكتب .. شكراً لك على اهدائنا كل هذا الشعر الجميل .. محبّتي وتحيّتي .. |
سِيناريو مُبهر , رَسمَ بإقناع ..؛ مَشهداً درامياَ شخوصه مابين ؛ راوي ..., وجزءٌ غالي د. حمد العصيمي ,,, لـ حَرفكَ عُمقٌ يَغوي لـ الغرق فيه ../ معه صح لسانك يا قدير ,,, ؛ |
اللي اعرفه انك غير بشعرك واخلاقك ورجولتك وفكرك ,,
تختفي وتحظر بالتميز والتفرد لاغرابه فانت من ملوك الحرف وسلاطينه يابوتركي ,, اخووك .. |
يا سلام يا دكتور ...
فعلا ً .. لو يروح الشرف ما يرجع ابد .. حكمة غزيرة بهذا النص .. وتسلسل لا ينهجه الا (( دكاترة الشعر )) ... :) ولكن لا اخفيك يا دكتور ،، فعندما قرأت عنوان الموضوع توقعت انك ستروي لنا عن نبي الله موسى .. وحديثه مع رب الملأ بالوادي المقدس .. قد تجهلني امور كثيرة دكتور حمد .. فـ آسف على ذلك وصح لسانك |
والذي نفسي بيده أني من يوم لمحت العنوان من الصفحه الرئيسيه ،
وأنا جازم بأنه هذا من عناوينك ياهالمصيبه ! ولا غرابه فالدكتور / حمد من القله القلائل الذين رسموا لهم خط سيرٍ واضحٍ للمتابع وتفردوا به عن غيرهم وحتى عناوينهم لا تخلو من ذلك .. كما قلت لك سابقاً يابوتركي لغتك القرآنيه طاغيه على إسلوبك وهذا يدل على أن فيك خيراً يا أخي :) سجّل إعجابي وشكري الجزيل على ماتهدي من شعر وفوائد وبالمجّان .. سلام’ عليكم |
صد الشرف عنهم وفكره سرح ما ضوى
لين سالـوه ونظرفيهـم وطرفـه دمـع قالوا عسى خير جاوبهم بحـرّ وجـوى اخوكم ان ضاع مره وحده مـا رجـع! لله درّك يا د حمد صح لسانك مدد عزالله استمتعنا بها تحياتي يالغالي |
صد الشرف عنهم وفكره سرح ما ضوى
لين سالـوه ونظرفيهـم وطرفـه دمـع قالوا عسى خير جاوبهم بحـرّ وجـوى اخوكم ان ضاع مره وحده مـا رجـع! صد الشرف عنهم وفكره سرح ما ضوى لين سالـوه ونظرفيهـم وطرفـه دمـع قالوا عسى خير جاوبهم بحـرّ وجـوى اخوكم ان ضاع مره وحده مـا رجـع! صد الشرف عنهم وفكره سرح ما ضوى لين سالـوه ونظرفيهـم وطرفـه دمـع قالوا عسى خير جاوبهم بحـرّ وجـوى اخوكم ان ضاع مره وحده مـا رجـع! صد الشرف عنهم وفكره سرح ما ضوى لين سالـوه ونظرفيهـم وطرفـه دمـع قالوا عسى خير جاوبهم بحـرّ وجـوى اخوكم ان ضاع مره وحده مـا رجـع! الله الله الله الله ينصر دينك يا دكتور وصح لسانك وسلمت وسلم لنا فكرك وشعرك فوق الوصف والكلام يشهد الله محبتي واعجابي الدائمين اخوك |
| جميع الأوقات بتوقيت GMT +3. الساعة الآن 08:48 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية