البيـج والبـرتقالي !
 

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يارب عفوك قبل لا أخطي ولا آصيب = وآقـدّم دقاقي وآقـدّم جلالي
هذا ولا لي غير عفوك مطاليب = وبيدك ياربـّي وقفتي وإنتقالي
عليّ بذل الجايز من التسابيب = وعليك ياربّ العباد إتكـالي
مشيت في برد وعجاج ولواهيب = شيً تعكـّر لي وشيً صفى لي
كذا حياتي عفس من دون ترتيب = خليط بين الواقعي والخيالي !
أحيان أطوّع عاصيات الهناديب = وأحيان هندابي على قد حالي
واليوم ماهندبت أسجـّل تجاريب = الموقف أكبر من لحون وملالي
فيه أرتجلت الحزن معنى وتركيب = قدّام أترجمها بقاف إرتجالي
حـدّي خفوقي يالضلوع المحاديب = العلم عـدّا طاقتي وإحتمالي
ما هو بعيبً لو غزى راسي الشيب = (العيب زرع الهيّنه عند غالي)!
الله يجنـّبني هل العيب والعيب = والله يجمـّلني ليا جا مجالي
أغيب بعض أحيان وأحيان ماآغيب = حسب الظروف وراحتي وإنشغالي
مرّات أعشي من عشا ليلي الذيب = ومرّات ما ألقى لي عشاً من حلالي !
بعض الليالي لا منادي ولا مجيب = ومناديً ومجيب بعض الليالي
الوقت هذا فرّ كل الدواليب = ومن كان الأوّل حطـّه الوقت تالي
وطـّى مقام الكفو عـطـْب المضاريب = والهيس حطّه فوق صاحب معالي
تسيـّد الهافي كبيـر اللغابيـب = وتقيـّد الوافـي حميد الخصالي !
حتى بقايا الناس صارو مناصيـب = وروس الرجال يجمـّعون الخوالي
والحدب خلاّها بليـّا مقاضيب = تعالي وروحي وروحي تعالي
إيهيب يا ذا الوقت وإيهيب وإيهيب = أنت السبب في ضيقتي وإنفعالي
عذربت رجـّالً بليـّا عذاريب = أستغفر الله صار منظر جمالي !
لكن ومن مبدا سلام وتراحيب = قبل الغروبي يختلط بالزوالي
نقل البنادق غير نقل المشاعيب = يا ساحب المسحوب هلّ الهلالي
هذا زمان اللعب وإلعب يا لعـّيب = وإحذر ترى الأيام مرًّ وحالي
ثلاثة أرباع الوطن لك معازيب = وربعً بقى خالي ولاهو بخالي
العام شفها بين جمـران ومغيب = واليوم بين البيج والبرتقالي !!
[/poem]

أرررررررررحب

خلني أشووووف


:)

يا سلآم يناصر

نص روحاني جميل

لشاعر جميل

طب شعرا وكن كما أنت
تحيتي لك

طيب طيب


اصبر علينا شوي؟؟

ياسلام



صح لسانك


وكل عام وانت بخير



تقبل مروري ...

يازين هالبدع زيناه


صح لسانك ولله درك ياناصر


غيمار

ما هو بعيبً لو غزى راسي الشيـب
(العيب زرع الهيّنـه عنـد غالـي)!

ان شاء الله بعيد عنك زرع الهينه يبو يحيى

أحيان أطـوّع عاصيـات الهناديـب
وأحيان هندابـي علـى قـد حالـي
واليوم ماهندبـت أسجّـل تجاريـب
الموقف أكبر مـن لحـون وملالـي
فيه أرتجلت الحزن معنـى وتركيـب
قـدّام أترجمهـا بقـاف إرتجـالـي
حدّي خفوقي يالضلـوع المحاديـب
العلـم عـدّا طاقـتـي وإحتمـالـي

اخوي ناصرالاحمري

جعله يفداك الهافي وكبيراللغابيب
اللي يعديك من الضيق الاحتمال

لكن خرجنا بفائدة المتعه

العام شفهـا بيـن جمـران ومغيـب
واليـوم بيـن البيـج والبرتقالـي !!
الله الله

العام شفهـا بيـن جمـران ومغيـب
واليـوم بيـن البيـج والبرتقالـي !!

صح لسانك يابويحيى


لك تحياتي ومودتي
في رعاية الله

هلا هلا هلا هلا هلا هلا يا بويحيى
كل عام وانت بالف خير

وصح لسانك يا استاذ الشعر القدير ،


..

كل عام وانت بخييييييييييير


واما النص لحاله اسطوره ........


صح لساااااااااااانك يا ابو يحيي .........


محبتي ومودتي واعجابي ..........

صح لساااااااااااانك يا ابو يحيي .........




كل عام وانت بخييييييييييير

يامرحبا ايو الله يابو يحيى

عز الله انا فاقدينك وفاقدين هالبدع الفارق

صح لسانك ياقيصر وسلم راسك

تحياتي سلامي

وكل عام وانت بخير

ابو يحيى


كل عام وانت بخير .. وصحه وعافيه
بما اني انلجم دايم .. لا جيت ارد عليك .. لذلك اقبل مروري فقط
وتأكد انك في راس القائمه دائما وابدا


والقصيده هذي بالذات
غييييير !




لله درك
وكفى !

الغالي / ابو يحي

فاقدينك عساك ماتفقك غالي

كل عام وانت بصحه وسلامه ومبروك عليك الشهر


وصح لسانك على هذا الحضور المدهش ملايين


اخوك

صح لسانك
صح لسانك

حضور جزل ورائع

ابدعت

لاهنت

احترااامي

و
ج
د

استاذ يالاحمري استاذ

تبقى ياعبدربه ولاعاد تشوووف شي ....وصل كلش وجزاك الله خير

الله الله ياناصر


يعلم الله انها جازت لي بقوووه


وانا من احد متابعينك والمعجبين باتطرح من ابداع


صح الله لسانك ملايين


وشكراً لــــ / أرضاء الذائقه


تقبل تحياتي