شبل الساحه الشعبية
هنا تقديم خاص لأنه شبل الساحه الشعبية شاعرنا الصغير في العمر الكبير في الشخصية والإخلاق والشعر ( هذا كان تقديم مجلة بروق ) ولي كلمة من بعد إذنكم وكلمة حق لابد أن أدونها هنا في المرقاب العام أثناء تصفحي لمجلة بروق وقعت عيناي وبالصدفه على قصيدة سعد بن وسام وأخذت اقرأها وقلت محاولة راقيه وجميله ولن احكم ابداً على قصيدة واحده وأخذت أتابع الأسم جيداً ومن ثم قرأت مشاركه ثانية ايضاً في مجلة بروق وكانت مشاركه مهداه الى أمير دولة قطر وتحمل معاني كبيره جداً وقلت لابد أن اقرأ له وفعلا تابعته من خلال المرقاب وبعض المنتديات واليو تيوب وأيقنت بأنه قادم وبقوه يحمل في داخله معاني كثيره منها جزالة وقوة وإختيار المفرده سيكون حضورة إثاره لأنه يملك خيال خصب ابياته تثير المشاعر وتستفز الأحساس شاعر متجدد مبدع لن أطلق عليه شبل الساحه بل هو أسد الساحه القادم وبقوه وستعود روح الساحه من جديد لأننا نقرأ لشعراء كثيرين مثل سعد فحتماً إن ساحتنا تزخر بنجوم عدة ومن هنا نطلب من إعلامنا أن يعطيهم فرصه وسيجدون الفارق بين الشعر الحقيقي والمجامله . من ابياته يامنتدى المرقاب لاهنت مشكـور فعايلـك ياقـل منهـو فعلـهـا والي ماهو مشهور بيصير مشهور دام الحمولـه مالهـا الا جملهـا وله ايضاً في قسم المواهب ولامن بغيت الشعر مايعصاني ايجيني وهو مسـرعً فالجيـة مانيب اطره طرة الفقرانـي واحذف له الغتره مع الطاقية وانا ورثت الشعر من جداني وابيات شعري دايمن عفويـة اسبح واجيب الدر والمرجاني ودايم بيوتي ماهـي ابعاديـة بيت من محاوره كما يزخر مرقاب الفنون بالعديد من المحاورات الرائعه مع نجوم المرقاب الله يرحم فيصل العيـة ... يافيصـل العيـة غيرك كذا سرداد مردادي ... سرداد مردادي لاتجزي الحسنات بالسية ... حسنات بالسية انته ترا قدام الاجوادي ... قـدام الاجـوادي هذا كان بإختصار شديد وكلمة حق يستحقها سعد منا وهذه تعتبر وجهة نظر خاصه بي وتبقى الكلمه لكم . ملاحظة شكراً لمجلة بروق والقائمين عليها واخص مقيم الخيارين الرائع في إختياره الشعراء وفتح المجال أمام الشعراء الشباب كما لاأنسى أيضا اشكر المرقاب على إهتمامه بالعديد من النجوم الشباب والذي سيكون لنا وقفه معهم بأذن الله وقبل الختام إذكروا الله وصلوا على النبي كل الحب والود والشكر لكم جميعاً |
لبا قلبه ،
هو ذا ابن وسام اللي اشغل العالم ! ماشاء الله ماشاء الله ماشاء الله :) .. |
ابو مبارك .. بالله عليك هذا سعد بن وسام؟؟؟؟
اسألك بالله تقول الصحيح.. صدمه.. من جد صدمه... اقول صدمه لأن اللي اقراه ما يتلايم مع الصوره... و لا في الاحلام.. <<<< لازال يعيش الصدمه.. و لا فيه امل يصدق |
علي مبارك الله لا يهينك على هاللفته
وصراحه انك صدمتنا لكن ما شاء الله عليه ونسال الله التوفيق لزميلنا سعد لك فائق احترامي وتقديري ...!! |
إستاذي الغالي
والعزيز على قلبي عبد ربه لاهنت وبيض الله وجهك ولبا قلبك أنت على مرورك :) وابن وسام شاعر بشهادة الجميع وهو غني من كلامي لكن كلمة حق ولاهنت نفداك مره اخرى |
شفق السريع
أبو مهنا اي والله هو لكن طالبك تذكر الله بالعلم ماهو جاي منك شر أنا والله ياخوك وأحلف وأنا صائم تابعته ووجدت يملك موهبه شعرية فذه شاعر بكل ماتحمل الكلمه ممتاز حتى في إختياره له لغه خاصه مادفعني أكتب عنه إنه شاعر شاعر شاعر له بصمة خاصه وسيكون حديث الساحه أذكر الله :):) يابو مهنا:) |
راكان المغيري
ولاانت ومرحبابك ياخوك أنا مثلك ماصدقت من أول شي لكن تابعته وسألت عنه وولقيت إنه يستحق منا هذه اللفته لأنه ذرب في كتاباته ومتزن في قصيده ماهو من قوم اللي شعرهم خالي من المعنى وماشاءالله عليه |
لا اله الا الله يا ابو مبارك
لكن للأمانه مستحيل اصدق الصوره .. اما شاعرية سعد بن وسام ما عليها كلام... حنا بلانا ماهوب شاعرية سعد.. حنا هالحين طحنا لنا في بير ٍ ما له نهايه.. حنا طحنا فالصوره... من يبا يطلعنا من صدمة الصوره؟؟ انت لو حطيت الصوره و قلت وش تقولون في راعي الصوره.. انا و بدون لا يزعل مني ابن وسام.. ابا اقول هذا يدرس في صف سادس .. و رجاءً لا يزعل مني سعد :).. لكن هذا هو الصحيح... عشان كذا قل لنا كم عمره يا ابو مبارك.. عشان نريّح ركايـبنا... :) |
ماشاءالله لاقوة الا بالله
صدمتنا يابومبارك <-- رح للصناعيه الله يستر عليه ويوفقه ويكفيه شر من فيه شر لاهنت لاهنت |
ما شاء الله تبارك الله
الله يوفقه إن شاء الله في جميع امور دنياه وسعد زميلنا وشاعر يقدم شعر ممتاز بغض النظر عن سنه لاهنت يا علي تقديري لك ،، |
أبو مهنا مرحبابك
تصدق با الله إني ماعرف كم عمره بالضبط لكن على ماأظن إنه يتراوح مابين 14 - 17 سنه تقريباً وماشاءالله عليه عندي له أبيات ودي انزلها لكن بأنتظره هو وإنتظرنا بنسير عليك يابو مهنا قريباً بأذن الله أنا أطلب من سعد إنه يكتب قصيده في ابو مهنا أو يطلبه في الفنون |
اقتباس:
مرحبا يابو تركي والله لايهينك |
اقتباس:
والله لايهينك على كلامك ومرورك الطيب وعز الله صدقت ويشهد الله إني حطيت صورته وهو مايدري وكتبت عنه وهو ايضا لايعلم شي لكن من إعجابي بما يقدمه من جزاله جعلني اكتب عنه ولحبي لشعره هو ما دفعني لمتابعته الله لايضره |
سلطان بن حامد
خووووش توووقيع :) |
|
سعد ال وسام
الله لايضره وماشاء الله تبارك الرحمن صغير سن وكبير شعر لاهنت ياعلي وبيض الله وجهك |
اذكروا الله وصلوا على النبي
سعد 13 سنه فقط ياويلكم عقب كم من سنه ... جاكم المووووت يا معشر المرقابيه تحياتي للجميع وبالخصوص خالي / علي بن مبارك بن عويضه المسروري |
سعد بن وسام : زميل .. مرقابي .. عزيز .
الله يوفقه .. وماشاء الله عليه .. وان شاء الله انه ذخر لأهله وذويه ,, لاهنت ياعلي .. ! |
ماشاء الله عليه,,والله يكفيه شر الناس,,
شاعر راقي,,ويقدم المتميز.. الله يوفقه ويبقى رجل مهما كان عمره يقدم الجزل والرائع,, مشكور يا علي معلومات وافيه عن رجل وافي.. |
ماشاء الله تبارك الرحمن
وأنصح الادارة بشطب عضويتة حتى يكمل السن القانوني 18 سنه :Icon29: ذالٍ منه teeth: عاد الجد الجد وجوده يزيد المرقاب تألق ماشاء الله عليه والله لايضره :wardah: لاهنت ياعلي لاهنت Icon26 |
ماشاء الله تبارك الوهاب
ولا قوة الا بالله العلي العظيم هذا الشبل ارسل لي رسالة خاصة قبل ايام كنت اظنه يمزح عندما ذكر لي في بداية رسالته ان عمره 13 سنه أسند هجينية جميله تشرفت بها وبعيدا عن ( مدحه المتعدّي ) الله يسلمه ويطول عمره على الطاعه .. لمست في ابياته الموهبه الحقيقة ماشاء الله عليه هاجوسي اليـوم برقـه لاح ماغيـر يصتـاد قيفـانـه اقول وش جاء ووشهو راح والبيـت يثبـت بسيسانـه لجل القصيده تجيها اربـاح لكن عـان الخبـر عانـه سلام منـي علـى سـداح الي علـى الشعـر ميدانـه شعره مغطى ذهب ووشـاح ومرفـوع مقـداره وشانـه لوا طاحوا اهل الوفى ماطاح شاعر وله فالشعـر خانـه محبوب للأخـو والمنـزاح حتى بعـد عنـد عدوانـه وانا قبـل مانـي بمرتـاح إليـن غنيـت مـن شانـه وانكان مارد هـو ماطـاح وان رد صـح الله السانـه هو اللي صح لسانه مدد بلا عدد أسال الله له التوفيق والسداد ويستحق الشبل العزيز هذا الموضوع المستقل ، اصدق التحيه له والشكر لك يا بومبارك ،، .. |
ماشاء الله تبارك الرحمن ..
كفوووووو يبن وسام وفعلا انت شبل الساحه القادم الله يكثر امثالك ...ويزيدك من فضله .. شكرا يبو مبارك والله موضوع يثلج الصدر .. وفخورين بمزاملة هذا الشبل وبالتوفيق |
| جميع الأوقات بتوقيت GMT +3. الساعة الآن 04:51 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية