اعذاركم واهيه !
[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
شاعرٍ مايعصف الذهن مايبتكر = وراهي الفكر دايم كسبه الراهيه كان ماعندك احساس وضمير وفكر=عشت فاهي سواة العالم الفاهيه! ياخلايف عمر وبلال وابوبكر = من قرب من حماكم راح في داهيه بينكم فالتجاير والمناصب جكر =والمصالح وحب الذات متناهيه!! مالكم في حقوق الخلق فضل وشكر=تقتلون الامل واعذاركم واهيه!! وين قسم العرب وحقوقها ياهكر = مابقي للعرب وجهن ولاجاهيه كم بومٍ تحطونه بوسط الوكر =تحسبون الحرار عن الوضع ساهيه ! لامتى والاوادم عايشه في حكر = بين لا النافيه دايم ولا الناهيه ! فالخفا وضعكم مابين بطل ونكر=وتخدعون العرب بصوركم الزاهيه تنشرون الهوى وتحاربون الذكر =اخر الوقت لاتامن من الواهيه ودكم تصبح الانثى سواة الذكر = صورة الباغيه بعيونكم باهيه يمكر الله فوق اهل الغدر والمكر = لكن اهل المكر عن ربها لاهيه [/poem] |
1
1 1 |
يمكر الله فوق اهل الغـدر والمكـر
لكن اهل المكر عـن ربهـا لاهيـه الله الله غلاب بن عايض ابدعت وأمتعت .. وقصيدتك في الصميم صح لسانك .. وسلم بنانك ونسال الله أن يصلح الحال وكل عام وانتم بخير تحياتي .. |
الله الله الله
ابن عايض عزالله انك تعصف الفكر وتجيبها نوب فالصميم ابداع ابداع وجزاله غير مستغربه لاهنت وحمد لله على السلامه ياراعي الاسفار |
الله يابو عبدالله الله الله عليك
لا بالله عصفت وابتكرت وعينت خير دايم مبدع وفي كل الحالات بدون استثناء صح لسانك يالراهي |
الله الله الله الله
عزالله انك مبدع ياذا الرجال .. وياحبني لك ولقصيدك .! أبدعت .. وعصفت العاصفة الذهنية وجابت لنا ذا الدرة لله درك ياشيخ صح الله لسانك صح الله لسانك تقبل مروري |
غلاب بن عايض
الله عليك , صح لسـانك ولا هنت أعجابي ومتابعتي |
غلآب بن عآيض لآ فض فوك ., شآعر بلآ شك مبدع بكل حآلآتك ., لآ هنت صح آلله لسآنك مليوون ., على كل طرح و على كل غضب وعذوبه تنفرد فيهآ بجميع ., نصوصك آلزآهيه ., لك أجل آلتقدير ., |
يا سلام يا سلام
أبدعت الله لا يضرك ، ياراع العصف الذهني وفكرك فكر وهل الأعذار الواهيه ربنا وربهم الله ، :) وصح اللسانك ، |
غلاب بن عايض
صح لسانك لين ترضى ابداع من جميع النواحي قافيتا صدر وعجز مميزتين ومضمون ولا اروع وهذي عوايدك يامبدع تحيتي وتقديري واعجابي المتجدد |
مبدع
ياخلايـف عمـر وبـلال وابوبكـر من قرب من حماكم راح في داهيـه وخطير :) صح لسانك يابو عايض ، وعز الله انك تكتب الشعر الحقيقي ،، تحياتي |
،
كان ماعندك احساس وضمير وفكـر عشت فاهي سواة العالـم الفاهيـه ! فـ الصميم :) .. ، رائع بـ كل حالاتك ياخوي غلاب ، صح الله لسآنك ، صح الله لسآنك ، تقبّل الود وَ الورد ، |
ابو عايض
اقسم بالله انك خطير ياشيخ رح الله يوفقك صح لسانك ملالالالالايين متابعه واعجاب مستمر لك فائق احترام وتقدير اخوك ...!! |
يمكر الله فوق اهل الغـدر والمكـر
لكن اهل المكر عـن ربهـا لاهيـه الله الله غلاب بن عايض ابدعت وأمتعت .. وقصيدتك في الصميم صح لسانك .. وسلم بنانك ونسال الله أن يصلح الحال وكل عام وانتم بخير تحياتي .. خطير يا مدهش |
يا سلاااااااااااااااام يبو عبد الله
لله درررررك يا شيخ |
مالكم في حقوق الخلق فضل وشكـر
تقتلون الامـل واعذاركـم واهيـه!! وين قسم العرب وحقوقهـا ياهكـر مابقي للعـرب وجهـن ولاجاهيـه كم بـومٍ تحطونـه بوسـط الوكـر تحسبون الحرار عن الوضع ساهيه ! صدقت صدقت صدقت صح السانك على هالغاضبة الوافية والله إني سجلت دخول بس علشان ارد عليها سلامي عليك وعلى هالفكر الراقي |
،
الله الله الله الله سلام الله عليـك يا غلاب .. مبدع ولا هو غريب عليـك الإبداع ، صح الله السانـك مدد ، |
غلاب بن عايض , بدعك وابداعك عجيب .. وغير مستغرب , اقبل الاعجاب بأكمله , وسلامي عليكـ , |
شاعرنا المقدام
غلاب بن عايض والله ان هالتطويع ما يجيده الا المحترفين الكبار وانت احدهم لاعدمناك صح لسانك مليون في مليون وكل عام وانت بخير ،، .. |
الله الله الله
لله درّك ياشيّخ ابدعت وكيفتنا عزالله |
غلاب ... صح الله السانك يامبدع ,,,
مايكتب القصيد الجزل الا الجزل .... لاهنتــ ,,, |
ياسلام ياسلام ياسلام
الحمدلله انها طلعت من الادراج اجل مانت بحافظها ياخي انت مبدع كبييييير وبس |
| جميع الأوقات بتوقيت GMT +3. الساعة الآن 08:49 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية