مرثيه .. لـ .. الشاعر عثمان تركي بن مصوّي
 

السلام عليكم ورحمة الله وبركاته

قصيده للشاعر / عثمان تركي بن مصوي
رثاء وفي وفاة المغفور لهما الشيخ / عبدالرحمن خاشم ابن مصوي
وابن عمه الشيخ / عبدالله عوض ابن مصوي والتي لم تفصل وفاتهم عن بعض سواء ايام


[poem=font="Traditional Arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
يــالله يــاوالــي عــلـيــك الـتسـاهــيـــل =ياعالم"كثر الحصيل وقليله
يــا غــافـــر الـزلات منشي الـمـخايـيـل =انت الذي من خشيته نلتجيله
تــرحـم عــقـيـد مـامـشى سـكـة الــمـيـل = من خلقته دايم كتابك دليله
مـرحـوم يـا شـيـخ فــعــولــه قـنـــاديــل =شيخ" ولد شيخ" قليل مثيله
مـرحـوم يـا الـنـادر طــويــل المحابـيـل =جعلك مع الوافين واهل الفضيلة
مــرحـوم يـا جـــدي رفـيـع الـمـنـازيــل =يالله عسى الفردوس دايم مقيله
مـدري اعـز الجـود و انـعى هـذا الجيـل = وأقول من للحمل يقدر يشيله
والا اعـزي الـماضــيـه و الـمـقـابـيــل = من الفعول الوافيه والجزيله
لــكـن اعـزي فــيـه جــمـلـة وتـفـصـيـل =كل الأوادم والخصال الاصيله
يـا عــزتي لـلـمـرجــلــه و الــريـاجـيـل =ويا عزتي لك يالحمول الثقيله
ويـا عـزتـي لـك يـالاشــده مـن الـمـيــل =وياعزتي لك يا ركون القبيله
ويا عزتي للجاه بعد الحلاحيل =ويا عزتي لك يالحصون الضليله
ويا عزتي للبشت عقب المشاكيل =ويا عزتي لك يالفعول الجليله
ويا عزتي لك يالمجالس من القيل = ما عاد لك هيبه ولا لك عقيله
ويا عزتي للي يبون التماثيل =أهل السوالف والعلوم النبيله
ويا عزتي للكيف والبن والهيل =والنجر والمسمار ودع وكيله
ويا عزتي لدلالها والمعاميل =والعود الأزرق يوم فارق عميله
ويا عزتي للضيف لا طرّف الليل =ويا عزتي للي يبون الجميله
ويا عزتي لك يا شحم قرّح الحيل = ويا عزتي للصيد خلي سبيله
ويا عزتي لك يالبنادق من الشيل =ورمي التبورد والهدف عزتيله
ويا عزتي للذود لجة مباهيل =ويا عزتي لك يالرجوم الطويله
من يوم راح اللي يحط المعاديل =اللي يصلي فروضها والنفيله
واف الخصايل موفي الوزن والكيل =الله يبيحه ما يعوض رحيله
اقفى ابو تركي زبون المثاقيل =عون الدريك المستجير وكفيله
يالله عسى الجنة مقره عن الويل =وعن الحميم تشربه سلسبيله
حيث ان ما مثله بعيد المناويل =نادر حرار ما يجيب الهزيله
اقولها ودموع عيني هماليل = والقلب يصلى فوق صال المليله
يا وجد حالي يالسيوف المصاقيل =سيوف عز" ما تجيب الفشيله
غاب الجدي وانزاح مع غيبة سهيل =غابت نجوم" للنشاما دليله
راحوا دهاة للنشاما مداهيل = زحول الرجال معدلة كل ميلة
راحوا هل الطالات لطامة العيل =اللي تنومس كل من تنتميله
راحوا هل التقوى الرجال البواتيل =أهل القلوب الصافيه والبتيله
اللي بهم تلقى الصعيبات حلحيل =ترضخ لهم اكبر صعيبه ذليله
ماتو ولا في حكمة الله تبديل =حكم القدر مكتوب ما فيه حيله
والموت حق ولا عن الموت تحويل =لكن خرمتهم تهز القبيله
كلن فقد لمزبنين المداخيل =فقيدة" للي عرفهم عضيله
كل من عرفهم من هل الجيش والخيل =أجناب والا اقراب تبكي عليله
ياجعلهم في دار خلد مقابيل =مع الصحابة والرسول وخليله
آمين يا من نزل الوحي تنزيل = على رسول الحق بأفضل وسيله
وصلاة ربي عد ما يجري السيل = على الرسول وعد وبل المخيله
صلاة" اطهر من عذيب المناهيل =وازكى من أنسام الربيع العليله [/poem]


صح لسان شاعرها والله يرحم اموات المسلمين

الله يتغمدهم بواسع رحمته
وشكرا للشاعر عثمان على هذه القصيدة الذي قالها في من يستحقونها

ولا يفوتني ان نشكرك يا محمد بن مصوّي على ذا النقل

تحياتي وتقديري للجميع

حسين الدوسري

وياعزتي لك يا ركون القبيله <<--- أنا أشــهد فقيده فقيده فيقده ,
,,
’

الله يرحم شيوخنا , ويغفر لهم . . . . ويسكنهم فسيح جناته ,

هذا الدنيا , سـريعٍ إنقلابها , يالله عفوك ,

صح لسآن عثمان على تِلك الشامخه رغم , الحزن الطاغي , بين حروفِها ؟ رغم ألمها , يبقى الجزل جزل ,

لاهنت يابن مصــــوي , بيض الله وجهك . . . دنيا و أخــــره , يابعدي ,

الله يرحم الميتين ويغفر لهم,,

ويعطيك العافية يابن مصوي على النقل,,

تحياتي,,

نسأل الله ان يتغمدهك بواسع رحمته

ويسكنهم فسيح جناته

قصيده حزينه وبالرغم من الحزن جزالتها واضحه

لاهنت يابن مصوي

وصح لسان الشاعر عثمان

الله يرحمهم ويرحم اموات المسلمين


قصيده محزنه ومؤثرة يامحمد


لا هنت على النقل

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ياجعلهم في دار خلد مقابيل =مع الصحابة والرسول وخليله
آمين يا من نزل الوحي تنزيل = على رسول الحق بأفضل وسيله [/poem]


اللهم امين ،، قصيده مؤثره والله يرحمهم بواسع رحمته ، صح لسان الشاعر عثمان ابن مصوّي



ولاهنت يا بو طيف على النقل

الله يرحمهم وصح الله لسان شاعرها ولا هنت على نقلها

محمد بن مصوي


الله يرحمهم ويوسع مدخلهم .



صح لسان شاعرها



ولاهنت يابو طيف على النقل



لك فائق احترامي وتقديري ...!!

صح لسان الجميع

ولا هنتوا جميعا على المرور العذب

نسأل الله لهم الرحمه والمغفرة وجميع اموات المسلمين

لاهنت يابو طيف على النقل الرائع

وصح لسان شاعرها