أصبري ياعين كم قبلك عيونٍ بكت
 

[align=center]السلام عليكم ورحمة الله وبركاته
ابيات للتواصل عقب البطا أمل أن تحوز الرضى .
صلو على النبي [/align]
[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
أصبري ياعين كم قبلك عيونٍ بكت =من مقادير الليالي ومن جور الحياه
أرحمي نفسٍ على غير ربي ماشكت =يوم يطحنها الزمان المولّي في رحاه
والعزيز اللي تدانت عزومه ووشكت =تستبيحه جرد الايام وتبين خفاه
عقب ماوقّف وتعبت ذلوله وبركت =في الخلا الخالي وبارو ربوعه واصدقاه
والعرب ماهي تراعي الضماير لا حكت =كم غشيمٍ لايسرّك ولا تسلم حكاه
والعمر يمضي وبيِض النواصي حرّكت= في مشاعر نايد الشبْح مايِقصِف مداه
أن تكلم فرحو أهل الشماته وإن سكت =قامو العذال كلٍ يقرّب ماوراه
والعوارف تدرك الوضع واللي مادركت=ناس تلعب في الحواري ومعضمها هواه
وبن شايع عاش كل التجارب وعركت =حاله الدنيا على كل وجه وإتجاه
نيته بيضا وحظّه حفر له بالبكت =طاح مايستاهل .. إن مادركه لطف الإلاه
[/poem]

[align=center]حفظكم الله [/align]

عليكم السلام ورحمة الله وبركاته

مرحبا مليون يا بن شايع
ومادمت النيّه بيضاء يرعاك الله بعونه

قصيدة من روائع الشعر .. فاضت بالحكم والبدع الثمين

صح لسانك عدد حروفها مع وافر الإعجاب ،،

..

ابن شايع



صح لسانك



مليون ولاتهون


دمت بخير

البقا ياغالي


يكفيني شرف مرورك الكريم

وتعليقك ناموس وفخر


الله يرعاك

http://www.al-wed.com/pic-vb/10.gif

عبد الله شايع الزهيري
صح كلك وصح كيانك
ابداع ياعبد الله نص جزل
تحكمت بالخبرة في هالنص
الله لايضرك
ولاهنت يالقرم

عبدالله


مرحبااااااا بك ويعلم الله انك شاعر مبدع

واني احبك في الله واحب قصيدك




صح لسانك

مضحي


هلا وغلا


صح بدنك ولاهنت



الله يحفظك

عبدالله بن شايع


ياسلام عليك


قصيده كايفه عز الله


صح لسانك وبيض الله وجهك



لك فائق احترامي وتقديري ...!!

عليكم السلام ورحمة الله

وبن شايع عاش كل التجارب وعركـت
حاله الدنيا علـى كـل وجـه وإتجـاه
نيته بيضا وحظّـه حفـر لـه بالبكـت
طاح مايستاهل .. إن مادركه لطف الإلاه


أي والله ماتستاهل الا الخير يا ابن شايع

وانشاء الله ماتعركك الدنيا وتغنم بلطف الإلاهـ بإذن الله

وصح لسانك يالشاعر على هالجزله

تقديري واحتراامي,’’

نايف المقاطي


البقا ياكحيلان


الله يرضى عليك مرورك يسعدني


لاهنت

فهد فيصل



لاهنت على كريم مرورك


وماعليك زود


حفظك الله

فهد بن عبدان



حياك الله وبياك


ولاهنت على مرورك


حفظك الله

عبد الله بن شايع



صح لسانك ملايين تستطيع انتقاء الجزاله من عمق البحار


اشكرك على طرح مثل هذه النادره


بس ابي اطلب منك قصيدة اللي من ضمنها الشطر التالي

شفت الهنود اللي تسوق السياكل

بندر

وعليكم السلام ورحمة الله وبركاته


مرورك شرفني وتعليقك ناموس


لاعدمتك يانقي

راكان


مرحبا ومسهلا


سرني حضورك النقي



لاهنت

شاعرة نجد


صح بدنك ولاهنتي على مرورك العاطر وتعليقك الطيب


حفظك الله