صـــدى ... عـبـــــــــاله
[poet font="Arabic Transparent,4,white,bold,normal" bkcolor="transparent" bkimage="backgrounds/10.gif" border="solid,6,burlywood" type=0 line=200% align=center use=ex length=0 char="" num="0,black" filter=""]
اعزائي اقدم لكم رد تراحيب بن سويلم على قصيده الشاعر فهد العازمي (عباله) رسالةٍ جتني على الفكس ملي=من شاعرٍ يشكي من اللي جراله معناه ذكرني علومٍ مضاًلي=وشعره يذكرني قصايد فضاله اللي جرالك يافهد جاريلي=ألاّ اني أقدم منك في كل حاله اللي فصل لك من قماشه فصل لي=لولا أختلاف اللون والكمبياله واللي يعل القلب بالحيل علي=ليا صار من عاقل تجيك الجهاله أبعد بعيدٍ عنك صار متعلي=وأقرب قريبٍ منك وقف بجاله ومن بعدها همٍ عليه متولي=نوم الهنا في مضجعه ما صفاله تقول مكسورٍ على الدرب خلي=خلوه ربعه بالمعاره لحاله يشرب من أكواب العذاب ويعلي=وشاف المذله عقب شوف الشكاله يشكي الهموم اللي لحاله تسلي=تومي به أوماي الرشا بالمحاله هموم رحاله والاخرى تحلي=تزوره أكثر من زيارة خواله وقامت تتله بين الاثنين تلي=بين الوداع وبين حق النزاله كيف الهموم لـخافقه تستحلي=ودفاعه أقوى من رواسي جباله ولاتعصي الوالد ولو كان زلي=تحمله مهما يكون أحتماله عسى همومك يافهد تضمحلي=ولعل غيم الهم عجلٍ زواله مطلوب كومندز وقايد مظلي=القصد من سجن الهموم انتشاله والشرع يفرق بين حرمٍ وحلي=والصلح خير وحكمنا بالعداله ويجري أمورٍ مثلها يوم احلي=وبالصبر يفرجها عزيز الجلاله ويمناً تجيب حقوقها ما تشلي=وترى الحدث ما طبه الا الإزاله واللي نهار الزحف يرضى التولي=عساه من زمرة جهنم نكاله وعذروبي اللي تذكره جايزٍلي=كنز القناعه ما تزيده حواله ممشاي في جوٍ خلا مكسبٍ لي=والبعد عن دار الصخب والظلاله ملزوم عن سوق الرخيص أستقلي=الربح جاء دونه كساد وبطاله وتبقى كما نجمٍ على الكون طلي= والمرجله ما نلتها بالوكاله وشتان ما بين الغلا والتغلي= وتم الكلام اللي كمل باكتماله [/poet] وللجميع كل تحيــــــــــــــــــه ، ناصر تراحيب الروقي |
الاخ الشاعر ناصر الروقي ابو الوليد
اولاً صح لسان صاحب القصيده العم والشاعر تراحيب بن سويلم امد الله في عمره و امتعه بالصحه والسلامه....... آمين. و العم الشاعر تراحيب بن سويلم شاعر و شاعر جزل عرفناه من قصيده و معانيه الجزله. صح الله لسانه و بيض الله وجهه. و مشكور يا ابو الوليد على الاتيان بهذه الموسومه و الشامخه و اسلم وسلّم لي على هذا البيت : وعذروبي اللي تذكـره iiجايزٍلـي كنز القناعه مـا تزيـده iiحوالـه كنز القناعه ما تزيده حواله. لله درك يا ابو ناصر. كما اهنئ الاخ و الشاعر فهد العازمي على شرف استلام هذا الصدى من احد منابع و احد موارد الشعر الشعبي المعاصر. تحيه للجميع اخوكم شفق السريّع |
ناصر تراحيب الروقي
ياهلا وغلا بالغالي صح لسانك مبدع كعادتك وهذا ليس بغريب عليك سجل اعجابي وتقبل تحياااااتي |
الراااااااااااااائع شفق
كلماتك الجميله ... تشكر عليها ... والوالد يهديك جزيل الشكر والسلاااااااام ولك كل محبـــــــــــــــــــه .. ياغالي |
الغالي
شـــاهر الشاهر لك كل التقدير والمحبه ..... وللتوضيح القصيده لوالدي وليست لي ..... ولك كل الشكر على اطرائك ومرورك |
اخوي ناصر
بيض الله وجه الوالد وامد الله في عمره صح لسانك ولسانه ولسان فهد وعشت له وعاشلك سالمين وغانمين تقبل تحياتي وتقديري ابوزيد |
الغالي
محمد الثبيتي كلماتك الراااائعه واطرائك الجميل ومرورك المشرف لها عندي بالغ الاثر .. تقبل احترااااااامي وتقديري |
ياسلام صدى رائع لصوت مبدع
صح لسانك يا تراحيب وصح لسانك يافهد وسلمت يمينك ياناصر وتقبلوا جميعا تحياتي |
الشاعر / ناصر الروقي :
لله درك على تقديم هذه الوجبة الدسمة صح لسان والدنا الشاعر الكبير : تراحيب فهو غني عن التعريف والقصيدة درس بل دروس لمن يعي الدروس بالله عليك سلم لي على شاعرنا ووالدنا مع تمنياتي لكم جميعاً بالصحة والعافية . وتقبلوا صادق تحياتي : ======================= فراج ====================== |
أخوي ناصر الروقي
صح اختيارك ولا هنت يالغالي وصح لسان شاعرها . تقبل تحياتي ,,,,,,,,,,,,,,, أخوك / عبدالله مرّان http://vb.almergab.net/showthread.php?s=&threadid=351 |
ناصر الروقي
سلمت يمينك وصح لسان ابو ناصر مدرسه شعريه بل موسوعه اطال الله في عمره |
الرائع ناصر الروقي...
اقول هذا الشبل من ذاك الاسد.... القصيدة فوق مستوى التقييم....ولو انها تحرجنا امام محاولاتنا الصغيرة الله يسامحك ياناصر!!!! ..... والقصيدة يكفيها ميزتي الجزالة والقوة.... تقبل تحياتي وسلم لي على الوالد ابنه معيض |
ابن روق
مرورك اعتزبه كثيراً .. لك تقديري واحتراااااااااااااااامي |
فراج الكرشمي
مرورك وثناءك لها عندي بالغ الاثر سلامك وصل .... ولك اجمل سلام وتحيه |
عبد الله بن مران
الف شكر على هذا المرور ولك مني كل تقدير |
عوض فرج
شكرا على هذا المرور ولك تقديري |
معيض العتيبي
الف شكر على هذا المرور سلامك وصل .... ولك اعذب واجمل سلااااااااااااااااااام |
الله الله رائعه
هذا القصيد اللي اله طعم طول الله عمر الوالد وبيض الله وجهه ووجهك |
الاخ/ ناصر الروقي
قصيده رائعه وجزله 00 وتعتبر من عيون الشعر صح لسان القايل وسلمت يدا الناقل تحياتي وتقديري لاعدمتك |
ضاوي العصيمي
لك تقديري .... وشكرا على هذه الكلمات الجميله .... والوالد من أشد المعجبين بشعرك تقبل تحيااااااااااااااااااااااااااااااااااااااااااااااا اااتي |
تسلم ايدك
صرااااااااحة
صح لسان اللي كتبها واللي خلانا نقراها ابداااااااااااااااااااااااااااااع |
عكاشه
مرورك اشكرك عليه .... وتعليقك يشكرك عليه الوالد ولك اجمل تحيه وتقدير .... |
| جميع الأوقات بتوقيت GMT +3. الساعة الآن 05:06 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية