يالحوثي الزيدي وطنّا لاتجيه
السلام عليكم ورحمة الله وبركاته : تجديداً للتواصل مع صرح الشموخ : [poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""] تعبير بسيط عن أحداث اليومين الماضية , ومحاولة جماعة الحوثي اقتحام حدودنا الجنوبية في منطقة جبل دخان : تسارعت الأحداث والرجل النزيه=ماودّه بخوض الفتن بين اقصراه لكن ليا وصْلت مشاكلهم إليه=مادون حلقه كون يمناه اتحماه واللي بدا يدرج رحى الحرب بيديه=نبتر عروق يديه ونهشّم رحاه يا الحوثي الزيدي وطنّا لاتجيه=إن كان ودّك بالسلامه والغناه دونه نمورٍ تعشق الموت وتبيه=عشقٍ مثل عشقك وقومك للحياه هذا وطن ( مكة وطيبة ) يا السفيه=أطهر وطن نرخص غلانا من غلاه هذا الوطن مانستحقّ نعيش فيه=إن كاننا بالدمّ ما أروينا ثراه من كثرة التخزين للقات الكريه=تشوف ( صعده) داخل ( أبها والسراه) انزح وراك وطاوع الشور النبيه=أطماعك أبعد لك من النجم بسماه وألا تحرّ لضرب بيضان الوجيه=حتى ( جبل دخان) يردمكم حصاه لوتدعمك ( طهران) بريال وجنيه=ماتنفعك والموت من كلّ اتجاه [/poem] . . . |
صح لسانك قصيدهـ جميله ومعاني رائعه لك فائق الاحترام والتقدير تحياتي |
يا سلاااام المبدع الكبير فراج الدوسري صح لسااانك يابو فهد ونسأل الله أن يحمي بلادنا من كل مكروه تحياتي لك |
وعليكم السلام ورحمة الله وبركاته
يا مرحبا بالرجل الاصيل والشعر الجزيل هذا النص يؤكد ما كنت ولازلت اراه عنك .. حيث انك من اجزل الشعراء رغم قلة نصوصك التي نراها هنا ابو فهد .. قصيدة موقف وانت من اصحاب المواقف المشرّفه دون مجامله تحدثت عن جميع مناصرين الحق في العالم وكشفت العبث الزيدي بهذه القصيدة المميزه اعجاب كبير وتحية وتقدير وصح لسانك مدد ،، .. |
حما الله دارنا
ابو فهد صح لسانكـ ملاااااايين فعلاً الوطن وطن نمور ودونه نمور لاهنت على الابداع قلت فأسمعت وكتبت فأبدعت تحياتي لك |
هذا الوطن مانستحـقّ نعيـش فيـه
إن كاننـا بالـدمّ مـا أروينـا ثـراه عز الله صدقت صح لسانك ولاهنت يابو فهد والله يرد كيد الزيود في نحورهم تحياتي |
لوتدعمك ( طهران) بريـال وجنيـه
ماتنفعك والمـوت مـن كـلّ اتجـاه حما الله ديار الحرمين وبلاد الأسلام والمسلمين صح لسااانك مدددد مودتي لك . |
ونه نمورٍ تعشـق المـوت وتبيـه
عشقٍ مثل عشقـك وقومـك للحيـاه كفووو وصح لسانك والله ينصر قواتنا |
الاخ العزيز .. فراج !
شاعر مبدع وزميل نكن له كل الاحترام ! وقصيده موقف وابدعت عز الله وجزل جزل جزل لله درك |
* يا الحوثـي الزيـدي وطنّـا لاتجيـه إن كـان ودّك بالسلامـه والغـنـاه دونه نمورٍ تعشـق المـوت وتبيـه عشقٍ مثل عشقـك وقومـك للحيـاه هذا وطن ( مكة وطيبة ) يا السفيـه أطهر وطن نرخص غلانا مـن غـلاه الله يعز الاسلام والمسلمين و يحفظ المملكه فراج بن فهد الدوسري / صح لسانك ملايين ولاهنت دمتـ ودآم إبدآعك :wardah: |
ياحلو الشعر / الشعر
تسارعت الأحـداث والرجـل النزيـه ماودّه بخوض الفتـن بيـن اقصـراه وانت شاعر نزيه ومبدع ومن الاسماء اللي اثق ثقه تامه ان في متصفحه كل شعر وكل خير ولا الوم سداح يوم يجاريك ، ولو دريت انك بتكتب عن الموضوع هذا مافكرت ولا احاولت اكتب ، لانك وصلت كل اللي عجزت اني اقوله بسهوله لله درك يابو فهد وصح لسانك مليون |
الله الله الله
قصيدة وافية من شاعر مبدع,, صح لسانك يا فراج ويعطيك العافية على التميز.. تحياتي,, |
كفو كفو
وصح لسانك لين ترضى |
هذا الوطن مانستحـقّ نعيـش فيـه
إن كاننـا بالـدمّ مـا أروينـا ثـراه الله ينصر اخواننا هناك ويسدد رميهم قبل صح لسانك مرحبا يابو فهد بالحضور اللي يشرح الخاطر وبعدها صح لسانك وبيض الله وجهك شعر وشعور ماهو غريب منك ومن شرواك سلامي ومحبتي |
وعليكم السلام ورحمة الله وبركاته
الله لا يلجمك يا فراج وبلاد الحرمين حاميها الله من كل شين بإذنه صح الله لسانك ولا هنت ،، كل التقدير |
ايوالله يا فراج ,,, صح لساااانك هذا الكلام الصحيح لا فض فوك
تحيتي ,,, |
صح لسانك ولاهنت!!
|
http://www.al-wed.com/pic-vb/10.gif
الجزل فراج بن فهد الدوسري صاحب النص القوي الشعر الجزالة التحكم النص الذي جعل له صدى نص لايمر مجرد مرور عادي نص الشاعر المتمكن صح السانك وكل كيانك |
هذا وطن ( مكة وطيبة ) يا السفيـه
أطهر وطن نرخص غلانا مـن غـلاه هذا الوطن مانستحـقّ نعيـش فيـه إن كاننـا بالـدمّ مـا أروينـا ثـراه من كثـرة التخزيـن للقـات الكريـه تشوف ( صعده) داخل ( أبها والسراه) الله الله الله الله صح لسانك عبّرت بشاعريه فذه عن مانكنّه جميعا تجاه المملكه |
ابو فهد
ياسلالالالالام عليك قصيدة كايفه صح لسانك مليوووووون . لك فائق احترامي وتقديري ...!! |
صح لسانك
لك فائق الاحترام والتقدير |
اقتباس:
صح بدنك وكل الشكر لك على تفضلك بالقراءة والتعليق . تقبل صادق التحايا |
| جميع الأوقات بتوقيت GMT +3. الساعة الآن 06:21 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية