اوتـــوجــراف
 

السلام عليكم ورحمة الله وبركاته

اكبر البنيات جاتني بدفتر اوتوجراف وقالت اكتب لي اوتوجراف وانشغلت

عنها وكل شوي وهي جاية تقول ما كتبت لي في الدفتر واخذت الدفتر

وكتبت لها ها البويتات اللي اتمنى ان تفهمها اذا كبرت ان شاء الله تعالى

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

بنتي الحبيبة والعزيزة منيرة = طلبتي اهدائي بعد كل ٍ اهداك
وهاضت قرايح هاجسي بتعبيره= هاتي اوتوجرافك وفي صفحته هاك
اهداء ابوك اللي سكنتي نظيره = واللي على اسم اغلا المخاليق سمّاك
اللي ليا نمتي عيونه سهيرة = يدعيلك ان الله من الشر يحماك
لولاك ما خاض الامور العسيرة = ولا كابد الدنيا والاتعاب لولاك
الله عليك يديم عزه وخيره = وستره وعافيته بدينك ودنياك
ويفتح لك ابواب السعد والبصيرة = ومن شر كل اللي منه شر ياقاك
صحيح توك يامنيرة صغيرة = ما لوّنت سود الليالي نواياك
لكنّ فيك احلام عمري كبيرة = وليا كبرتي يكبر الحلم ويّاك
وانتي بتحقيق الاماني جديرة = يجذبك دين ويدفعك طيب مجناك
ابغاك لربوعك ولاهلك سفيرة = باخلاقك ودينك وعاطر سجاياك
وابغاك في لبسك وقولك ستيرة = وليا مشيتي نظرتك يم ماطاك
وخطوتك عن باب القصيرة قصيرة = ما ابغى يقال احد ٍ تحلّاك واوحاك
وعينك عن عيوب الخلايق ضريرة = وخافقك عن زلات الاقدام ينهاك
والصدق طبعك فالعلن والسريرة = ونهج الصحابيات نهجك ومبداك
وابغاك دوم لوالدينك ذخيرة = بالبر واجر البر ماهوب يخفاك
وتردين غبات العلوم الغزيرة = وتعانقين المجد من فعل يمناك
وابغاك الاولى فالادب والاخيرة = فالهرج كثر الهرج يبدي خفاياك
تجملي بالصمت في كل ديرة = والابتسامة لا تفارق محياك
وتكفين ياعنق المها المستذيرة = حذرا يزين من التفافيق مرماك
تراك قايدة الظبا فالمسيرة = وما للظبا مجناب عن جرة خطاك
تجنبي ممشى الدروب الخطيرة = واخذي طريق الدين لا حارت ارياك
حتى يجي لك مع هل الدين سيرة = وكل ٍ يقول ان جا مجالك وطرياك
يابنت مالك فالصبايا نظيرة = الله يعز اللي على العز ربّاك
[/poem]

,’,
\\


الله
الله
الله
الله

لله درك يـ \ مشعل على تِلك الرااائعه . . . النابعه من إحساس أبوي , صادق ,

درر , ثمينه , الله يحفظ لك . . . منيره , و يقر بها عينك ,


بساتين شُكر , على تِلك الدرر ,

:)


الله يخليها الك ويخليك لها

وحجز ولي عوده بإذن الله


:)

،


وعليكم السلام ورحمة الله وبركاته


ما نقول الا الله يستر عليها وانت الله لا يلجمك ابدعت في النصيحه العامه لك فتات
الله يجزاك خير وصح الله لسانك ولا هنت


وفقك الله


.

عليكم السلام ورحمة الله وبركاته

عسى هالاوتوجراف بعد كل اوتوجرافات المعجبين بمشاهير هذا الزمن

حوى ما لم تحتويه كل عبارات المشاهير ورب البيت

الله يحفظها ويسترها ويرعاها و يعز اللـي علـى العـز ربّـاها

شعر نقي 100 %

والله يكيّف مزاجك اي والله يا الأصيل ابو الأصيله .

وصح لسانك مليون في مليون ،،


..

ياحي القصيد وراعيه


الغالي /ابو فالح

يعلم الله انك من الشعار اللذين احرص على متابعتهم

صح لسانك على هذا النص الرائع

والله يحفظ الصغيره والله يعز اللـي علـى العـز ربّـاها

اخوك

الحقيقة أن المرقاب أفضاله علينا كثيرة ’طبعاً بعد فضل الله عزوجل ,
يعني تكون أحياناً متوتر أو منزعج من أمور الحياة أو حتى من مواقع
الإنترنت الأخرى فتدخل على المرقاب وتلقى قدامك قصيدة تعدل مزاجك وتفتح
نفسك يومك كله ويمكن أيامٍ وراه , مثل القصيدة اللي قدامي الآن :)

الله يبطي بالمرقاب في الوجود والله يبطي بالمبدعين فيه شرواك ياأبوفالح .

قصيدة تتقزم أمامها جميع عبارات الإطراء والمديح والثناء :
نصائح لاتقدر بثمن ..
نظرة عميقة وشاملة مستمدة من فكر نيّر ومنهج نقي ..
عبارات تفيض سلاسة وعذوبة ..
قوة سبك للبيت الواحد وقوة ترابط بين جميع الأبيات ..
مشاعر مفعمة بالصدق والأبوة الحانية والحرص على كل خير وسموّ ..

بإختصار : قصيدة يتمنى كل شاعر منصف بل وكلّ أب أنه قائلها .

أبوفالح :

أسأل الله أن يُريَك في ( منيرة ) وفي كلِّ من تُحبّ كلَّ ما تُحبّ .

لقد أرويتنا شعراً أرواك الله من حوض نبيه صلى الله عليه وسلم .

صح لسانك يابو فالح


والله يخليها لك ويصلحها ويحفظها


وافيه من راس وااافي طال عمرك


تحياتي وتقديري لك


اخووك :؛,,

ابو منيره


مشاعر ابويه جياشه نسال الله ان يحفظك لها ولخواتها...


صح لسانك مليوووون ..



لك فائق احترامي وتقديري ...!!

http://www.al-wed.com/pic-vb/10.gif

مشعل فالح الذيابي
كل كلمة تكتب هنا راح تكون قاصرة عن الوصول لمافي هالنص من نبض مشعل
من أحساس مشعل
من صدق هذا النص وشفافيته
نص شعر مشاعر ابويه حانيه
الله يحفظها لك ويحفظك لهم ويصلح لك
صح السانك
صح السانك
صح السانك

وعليكم السلام ورحمة الله وبركاته
هلا اخوي مشعل
صح لسانك لاهنت
قصيده قمه وشاعر مبدع
اسأل الله العلي القدير رب العرش العظيم ان يصلحها ويستر عليها
ويبارك فيها اللهم آمين

:
:

مشعل فالح الذيابي

قد لا أكون مبالغاً ..
أذا قلت أن هذه القصيدة واحده من أصدق ماقرأت ..
في هذا الصرح الشعري ..
حديث (( أب )) وأنصات (( أبنه )) ..
وتوقيع على (( أتوجراف )) من نوع خاص .. ومغاير ..
وكيف لايكون مغايراً وهو نزف وجدان الأب الحاني ..
ومشاعره تجاه فلذة كبدة الفخورة بتوقيع أغلى الناس على دفتر أيامها ..
لذلك جاء نقياً كـ الشاش ..
عذباً كـ الماء الزلال ..
وجاء (( حار )) المشاعر .. دافئ التعبير ..
بسيط الدلاله .. أنيق التركيب .. راقي المضمون .. !!


صحيـح تـوك يامنيـرة صغيـرة
ما لوّنـت سـود الليالـي نوايـاك
لكنّ فيـك احـلام عمـري كبيـرة
وليا كبرتـي يكبـر الحلـم ويّـاك
وانتـي بتحقيـق الامانـي جديـرة
يجذبك دين ويدفعك طيـب مجنـاك


ذاب ثلج المشاعر على (( حرارة )) هذا النص ..
فسال الدمع يـ مشعل .. !!
اسأل الله أن يحفظ لك ملهمة هذا النص (( منيرة )) ..
وأن يقر عينك بنجاحاتها ..
وأن تفخر بها .. كما سنفاخر بأنك والدها .. !!

صح بيانك .. !!
صح بيانك .. !!
صح بيانك .. !!
لين تجوز أصغر عيال (( منيرة )) .. !!

التوقيع .. أخوك .. وعم منيره :
عبدالرحمن حمد .. !!



:)

مشعل الذيابي


الله يصلحها .. ويستر عليها .. ويخليها لك


لله درّك على هـ النص


صح لسانك .. ولا هنت


أعجابي ومتابعتي



تحياتي لك