,, /// اقــوى نظـال \\\ ،،
السلام عليكم ورحمة الله وبركاته
كني مبطي عن المواهب ..ولتـواصل معكم .. وهي من وحي الخيال.. :) [poem=font="Simplified Arabic,5,darkred,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""] البارحه اقفى بي الهوجاس مدري لين وين = في مجلسي عقب الكلام اللي حسبته ما يقال اللين خلاني اقول الشمس تشرق فإي حين= علامها ؟ ابطت علّي والليل كملها وطال!! وانا بفكري مبتعد كني عن العالم سجين = ولا انتبهت الا وانا مقفي على متن الخال ابرفقة اللي غايبه عن ناظري اربع سنين = يا جعل حالتها سليمه من صواديف الليال اللي طواء حالي بعدها كثر شوقي والحنين = وياليتها عني درت يوم اني الحقها السؤال واجمع لها ورود الغلا واصخر لها القاف الثمين = واذبح لها كيد العذول اللي يظام من الوصال وانقى لها بغيابها من قدرها العذر السمين = عشاني انا واهي ما نقبل سواء مد الجزال كنا سواء .. كنا على متن الطموح مسافرين = نحظى برحله آمنه من التجافي والجدال وكنا نداري ما نكّنه عن عيون الحاسدين = حب يسوق التظحيه سوق المواقف لرجال واذا حصل مابيننا امرٍ يبعّد ساعتين = الله يازين العتب بيت الاحبه يا طلال مع اختلاف اضروفنا والله على الدنيا يعين = ومع اتفاق قلوبنا فينا على الظيم احتمال ومن شان ذي لذيك مع جور الزمن متعايشين = وآمالنا اكبر على الفرقاء من ايتاح المجال لكن مدري وش حصل ليت الخوافي لي تبين = يوم رحلت واصبح قصيدي لدفاتر راس مال مغير اكلم طيفها واكتب على الطرق الحزين = واسترجع الذكرى واعيش غيابها باقوى نظال[/poem] |
حجز فاااخـ 1ـر
|
:)
مرحبابك انت وحجزك الفاخر لاعدمتك .. :wardah: |
ابو غروب
يامرحبا ومسهلا وياسلالالالام عليك صح لسانك مليووووون .. لك فائق احترامي وتقديري ...!! |
عبدالعزيز
صح لسانك ولاهنت ابدعت واجدت تقديري لك ،، |
اقتباس:
وهلا وغلا وصح بدنك يالغالي بس شف لي حل في غروب :) اسم البنت عروب وتنطق على وزن غروب :) الله الله وحب لي خشمك :wardah: :) |
وكنا نداري ما نكّنه عن عيون الحاسدين
حب يسوق التظحيه سوق المواقف لرجال واذا حصل مابيننا امرٍ يبعّد ساعتين الله يازين العتب بيت الاحبه يا طلال ياسلام ياسلام عبدالعزيز دمت بهذا التوهج ... صح لسانك |
اقتباس:
ابو عروب عاد والله اني متحرص وانا اكتب الاسم الله يصلحها ويخليها لك .. لك فائق احترامي وتقديري ...!! |
صح لسانك ولا هنت يا عبدالعزيز
|
مغير اكلم طيفها واكتب على الطرق الحزين
واسترجع الذكرى واعيش غيابها باقوى نضال صح لسانك .. صح لسانك ولا هنت على هذا البوح الخيالي الراقي تحياتي .. |
لكن مدري وش حصل ليت الخوافي لي تبين
يوم رحلت واصبح قصيدي لدفاتر راس مال مغير اكلم طيفها واكتب على الطرق الحزين واسترجع الذكرى واعيش غيابها باقوى نظال الله الله .. ابداع يابو هليّل غبت لكنك ليا جيت جيت حضور مميز لشاعر مميز .. صح لسانك ولاهنت تحياتي |
هلا وغلا يا بو هليل
والله يحييك مع اختلاف اضروفنا والله على الدنيا يعين ومع اتفاق قلوبنا فينا على الظيم احتمال الله الله صح لسانك وسلمت ، |
ياسلام
ياسلام عبدالعزيز دمت بهذا التوهج ... صح لسانك |
،
وعليكم السلام ورحمة الله وبركاته ابيات جميلة حتى لو انك تقول انها من الخيال :) صح الله لسانك ولا هنت بالتوفيق . |
مغير اكلم طيفها واكتب على الطرق الحزين
واسترجع الذكرى واعيش غيابها باقوى نضال الله الله الله يابو هليّل صح لسانك مدد تحياتي |
:)
سلطان حامد هلا وغلا وصح بدنك يالغالي..:) |
عبدآلعزيز هليّل آلله آلله يآ سلآم عليك صح آلله لسآنك مليوون و لآ هنت . كل آلشكر , |
الله الله الله
ابو هليل :_ ونضال الشعر الحقيقي .. لله درك على القصيدة الراقية . حي الله الحضور القوي .. يابو هليل .! وصح لسانكـ .. الف الف الف .!! تقبل التقدير .. من أخيك .:) ,, |
فهد عبدان
:) صح بدنك وانا اخوووووك تحيتي لك |
| جميع الأوقات بتوقيت GMT +3. الساعة الآن 04:55 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية