بسم الله مجريها ومرساها!
على متن السحاب اللي بتصريف الرياح يسيـر مزون تجرح الضامـي لهاتـه لا ذكـر ماهـا جرت مجرى سفينة نوح من دار الرباط عصير فبسـم الله مجريـهـا وبـسـم الله مرسـاهـا بتدبير العظيم اللي بحكمـه كـل شـي يصيـر رفع سمك السما وبـلا عمـد ينشـاف سواهـا تحف بها ملايكة السما مع طو ل خـط السيـر وتحرسهـا بعـون الله وتوفيـقـه وتحمـاهـا هدير محركـات اطرافهـا كنـه هديـر بعيـر تسليها الرعود اللـي تجـر الصـوت بحداهـا يحق لها تبختر فا السما ويغـار منهـا الطيـر وتغبطهـا مطـارات البـلاد اللـي تعـداهـا لان اللي عليها سيـدي سلطـان رمـز الخيـر ولن اطهر ثرى هي مهبـط الرحلـة وماواهـا تحراها البلاد اللي ركد في جوهـا المعصيـر وفاح المسـك واليشمـوم فادناهـا وفاقصاهـا احس ان الصحاري ودها يـم السحـاب تطيـر تباشيـر الفـرح فـي عودتـه تعلـو محياهـا واحس ان البحور الملح فيهـا خانـه التعبيـر على طاري وصوله مرهـا السكـر وحلاهـا واحس ان الهضاب اليوم في مقدم سموه غيـر تغشاهـا مـن النـور الالهـي مـا تغشـاهـا واحس ان الجبال تلـج بـا التهليـل والتكبيـر تذكرني حجيـج الله ضحـى العيـد بمصلاهـا هذا حال البلاد اللي تمنـى شوفتـك يـا اميـر مثل ما انته ولو طـال المـدى عنهـا تمناهـا تبا تثلم يديك اللي عصمهـا الله عـن التقصيـر عطاياهـا جيـوش جابـت الارض بسراياهـا لها في كل ساعه فيلق غـازي وجيـش مغيـر اصابعهـا تقـود والكتايـب مــن عطايـاهـا يدين في مزاياهـا القصايـد والعقـول تحيـر بحور الشعر تنضب قبل لا تحصـي مزاياهـا هلا يا سيفنا اللي كل سيف بحضرتـه قصديـر ليا حول على روس العدا فـا الارض وطاهـا على حده رسالـه عاجلـه مـا تقبـل التاخيـر يطير النوم مـن عيـن العـدو قـدام يقراهـا مراكض خيل جيشك من طرف جيزان للخرخير على هيبتـك تـارد وانـت تامرهـا وتنهاهـا ليا منك بطشت البطشة اللـي تعجـز التفكيـر حميت الدار ما نـاش العـدو ماهـا ومرعاهـا |
حجز ملكي
|
هلا بالشعر والا بلاش صح السانك
|
صح لسانك ولا هنت يا حمد
|
صح لسانك يادكتور
دائما تحبك القاف غيمار |
لله درك من شاعر
|
كلام جميل
صح لسانك |
صح لسانك ياحمد
وعـشت . |
.
الحمد لله على سلامة الامير والله لا يلجم لك فم يا شيخ هذا والله الشعر اللي يستحق ان الواحد يتصبح فيه صح الله لسانك ولا هنت يا العصيمي وفقك الله . |
اقتباس:
ومرعاها الله الله صح لسانك يادكتور وانت اللي غير |
د. حمد ابدعت فالوصف وفي المدح والتعبير
صح لسانك والله لا يلجمك |
ابوتركي
مايستغرب عليك الابداع لانك انت المبدع ياشيخ الله يطول بعمرك ويعطيك الصحه والله انك تنومس في كل شي صح لسانك |
الغالي محمد بلال حجزك مؤكد لاخلا يا الامير
|
يهب الاّ..
هي تورسلتك الجنيّه البارح؟؟؟ ربنا و ربك الله يا الشاعر السابح الماهر الغطّاس يهب هبيت و بس :) مع انهم يبا يتورسلونك في الشطر الاول في اول بيت...teeth: في ذمتي ما تسلم .. بس خلها قصيّره... :):):) |
على حده رسالـه عاجلـه مـا تقبـل التاخيـر
يطير النوم مـن عيـن العـدو قـدام يقراهـا مراكض خيل جيشك من طرف جيزان للخرخير على هيبتـك تـارد وانـت تامرهـا وتنهاهـا الله الله مبدع .. مبدع .. مبدع صح لسانك .. وسلم بنانك ولا هنت يا دكتورنا تحياتي .. |
صح لسانك يادكتور
وبيض الله وجهك على القصيدة الجزلة تحياتي . |
تحراها البلاد اللي ركد في جوهـا المعصيـر
وفاح المسـك واليشمـوم فادناهـا وفاقصاهـا قصيده قويه كيف لا وهي من شاعر كبير لايلفظ إلا درر ويستاهل أبو خالد طول الله في عمره دمت بخير |
الغالي سلطان الطريسي
مرورك فخر يا الامير وشهادة اعتز فيها لا خلا ولا عدم |
القدير حمد العصيمي
ياسلالالالالالالالالام عليـك مذهل حتى في قصائد الحدث صح لسانك مليار يادكتور .. لك فائق احترامي وتقديري ...!! |
مخايل صح كلك شكرا لحضورك
|
الغالي غيمار مرورك فخر يا الامير
لا خلا ولا عدم حضورك |
واحس ان البحور الملح فيهـا خانـه التعبيـر
على طاري وصوله مرهـا السكـر وحلاهـا الله الله الله يعطيك الف عافيه على هالباسقه الف صح لسانك والف تحيه |
| جميع الأوقات بتوقيت GMT +3. الساعة الآن 08:05 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية