عشبة الوادي !
 

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
مرآة صمتك وشت بشعورك السادي = يا صاحبي وش بقى للحلم من طوبة!
يا صاحبٍ صوت صمته حطّم فوادي = البرد من زفرته و القيظ لاهوبه
ذا دفترك في يدي ينعا بك امرادي = اللي كتبت وقراه الوقت باسلوبه
سيل الزمن ما لطف في عشبة الوادي = على الصّخر ذبّها في سكّة دروبه
لو جيت تركض من أقصى العمر وتنادي = ما يلتفت فايتك لو يَلبسك ثوبه
قفّت نياقك خذتها نبرة الحادي = والعدّ جفّف رواه ونضب منسوبه
يصيح بك واقعك يالحاضر الغادي = :مَعاد لك من بنات الحلم رعبوبة
صبرك جفل باوّله واليأس بك بادي = يا دوب باقي معك مالعمر يادوبه
تحضر معي دمعتك في نعسة رقادي = كنها على الجفن مذبوحة ومصلوبة
ما سمعت الآهتك ولا تودّادي = غلابة نصطرخ في كفّ مغلوبة!
يا صاحبي ؛ يا " أنا " يا مكمن أبعادي = هل باقي للوجع من صبوته توبة؟![/poem]

ذا دفترك في يدي ينعـا بـك امـرادي
اللي كتبـت وقـراه الوقـت باسلوبـه

يا حلو اسلوبك انت

مبدع .. مبدع .. مبدع


صح لسانك مدد ،،

..

لو جيت تركض من أقصى العمر وتنادي
ما يلتفـت فايتـك لـو يَلبسـك ثوبـه


محمد


صح لسااااااااانك شاعر جزل ورائع



لاهنت

الله الله الله

المبدع في اسوار الظلام .. محمد السالم

نص يحمل الكثير من التساؤلات لمن يقرأه .. حتى يأتيه الحل الشافي

محاكاه للذات تجعل من الشعر متنفس للشاعر وان لم يكن الشعر هكذا .. فلا يكون


اطربتني كعادتك يامحمد


سيل الزمن ما لطف في عشبة الـوادي
على الصّخر ذبّها فـي سكّـة دروبـه



لله درك
لله درك
لله درك

يصيح بك واقعـك يالحاضـر الغـادي
:مَعاد لك من بنـات الحلـم رعبوبـة

محمد السالم

صح الله لسانك

على هالرائعة


قصيدة تستحق الاعجاااب



تحياتي لك