ناقـة الشعــر
 

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
قال لي من قال ودي تجينا في عفيف=حفلةٍ يأتي لها كل شاعر قافيه
قلت لعب النجر عندي معه دله وكيف=قال سولف قلت جزل السوالف وافيه
وقتنا مثل المحاله وله يومٍ مخيف=لا رعد يوحى ولا بارقٍ ينشافيه
والربيع أقفى زمانه وقافيه الخريف=نرقب المجهول وأيامنا متقافيه
اطلعي ياناقة الشعر في الحيد المنيف=عبّري عن خاطري والمعاني كافيه
لو أموت من الظمأ ما شربت من الغريف=ورّديني مثل هداج عينٍ صافيه
هاجسي ياهاجسي هات لي قافٍ طريف=ينشرح بالي لبعض العلوم اللافيه
ودي أبذر زرع مادامت الأيام صيف=يوم بذره ينزرع والليالي دافيه
أطلبك يالله عونك ولطفك يا لطيف=أصلح الأحوال في البينه والخافيه
الزمان يقود للمنتهى قود العسيف=والغشيم اللي سموعه وعينه طافيه
مايطيح بغر في الهاويه غير الضعيف=السفيه يطيح وأهل العقول بعافيه
[/poem]

,,,,,,,,,,,,

هادي بن شنيف

شاعر جزل
صح لسانك
وبيض الله وجهك

تحياتي ومودتي

ابو سلمان



شعر بمعنى الشعر



صح لسااانك

مايطيح بغر في الهاويه غيـر الضعيـف
السفيه يطيـح وأهـل العقـول بعافيـه


الله الله


ابداع يا هادي


صح لسانك ولا هنت


لك كل الود


:)

هادي

صح الله لسااانك

جزل جزل جزل


استمتعت بقرائتها


تحياتي لك

مايطيح بغر في الهاويه غيـر الضعيـف
السفيه يطيـح وأهـل العقـول بعافيـه


يا سلام


صح لسانك .. وسلمت
على هذا البوح .. وهذا الحضور



تحياتي

..