يقول ابن هندي
مساء الخير على الجميع
قصيدة جديدة وعساها تحوز على رضاكم جميع صلو على النبي يقول ابن هندي وبن هندي محمد العمر زايل والإله يدوم فيا نفس توبي مادرينا عن القضى ونا تحت رحمت الإله رحوم الإلهً عظيم الشان ربي وخالقي اللي مزيُن في سماه نجوم ومن بعد ذكرالله بالقول ببتدي وبـيُن اللي بالضمير يحوم اشوف البلاوي في زماني تكاثرت مصايبً جت فالبلاد عموم نعيش ابزمانً فيه يكشف علومنا وياما سمعنا بالزمان علوم علومً كبـيـره تـتعب النفس شرحها ومالي على شرح الكلام عزوم حدانا بعيدً في علومً تضرنا واللي قريبً بالهروج كـتوم غزانا المعادي ماقوينا على الغزو ويامنهو اللي لطغات يروم لو ان البدو وهل البوادي تكلمت ماكان شفت اهل الديار خصوم ولو ان البدو وهل السواحل تحركت كان البقيه للجهاد تقوم ولاكن مابه حيلةً نعكم العدو لاوحاسافه والرجال رخوم ترى الحر يغرس بالفريسه مخالبه حرً وشوف اللي كلاه بوم ونا لاطرالي سيرت المجد والفخر يزداد في وسط الفؤاد سموم تزيد المواجع لاتـذكرت مجدنا ونفسي على بعض الرجال تلوم تواريخنا ترثي وتحزن لحالنا وحنا نعيش ابوقت دوم ظلوم وهل المدامع من عنى الوقت والزمن اشكي ونا صدري يشيل هموم تهان النفوس اليوم وتعيش بالعنى ودار المعادي ماعليه هجوم وعُزي لحالي وتشره على الملا وقول مابه فالزمان قروم احاتي هموم الناس وذكر مصيرنا وقول نفنى والإله يدوم وسلامتكم |
الدنيا بخير يابن هندي .
وباقي من الرجال اللي فيهم خير ويسدون الزوم مثلك وشرواك . صح لسانك تقديري |
*.....
\ .... صح لسانك يابن هندي ولا زال الخير موجود حتى قيام الساعه . مودتي لك . |
عيسى الشاطري.. عبدالرحمن السمين
يامرحبا ويامسهلا ونتم اخواني وكلامكم على عيني وعلى راسي وتقبل انتقادكم الغير مباشر ولاكن يااخواني دايم كلمة الحق تنعاف ودايم المجامله محبوبه ويامرحبا فيكم |
مشعان البراق..
مرحبا يالغالي وتشرف في مرورك وفي تعليقك الجميل بخصوص العجز كلامك صحيح والخطأ مش مني كان من الحبيب اللي يكتب النص على الكيبورد وهذا التصحيح حرً وشوف اللي كلاه البوم (( ال )) ماكتبت بالغلط ويامرحبا فيك يالغالي تحياتي |
ابن هندي
يزينها ربك سبحانه الدائم لساااانك ماينلجم ويمينك ماتنشل اجزلت وابدعت دمت بخير تحياتي لك |
محمد بن هندي
مرحبا ملاييييين صح الله لسانك |
كديميس...
مرحبا ومسهلا ملايين يالغالي ونورت الصفحة بتواجدك تحياتي |
اللهم صلي عليه وسلم
وصح لسانك ولاهنت على هـ الجزله تقديري’,, |
محمد بن هندي آلله آلله صح آلله لسآنك مليوون و لآ هنت كلآم أخوي مشعآن في محله و أنآ أجزمت من قبل لآ أقرآ آلردود إنّه خطأ مطبعي ولآ هنت و آلله .. قصيده رآقيه .. كل آلشكر |
ابن هندي قال وطال
كفو وكفو وصح لسانك |
فهد بن عبدان ...
صح بدنك ولاهنت يالغالي وتشرفت في تواجدك تحياتي |
شاعرة نجد..
مرحبا ومسهلا يااختي وتشرفت في مرورك العطر تحياتي |
صح لسانك يابن هندي
والخير موجود ان شاء الله قصيده معبره ورائعه الله لايضرك لك اجمل الود |
نواف المطيري..
صح بدنك يالغالي وتشرف في تواجدك وتعليقك الاجمل يالسنافي تحياتي |
صح لسانك ولاهنت يابن هندي
تحيتي واحترامي ياغالي اخوك |
| جميع الأوقات بتوقيت GMT +3. الساعة الآن 07:11 PM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
شبكة المرقاب الأدبية