اعترافات ( النص كامل )
 

[poem=font="Simplified Arabic,6,black,normal,normal" bkcolor="transparent" bkimage="backgrounds/33.gif" border="none,4,gray" type=0 line=1 align=center use=ex num="0,black""]
ياصاحبي صح ماهوصعب تخدعني=هاذي إعترافات لايمكن توقعها
الاصعب انك تواصلها وتقنعني= وتصدق إني مصدقها وتبلعها
ركز شويه وصف الصوت واسمعني=في خاطري كلمة لابد تسمعها
إطلع بليا رجوع ولاتودعني=الحمد لله على فرقاك مروعها
أخيرمن لوعلى طبعك تطبعني=وكل جمه تنبي عن منابعها
نسيتني قلب اوراقك وراجعني=تدري إني ادري بها قدام تزرعها
وانا عزومي عن الهفوات تمنعني=لوكان خانتني يديني بقطعها
واقول كانت تساعدني وتنفعني=لكنها تؤذي اعيوني بصابعها
لاخير في من بصدقه مايولعني=ولا فنفسآ هواها مايرفعها
عن عملة مع ضعاف الناس تجمعني=وانا ابن من يطفي النار ويولعها
تكذب عليه وانا شكِّي يصارعني=وتقول بيني وبينك ماتطلعها
كتمت الاسرارفي صدري ويدفعني=وفاي وانته كما تعرف موزعها
تحلف وتبكي وفي بالك تضيعني=مسكين ضحى بنفسه لين ضيعها
ماعاد باقي ولاحاجه تطمعني=عمله رديه مثل عملتك بايعها
طاوعتك افما مضى واليوم طاوعني=شل ذكرياتي من افكارك وودعها
وانا علي الطلاق بكل مايعني=ياكل ذكرى لك بقلبي لمزعها
[/poem]

اخوي سعيد

مرحبابك

والحقيقه اعترافات جميله وقصيده عصما

صح الله لسانك وبوحك واعترافاتك
وتشفع قصيدتك لغيابك على عذرك

سعيد السفياني


اعترافات صادقه

صح لسانك


كل الود

لاخير في من بصدقـه مايولعنـي
ولا فنفسـآ هـواهـا مايرفعـهـا
عن عملة مع ضعاف الناس تجمعني
وانا ابن من يطفي النـار ويولعهـا
تكذب عليه وانا شكِّـي يصارعنـي
وتقـول بينـي وبينـك ماتطلعهـا
كتمت الاسرارفي صدري ويدفعنـي
وفاي وانته كما تعـرف موزعهـا

ياسلام يابو طارق


لله درك وبيض الله وجهك وصح لسانك


تقبل ودي ومتابعتي