--(( يــامـطـول الــبــارح ))--
 

بسم الله الرحمن الرحيم


صبحكم / مساكم .. لله بالخير من بعد غيبه طويل عن هذا الصرح الشامخ
ومن دون مقدمات اقدم لكم الجديد .. واتمنى يحوز على رضاكم .



[poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="none,4,gray" type=2 line=0 align=center use=ex num="0,black""]
يامطول البارح خفيفاته اثقال=خطرن على العاقل يصيبه اهبالي
غديت انا والهم بقفاي واقبال=ارجع الغتره واقلط عقالي
وأتعوذ من ابليس في كل الاحوال=لامن طرالي ماطرالي لحالي
يضيق صدري والحشى يشعل اشعال=كن واهجن فالقلب يصلاه صالي
اسري واتل الجيب والجيب يحتال=للبعد والمسرى وذب الطوالي
وفي راس ضلعن مابه ابراج جوال=هيضت مافي قلبي اول وتالي
اشكي ويشكي مثلي ارجال وارجال=ولابه حدن خالي من الهم سالي
الفكر يجرفني مع وادين سال=عقب المحل يبتل فكري جزالي
من اول وذلحين وفي كل لحوال=مانتقي لا صك جالن بجالي
ومن بين ود وهات وشقلت وش قال=شين يقال وشي ماهو يقالي
اصبر وحالي كل يومن على حال=اصبر ولدري وش تجيب الليالي
[/poem]



وســـلامتكم ..

وعليكم السلام ورحمة الله وبركاته
صح لسانك
وعودٍ حميد
استمتعنا بما قدمت لنا من جزل وعذب
بيض الله وجهك شاعر ولا شك وجزل

ومن بين ود وهات وشقلت وش قال
شين يقـال وشـي ماهـو يقالـي
اصبر وحالي كل يومن علـى حـال
اصبر ولدري وش تجيـب الليالـي




الله الله الله ياسويد

عز الله العزيز انها فوووق المستوى ... شاعر ومبدع والقصيده هذي خصوصا
له عندي طابع خاااص


لاعاد تغيب علينا

سويد ..

عزالله انك شاعر وجزل وياليت ذاك الليل سمعت قصيدك عند الربع

اشغلنا الرجال اللي في موتره نحسبنه ميت هههههههههااااااااااااااي


صح السانك ياذيب